រាជធានីភ្នំពេញ ៖ ផ្ទះលក់គ្រឿងសមុទ្របោះដុំរបស់ថៅកែជនជាតិចិនត្រូវបានអណ្តាតភ្លើងឆាបឆេះយ៉ាងសន្ធោសន្ធៅ បណ្តាលឱ្យរងការខូចខាតរបស់មានតម្លៃជាច្រើន តែមិនបង្កឲ្យមានអ្នករងរបួសនោះទេ ដែលហេតុការណ៍នេះបានកើតឡើងកាលពីវេលាម៉ោង៣និង៣០នាទីទៀបភ្លឺ នៅផ្ទះលេខ៣៣D ផ្លូវ១២៥ កែងនឹងផ្លូវ២៣២ ភូមិ១១…
រាជធានីភ្នំពេញ ៖ ផ្ទះលក់គ្រឿងសមុទ្របោះដុំរបស់ថៅកែជនជាតិចិនត្រូវបានអណ្តាតភ្លើងឆាបឆេះយ៉ាងសន្ធោសន្ធៅ បណ្តាលឱ្យរងការខូចខាតរបស់មានតម្លៃជាច្រើន តែមិនបង្កឲ្យមានអ្នករងរបួសនោះទេ ដែលហេតុការណ៍នេះបានកើតឡើងកាលពីវេលាម៉ោង៣និង៣០នាទីទៀបភ្លឺ នៅផ្ទះលេខ៣៣D ផ្លូវ១២៥ កែងនឹងផ្លូវ២៣២ ភូមិ១១ ក្រុម៧៣ សង្កាត់វាលវង់ ខណ្ឌ៧មករា។
ម្ចាស់ផ្ទះឈ្មោះប៉ាង ល័ក្សហាវ ភេទប្រុស អាយុ៥៥ឆ្នាំ ជាជនជាតិចិន មុខរបរលក់គ្រឿងសមុទ្រ ។
យោងតាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុនោះ មាន សន្តិសុខម្នាក់ដែលប្រចាំការក្បែរផ្ទះកើតហេតុ ដែលមានទំហំ៨ម៉ែត្រគុណនឹង២១ម៉ែត្រ បានឃើញមានផ្សែងហុយខ្មួលខ្មាញ់ចេញពីក្នុងផ្ទះកន្លែងក្លាស្សេគ្រឿងសមុទ្រ ព្រមទាំងមានអណ្ដាតភ្លើងចេញមកយ៉ាងសន្ធោសន្ធៅផងដែរ ។
ពេលនោះសន្តិសុខដែលឃើញហេតុការណ៍នោះបានទាញដំបងមកគោះទ្វារម្ចាស់ផ្ទះកើតហេតុ និងអ្នករស់នៅជាប់ផ្ទះកើតហេតុដើម្បីដាស់អោយដឹងខ្លួន ហើយមនុស្សនៅក្នុងផ្ទះកើតហេតុបានរត់ចេញពីផ្ទះទាំងស្ថានភាពភ័យស្លន់ស្លោ និងជួយគ្នាអន្តរាគមន៍ពន្លត់ ។
ភ្លាមៗនោះ ប្រជាពលរដ្ឋបានទាញទុយោទឹកតាមផ្ទះបាញ់ដែរ តែមិនអាចគ្រប់គ្រងស្ថានការណ៏បាន ក៏ទាក់ទងទៅអាជ្ញាធរមូលដ្ថានហៅរថយន្តពន្លត់អគ្គិភ័យមកអន្តរាគមន៍ភ្លាមៗផងដែរ។
ដោយស្ថានការណ៍ភ្លើងឆេះខ្លាំង កម្លាំងជំនាញអន្តរាគមន៍ និងពន្លត់អគ្គិភ័យបានដុតដៃដុតជើងបាញ់ទឹកពន្លត់ភ្លាមៗ និងប្រើប្រាស់រថយន្តពន្លត់អគ្គិភ័យអស់ចំនួន១២គ្រឿង ប្រើរយៈពេលអស់១ម៉ោង ទើបអាចគ្រប់គ្រងស្ថានការណ៍បានទាំងស្រុង។
ក្នុងហេតុការណ៍ឆាបឆេះនេះដែរ ជំហានដំបូងសមត្ថកិច្ចដាក់ការសន្និដ្ឋានថាអាចមកពីបញ្ហាឆ្លងចរន្តអគ្គីសនីនៅកន្លែងរក្សាទុកគ្រឿងសមុទ្រ ទើបបង្កអោយមានជាអណ្តាតភ្លើងឆេះរាលដាលឡើងបែបនេះ។
ក្នុងហេតុការណ៍អគ្គិភ័យឆាបឆេះផ្ទះខាងលើ បណ្តាលឲ្យរងការខូចខាតទ្រព្យសម្បត្តិរួមមានរថយន្តស៊េរីទំនើបមួយគ្រឿង ម៉ាក Alphard ពណ៌ស ពាក់ស្លាកលេខ ភ្នំពេញ ២AZ-១៦៦៦ រងការ ខូចខាតទាំងស្រុង ម៉ូតូមួយគ្រឿងមិនស្គាល់ម៉ាក និងរបស់របរមានតម្លៃមួយចំនួនទៀតនៅក្នុងផ្ទះត្រូវរងការខូចខាត តែមិនបង្កឲ្យមានអ្នករងរបួសនោះទេ ៕
ចែករំលែកព័តមាននេះ