រាជធានីភ្នំពេញ ៖ នាយប់មិញនេះចៅខ្មែរ បានរៀបការយ៉ាងគគ្រឹកគគ្រេងជាមួយស្វាមីដោយមង្គលការនេះជាការរៀបការរវាងបុរស និងបុរសមិនធ្លាប់មានក្នុងពិភពសិល្បៈ។ ឆ្លងកាត់ការរាប់រងតាមដានចិត្តគ្នាជាង៣ឆ្នាំ អ្នកទាំង២សុខចិត្តប្រកាសរួមរស់នៅជាមួយគ្នាពេញមួយជីវិត ចង់អ្នកណាពេបជ្រាយ គឺមិនសំខាន់កុំឲ្យតែធ្វើខុស និងសង្គមដែលគេស្អបខ្ពើម។…
រាជធានីភ្នំពេញ ៖ នាយប់មិញនេះចៅខ្មែរ បានរៀបការយ៉ាងគគ្រឹកគគ្រេងជាមួយស្វាមីដោយមង្គលការនេះជាការរៀបការរវាងបុរស និងបុរសមិនធ្លាប់មានក្នុងពិភពសិល្បៈ។ ឆ្លងកាត់ការរាប់រងតាមដានចិត្តគ្នាជាង៣ឆ្នាំ អ្នកទាំង២សុខចិត្តប្រកាសរួមរស់នៅជាមួយគ្នាពេញមួយជីវិត ចង់អ្នកណាពេបជ្រាយ គឺមិនសំខាន់កុំឲ្យតែធ្វើខុស និងសង្គមដែលគេស្អបខ្ពើម។
អ្នកទាំង២រៀបការឃើញថា ទាំងសាច់ញាតិសងខាងមកបំពេញចិត្តកូនទាំង២ ដោយទឹកមុខញញឹមញញែម ហើយជូនពរជ័យគ្រប់គ្នាមិនថា ឡើយបងប្អូន សូម្បីតែអ្នកសិល្បៈ មិត្តភក្តិក៏លើកទឹកចិត្ត។ អ្វីដែលសំខាន់អ្នកចូលរួមបាននិយាយថា តស៊ូទៀតកុំស្តាប់អ្នកនិយាយមិនល្អ ខំស្រឡាញ់គ្នា ខំរកលុយ ធ្វើបុណ្យសាងកុសលជួយសង្គមជាតិ ជួយអ្នកទន់ទាប កុំយកអារម្មណ៍ទៅខ្វល់ខ្វាយអ្នកថា សំខាន់យើងរើសបានអ្នកល្អ។ គ្មានអ្នកណាគេចង់កើតមកខុសគេនោះទេ។
កាលពីថ្ងៃទី១២ វិច្ឆិកា តារាសម្ដែងលោក ចៅខ្មែរ និងកូនកំលោះ លោក ខុន ខេមរិន្ទ បានប្រារព្ធពិធីរៀបការជាមួយគ្នាយ៉ាងអធឹកអធម ដោយមានមេបាទាំងសងខាងអបអរសាទរ។ ពិធីមង្គលការរបស់អ្នកទាំងពីរ មានទាំងអ្នកជំនួញ តារាសិល្បៈ និងអ្នកសារព័ត៌មានចូលរួមយ៉ាងច្រើនកុះករ នៅបុរីដែលគូស្នេហ៍ភេទដូចគ្នាមួយគូនេះ ទិញផ្ទះរួមគ្នាធ្វើជាចំណងដៃ។
លោក ចៅខ្មែរ និយាយថា ដ្បិតតែលោករៀបការភេទដូចគ្នា ដែលច្បាប់រដ្ឋមិនអនុញ្ញាតិ ប៉ុន្តែលោកបានធ្វើឡើងធំដុំ ដោយមានពិធីសូត្រមន្ត និងចងដៃមិនខុសពីមង្គលប្រុសស្រីទូទៅនោះទេ ដ្បិតថា ពិធីខ្លះគ្រាន់តែធ្វើរបៀបឧបកិច្ចៗ។ ពិធីនោះ ក៏ភ្ជាប់នឹងពិធីឡើងផ្ទះ និងសម្ពោធហាងលក់ផលិតផល ដែលអ្នកទាំងពីរសន្សំលុយកាក់រួមគ្នាទិញបាន។
ភ្ញៀវពិតជាច្រណែនឃើញពួកគេស្វីតដាក់គ្ នាព្រមទាំងស្នើឲ្យមហាជនកុំរើសអើងពិធីមង្គលការភេទដូចគ្នានៅក្នុងសង្គមខ្មែរដែលកើតមាននេះ ធ្វើម្តេចជានិស្ស័យធម្មជាតិ គ្មានអ្នកណាចង់ប្រឆាំងធម្មជាតិបែបផ្ទុយនាំឲ្យលំបាកឡើយ ជាពិសេសចំពោះអ្នកដែលចូលចិត្តចំអក។
លោកសុគន្ឋ រដ្ឋ ហៅចៅខ្មែរ និងចាត់ខ្លួនឯងជាភរិយារបស់ស្វាមីលោកខេមរិន្ឋ បានឲ្យដឹងក្នុងពេលកំពុងទទួលភ្ញៀវថា យើងទាំង២ស្រឡាញ់គ្នាជាង៣ឆ្នាំមកហើយ ដោយបានតាមដានចិត្តគ្នាជារៀងរាល់ថ្ងៃ។ស្វាមីរបស់លោកគាត់ជាមនុស្សម្នាក់ដែលមិនចេះចង់បានរបស់អ្នកដទៃងាយៗ ដោយសារធ្លាប់ទិញកាដូមានតម្លៃជូនគាត់ តែងតែណែនាំឲ្យទុកលុយប្រើការផ្សេងដែលចាំបាច់។ ជាពិសេសគាត់បានស្រឡាញ់ក្រុមសាច់ញាតិខាងខ្ញុំច្រើន ហើយតាំងពីពេលនោះមកយើងចាប់ផ្តើមឈ្វេងយល់ចិត្តគ្នា។
ចៅខ្មែរបន្តថា យើងទាំង២រំពឹងថាខាងរដ្ឋាភិបាលនឹងចេញច្បាប់ការរៀបការដល់អ្នកស្រឡាញ់ភេទដូចគ្នានាពេលណាមួយ។ ទាក់ទិននឹងរឿងយកកូនចៅយើងបានសម្រេចចិត្តសុំកូនគេមកចិញ្ចឹមធ្វើជាកូនបង្កើត ដោយមិនចាំបាច់គិតគូច្រើនអ្វី ដែលរំពឹងទុកសង្ឃឹមថា ស្នេហាយើងពិតតភ្ជាប់និស្ស័យទៅថ្ងៃអនាគតចាស់កោងខ្នង។
ទន្ទឹមនឹងនេះផងដែរ ឃើញថា ទិដ្ឋភាពនៅក្នុងថ្ងៃពិសេសរបស់តារារូបនេះ បានបង្កឲ្យមានការភ្ញាក់ផ្អើល ព្រោះថា នេះជាលើកទី១ហើយ ដែលអ្នកនៅក្នុងរង្វង់សិល្បៈដាច់ចិត្តរៀបការភេទដូចគ្នាបែបនេះ មិនត្រឹមតែប៉ុណ្ណោះ ពួកគេក៏បានចូលរួមអបអរសាទរដល់អ្នកទាំង២ ឲ្យស្រលាញ់គ្នាជារៀងរហូត។ ថ្ងៃជ័យសិរីមង្គលចូលរោងការ របស់អ្នកទាំងពីរ ដែលបានកាន់ដៃគ្នាចូលរោងជ័យយ៉ាងពោរពេញដោយក្តីសុខ និងស្នាមញញឹម ស្របពេលដែលជាថ្ងៃពិសេស ឡើងគេហដ្ឋានថ្មីតម្លៃរាប់ម៉ឺនដុល្លារ ដែលបានមកពីប្រាក់ខិតខំរកស៊ីមិនថា ថ្ងៃយប់របស់អ្នកទាំងពីរ។
ចៅខ្មែរក៏ជាបុគ្គល ដែលធ្វើសកម្មភាពមនុស្សធម៌ក្នុងសង្គមដែល និងបានឧបត្ថម្ភដល់បេក្ខភាពប្រឡងកម្មវិធី The Voice Kids Cambodia រដូវកាលទី១ គឺកុមារី ឃុយ មួយហៀង។ ហើយនេះជាអាពាហ៍ពិពាហ៍ ដែលអាចនិយាយបានថា ជាមង្គលការរបស់អ្នកសិល្បៈទី១ ដែលហ៊ានរៀបការជាមួយបុរសដូចគ្នា ដោយមិនខ្វល់ពីការរិះគន់ ខណៈដែលគ្រាន់តែលោកប្រកាសឲ្យដឹងពីថ្ងៃចូលរោង ក៏មានការចាប់អារម្មណ៍ពីស្រទាប់មហាជនបាត់ទៅហើយ ៕
ចែករំលែកព័តមាននេះ