រាជធានីភ្នំពេញ ៖ ក្មេងស្ទាវ២ក្រុមចេញមកពីក្លិប DOS ស្រវឹងរៀងៗ ត្រូវបានគេសង្ស័យថា រាំមើលមុខឌឺដាក់គ្នាហើយមើលទៅ បានជាមកវាយគ្នាផ្អើលពេញមុខក្លិប បណ្តាលអោយរងរបួសបែកក្បាល២នាក់ ។
ហេតុការណ៍នេះបានកើតឡើងកាលពីវេលាម៉ោង១២រំលងអាធ្រាត្រឈានចូលថ្ងៃទី១២ ខែវិច្ឆិកា ឆ្នាំ២០១៨ តាមបណ្តោយផ្លូវសបិត នៅចំណុចក្លិប DOS ស្ថិតនៅក្នុងសង្កាត់ទន្លេបាសាក់ ខណ្ឌចំការមន ។
សាក្សីដែលឃើញហេតុការណ៍សុំមិនបញ្ចេញឈ្មោះបានអោយដឹងថា មុនពេលកើតហេតុ គេបានឃើញក្មេងទំនើង២ក្រុម ក្នុងនោះមានមួយក្រុម៥នាក់ និងមួយក្រុមទៀតមានគ្នា៥នាក់ដែរ បាននាំគ្នាចូលរាំលេងផឹកស៊ីក្នុងក្លិប DOS រហូតដល់ពួកគេទាំង២ក្រុមនោះចេញមកវិញក្នុងស្ថានភាពស្រវឹងស្រារៀងៗខ្លួន ហើយមិនដឹងថា ពួកគេមានជម្លោះរឿងអីនោះទេ តែគេសង្ស័យថា រាំមើលមុខឌឺដាក់គ្នា ។
ប្រភពដដែលបានបន្តថា លុះចេញមកមុខក្លិប វាយគ្នាបង្កការភ្ញាក់ផ្អើលដល់សមត្ថកិច្ច រួមនឹងអាវុធហត្ថខណ្ឌចំការមន ចុះមកកន្លែងកើតហេតុ ដើម្បីធ្វើការអន្តរាគមន៍ហាមឃាត់កុំអោយឈ្លោះប្រកែកគ្នាជាបន្តទៀត ប៉ុន្តែនៅក្នុងហេតុការណ៍នោះ ខាងភាគីពីរទាំងសុទ្ធតែរងរបួសម្នាក់បែកក្បាល និងម្នាក់ទៀតរងរបួសពកក្បាល និងរយះក្បាល ទើបសមត្ថកិច្ចយកភាគីទាំងសងខាងយកទៅធ្វើការសម្របសម្រួលគ្នា ។
ក្រោយពេលកើតហេតុ ភាគីទាំងសងខាងសុខចិត្តទៅពេទ្យព្យាបាលរបួសដោយខ្លួនឯងរៀងៗខ្លួន
ដើម្បីបញ្ចប់រឿង ៕
ចែករំលែកព័តមាននេះ