ខេត្តព្រះសីហនុ ៖ ក្រុមប្រជានេសាទស្នើឲ្យឯកឧត្តមអភិបាលខេត្តស្រាវជ្រាវ និងពិនិត្យទៅលើករណីមានជនមួយក្រុមដើរប្រមូលលេខក្បាលទូក ដើម្បីមានសិទ្ធចេញអូសកូនគ្រែងឈាម គ្រាដែលឯកឧត្តមអភិបាលខេត្តកំពុងចេញបទបញ្ជាយ៉ាងតឹងរ៉ឹងបំផុត ទៅមន្ត្រីជំនាញ ឲ្យបង្ក្រាបឲ្យខាងតែបាន ចំពោះការអូសកូនក្រែងឈាមនេះ។ ការផ្ទុះប្រតិកម្ម…
ខេត្តព្រះសីហនុ ៖ ក្រុមប្រជានេសាទស្នើឲ្យឯកឧត្តមអភិបាលខេត្តស្រាវជ្រាវ និងពិនិត្យទៅលើករណីមានជនមួយក្រុមដើរប្រមូលលេខក្បាលទូក ដើម្បីមានសិទ្ធចេញអូសកូនគ្រែងឈាម គ្រាដែលឯកឧត្តមអភិបាលខេត្តកំពុងចេញបទបញ្ជាយ៉ាងតឹងរ៉ឹងបំផុត ទៅមន្ត្រីជំនាញ ឲ្យបង្ក្រាបឲ្យខាងតែបាន ចំពោះការអូសកូនក្រែងឈាមនេះ។ ការផ្ទុះប្រតិកម្ម រហូតដល់មានការស្នើសុំអន្តរាគមន៍ដល់ឯកឧត្តមអភិបាលខេត្តនេះ បន្ទាប់ពីទូកនេសាទរបស់ប្រជានេសាទមួយចំនួនត្រូវបានកម្លាំងមន្ត្រីជំនាញ ចុះបង្ក្រាបយ៉ាងចាស់ដៃ ដោយយោងទៅតាមបទបញ្ជារបស់ឯកឧត្តមអភិបាលខេត្ត។
ប៉ុន្តែបែរជាទូកនេសាទមួយចំនួនធំនៅតែមានសិទ្ធិក្នុងការអូសកូនគ្រែងឈាមដដែល ព្រោះពួកគេបានអះអាងថា មកពីពួកគេបានកត់លេខក្បាលទូកឲ្យមនុស្សមួយក្រុម យកទៅឲ្យស្ថាប័នពាក់ព័ន្ធនៅថ្នាក់លើ ដើម្បីមានសិទ្ធអូសស្របច្បាប់ ស្របពេលដែលទូកណាពុំមានលេខក្បាលទូក មន្ត្រីជលផលនឹងចាប់ជាក់ជាពុំខានឡើយ។ ជុំវិញការចុះគាត់លេខក្បាលទូកអូសកូនក្រែងឈាមល្មើសច្បាប់នេះ ប្រជានេសាទម្នាក់ ក្នុងចំណោមប្រជានេសាទជាច្រើន ដែលកំពុងអូសកូនគ្រែងឈាមបានអះអាងថា មូលហេតុដែលពួកគាត់មានសិទ្ធអូសមិនខ្លាចសមត្ថកិច្ច ព្រោះពួកគាត់បានគាត់លេខក្បាលទូកព្រមទាំងថតចម្លងអត្តសញ្ញាណប័ណ្ណជូនមនុស្សមួយក្រុមរួចហើយ។ ប៉ុន្តែសម្រាប់តែទូកណាដែលព្រមលុយកូនគ្រែងឈាមទៅឲ្យចែនីតែប៉ុណ្ណោះ ឯទូកណាមិនព្រមលក់ទៅឲ្យចែនី គឺពួកគេមិនអាចគាត់លេខក្បាលទូកនោះទេ។
ដោយឡែកទាក់ទិនទៅនឹងភាពផ្ទុយគ្នានេះ មានមតិមួយចំនួនបានបង្ហាញទស្សនៈថា វាមិនដែលមានច្បាប់ឯណាដូចនេះទេ បើហាមគឺហាមទាំងអស់គ្នា បើអនុញ្ញាតគឺត្រូវតែអនុញ្ញាតទាំងអស់គ្នា បើមានរឿងបែបនេះមានវាពិតជារឿងអយុត្តិធម៌បំផុតសម្រាប់អ្នកនេសាទដូចគ្នា ហើយវាបានបង្ហាញយ៉ាងច្បាស់អំពីអំពើពួករលួយ បក្ខពួកនិយម អ្នកណាមានខ្សែរធ្វើបាន ឯអ្នកអត់ខ្សែ អត់ខ្នងគេចាប់ ដូចនេះតើច្បាប់នៅឯណា0x017d7។ ឆ្លើយតបទៅនឹងបញ្ហាដ៏ចម្រូងចម្រាសនេះ លោក នេន ប្រធានមន្ទីកសិកម្មខេត្ត និងលោក ឯម ភា នាយខណ្ឌរដ្ឋបាលជលផលកំពង់សោម(នាយខណ្ឌរដ្ឋាបាលជលផលខេត្តព្រះសីហនុ) ពុំទាន់អាចសុំការបំភ្លឺបាននៅឡើយទេ ជុំវិញការចុះកត់លេខក្បាលទូកដើម្បីមានសិទ្ធិអូសកូនក្រែងឈាមនេះ ស្របពេលដែលឯកឧត្តមអភិបាលខេត្តដាក់បទបញ្ជា បង្ក្រាបបទល្មើសអូសកូនគ្រែងឈាមនេះ។
សូមរំលឹកផងដែរថា កាលពីរសៀលថ្ងៃទី៧ វិច្ឆិកា ២០១៨កន្លងទៅនេះ ឯកឧត្តម យន្ត មីន អភិបាលនៃគណៈអភិបាលខេត្តព្រះសីហនុ បានមានប្រតិកម្មយ៉ាងខ្លាំងៗក្រោយទទូលបាននៅព័ត៌មាន ពាក់ព័ន្ធភាពអនាធិបតេយ្យនៃការឃុបឃិតគ្នា នេសាទ កូនគ្រែងឈាមតូចៗដោយខុសច្បាប់នៅតំបន់ កោះខ្យង ស្ថិតក្នុងឃុំអូរជ្រៅស្រុកព្រៃនប់ ដោយលោកបានចេញបញ្ជាភ្លាមៗ ទៅដល់មន្ត្រី ជំនាញពាក់ព័ន្ធ ជាពិសេសមន្ត្រីមន្ទីរកសិកម្មរុក្ខាប្រមាញ់ និងនេសាទខេត្តព្រះសីហនុ ឲ្យចាត់វិធានការបន្ទាន់ដើម្បីទប់ស្កាត់ និងធ្វើការបង្ក្រាបទៅលើឈ្មួញដែលជួញដូរកូន គ្រែងឈាមយកទៅលក់ឲ្យឈ្មួញនៅប្រទេសវៀតណាម។
ជាមួយគ្នានេះ លោក អភិបាលខេត្តក៏បានធ្វើការបញ្ជាក់ផងដែរថា សមត្ថកិច្ចពាក់ពន្ធ័ទាំងអស់នៅមូលដ្ឋាន ក៏ត្រូវចូលរួមបង្ក្រាបដែរ ក្នុងករណីជួបការដឹកជញ្ជូនកូនគ្រែងឈាម យកទៅលក់នៅប្រទេសវៀតណាម គឺធ្វើយ៉ាងណា លុបបំបាត់ឲ្យបានទាំងស្រុងនូវជំនួញ ជួញដូរ ក៏ដូចកានេសាទ កូនគ្រែង ខុសច្បាប់បែបនេះតទៅទៀត៕
ចែករំលែកព័តមាននេះ