ខេត្តតាកែវ ៖ នាព្រឹកថ្ងៃទី១០ ខែវិច្ឆិកា វេលាម៉ោង២រសៀល កម្លាំងការិយាល័យប្រឆាំងការជួញដូរគ្រឿងញៀននៃកងរាជអាវុធហត្ថខេត្ត បានបង្ក្រាបការជួញដូរគ្រឿងញៀន ដោយរឹបអូសសារធាតុញៀន «ម៉ាទឹកកក»ជិត១គីឡូក្រាម និងឃាត់ខ្លួនជនសង្ស័យម្នាក់នៅចំណុចផ្ទះជួល១កន្លែង…
ខេត្តតាកែវ ៖ នាព្រឹកថ្ងៃទី១០ ខែវិច្ឆិកា វេលាម៉ោង២រសៀល កម្លាំងការិយាល័យប្រឆាំងការជួញដូរគ្រឿងញៀននៃកងរាជអាវុធហត្ថខេត្ត បានបង្ក្រាបការជួញដូរគ្រឿងញៀន ដោយរឹបអូសសារធាតុញៀន
«ម៉ាទឹកកក»ជិត១គីឡូក្រាម និងឃាត់ខ្លួនជនសង្ស័យម្នាក់នៅចំណុចផ្ទះជួល១កន្លែង ស្ថិតក្នុងភូមិស្នោ សង្កាត់រកាក្នុង ក្រុងដូនកែវ ។
លោកវរសេនីយ៍ត្រី ឈុន សុមេធា នាយការិយាល័យប្រឆាំងការជួញដូរគ្រឿងញៀននៃកងរាជអាវុធហត្ថខេត្តបានឲ្យដឹងថា ប្រតិបត្តិការបង្ក្រាបនេះ គឺមានការសម្របសម្រួលនីតិវិធីដោយលោក ជីវ ចាន់តារា ព្រះរាជអាជ្ញាអមសាលាដំបូងខេត្ត។
ជនសង្ស័យដែលត្រូវបានចាប់ឃាត់ខ្លួនឈ្មោះ រស់ សុភ័ណ្ឌ អាយុ៤៥ឆ្នាំ ជាអ្នករត់តាក់ស៊ីភ្នំពេញ-តាកែវ បច្ចុប្បន្នស្នាក់នៅផ្ទះជួលក្នុងភូមិ សង្កាត់ខាងលើ រួមនឹងវត្ថុតាងម្សៅក្រាមពណ៌សថ្លាម៉ាទឹកកកចំនួន៧៧១,៤១ក្រាម និងទូរស័ព្ទ២គ្រឿង ។នៅចំពោះមុខសមត្ថកិច្ច ជនសង្ស័យសារភាពថា រូបគេពិតជារកស៊ីជួញដូគ្រឿងញៀនប្រាកដមែន ។
ទោះបីជាបែបណា សមត្ថកិច្ចមិនបានឲ្យដឹងពីខ្សែរយៈពួកជួញដូរគ្រឿងញៀននេះទេ ដើម្បីរក្សាការសម្ងាត់ក្នុងការបន្តវែកមុខមេខ្លោង ។
នៅថ្ងៃទី១១ ខែវិច្ឆិកា ជនសង្ស័យត្រូវបានកសាងសំណុំរឿងរួមជាមួយវត្ថុតាងបញ្ជូនទៅសាលាដំបូង
ខេត្ត ៕
ចែករំលែកព័តមាននេះ