ខេត្តបាត់ដំបង ៖ សមត្ថកិច្ចបានឲ្យដឹងថា ស្ត្រីម្នាក់ត្រូវរថយន្តបុកស្លាប់ពេលកំពុងជិះម៉ូតូល្បាតដងផ្លូវ កាលពីវេលាម៉ោង៦ និង១៥នាទីយប់ថ្ងៃទី១១ វិច្ឆិកា ស្ថិតនៅលើកំណាត់ផ្លូវជាតិលេខ៥៧B ត្រង់ចំណុចភូមិកំពង់ឆ្នាំ១ ឃុំបវេល ស្រុកបវេល ខណ:កំពុងធ្វើដំណើរស្របទិសគ្នា ។
សមត្ថកិច្ចបានប្រាប់ថា ស្ត្រីរងគ្រោះឈ្មោះ សេម រដ្ឋា អាយុ៤៣ឆ្នាំ នៅភូមិបវេល១ ឃុំបវេល ស្រុកបវេល ជិះម៉ូតូស្គូពី(កូនទា) ។ ដោយឡែក រថយន្តបង្ក គេមិនទាន់ស្គាល់ភិនភាគទេ ព្រោះបានបើករត់ តែរថយន្តនោះ បានធ្លាក់ស្លាកលេខនៅកន្លែងកើតហេតុ ដែលមានលេខភ្នំពេញ 2F-8127។
បើតាមសមត្ថកិច្ចបានបញ្ជាក់ថា រថយន្តនិងម៉ូតូ បានធ្វើដំណើរស្របទិសគ្នាពីទិសខាងលិចទៅកើត លុះដល់កន្លែងកើតហេតុ ក៏បុកនិងស្ត្រីរងគ្រោះកំពុងជិះម៉ូតូបណ្ដាលឲ្យស្លាប់តែម្ដង ។ ក្រោយកើតហេតុកំលាំងជំនាញ បានចុះត្រួតពិនិត្យវាស់វែង និងបាននាំយកមធ្យោបាយទាំង២ភាគី ទៅរក្សារទុកនៅអធិការដ្ឋាននគរបាលស្រុកបវេល ដើម្បីដោះស្រាយតាមនីតិវិធីហើយ ។
ចែករំលែកព័តមាននេះ