ពិតជាគួរឲ្យស្ងើចសរសើរកុមារា ធុច សាឡិក មែន !
- សៀមរាប
ខេត្តសៀមរាប ៖ កុមារា ធុច សាឡិក អាយុ១៤ឆ្នាំ ចេះភាសាបរទេស១៥ភាសា ដែលល្បីក្នុងសង្គមហ្វេសប៊ុកនោះ បានជិះកង់មកលក់វត្ថុអនុស្សាវរីយ៍ នៅមុខប្រាសាទតាព្រហ្ម…
ខេត្តសៀមរាប ៖ កុមារា ធុច សាឡិក អាយុ១៤ឆ្នាំ ចេះភាសាបរទេស១៥ភាសា ដែលល្បីក្នុងសង្គមហ្វេសប៊ុកនោះ បានជិះកង់មកលក់វត្ថុអនុស្សាវរីយ៍ នៅមុខប្រាសាទតាព្រហ្ម…
ខេត្តសៀមរាប ៖ កុមារា ធុច សាឡិក អាយុ១៤ឆ្នាំ ចេះភាសាបរទេស១៥ភាសា ដែលល្បីក្នុងសង្គមហ្វេសប៊ុកនោះ បានជិះកង់មកលក់វត្ថុអនុស្សាវរីយ៍ នៅមុខប្រាសាទតាព្រហ្ម ជាមួយ ម្តាយ និងប្អូនប្រុស ធុច តិត្យា អាយុ១២ឆ្នាំ ចេះ១២ភាសាដែរនោះ មានឪពុកជាជាងគំនូរ ក្នុងត្រកូល ខ្សត់ខ្សោយ។ តាមសម្តីរបស់ឪពុកកុមារា ធុច សាឡិក ឈ្មោះ សុន វុទ្ធី អាយុ៤១ឆ្នាំ មុខរបរជាងគំនូរ និង ប្រពន្ធ ឈ្មោះ ម៉ាន់ វណ្ណា អាយុ៣៥ឆ្នាំ មុខរបរលក់ដូរ នៅមុខប្រាសាទតាព្រហ្ម បានប្រាប់កោះសន្តិភាព នៅមុខផ្ទះថា គាត់មានកូនចំនួន៣នាក់ ប្រុសទាំង៣ គឺកូនប្រុសច្បង មានឈ្មោះ ធុច សីហា អាយុ១៦ឆ្នាំ (មុខរបរសិស្ស ថ្នាក់ទី១០ កូនទី២ ឈ្មោះ ធុច សាឡិក អាយុ១៤ឆ្នាំ ដែល ចេះភាសាបរទេស១៥ភាសា នោះ ជាសិស្ស ថ្នាក់ទី៩ និងកូនពៅឈ្មោះ ធុច តិត្យា អាយុ១២ឆ្នាំ ជាសិស្សថ្នាក់ទី៥ ពួកគាត់រៀននៅអនុវិទ្យាល័យ ស្រះស្រង់ ដែលមានទីលំនៅបច្ចុប្បន្ននៅក្រុមទី៥ ភូមិរហាល សង្កាត់នគរធំ ក្រុង/ខេត្តសៀមរាប។
លោកបានបន្តថា ពួកគាត់ទាំង២នាក់បងប្អូន ទំនេរពីការសិក្សា ត្រូវបាននាំគ្នាជិះកង់ឌុបគ្នា ទៅជួយលក់វត្ថុអនុស្សាវរីយ៍ ជាមួយម្តាយនៅតាមមុខប្រាសាទ ដើម្បីជួយរកថវិការបន្ថែម ផ្គត់ផ្គង់ក្នុងក្រុមគ្រួសារ ដោយសារពួកគាត់ឃើញឪពុកម្តាយ ខ្វះខាត ដើរខ្ចីលុយគេយកមករកស៊ី ទើបពួកគាត់ជួយបែបនេះ។ លោកបានបញ្ជាក់ទៀតថា តាំងពីរកស៊ីលក់គំនូរ អស់រយៈពេលជាង១០ឆ្នាំមក មិនដែលឃើញកូនទាំងអស់ចេះនិយាយភាសានោះសោះ ទើបរយៈពេលប៉ុន្មានថ្ងៃនេះ ខ្ញុំរំភើបរកអ្វីប្រៀបផ្ទឹមពុំបាន ដោយឃើញគេបង្ហោះវីដេអូក្នុងសង្គមហេ្វសប៊ុក រហូតដល់មានលោកឧកញ៉ាមួយចំនួន ព្រមទាំងសប្បុរសធម៌ គាត់ផ្ញើរលុយឱ្យកូនរបស់ខ្ញុំ ខំរៀនសូត្របន្ថែម រហូតដល់ចប់បរិញ្ញាបត្រ។ ទោះជាយ៉ាងណាក៏ដោយ ក៏ខ្ញុំសុខចិត្តលំបាក ឱ្យកូនបានរៀនសូត្របន្តចប់ការសិក្សា និងគេដែរ មិនមែនឃើញពួកគាត់ចេះភាសាបរទេសប៉ុណ្ណឹង មកជួយលក់ដូរឪពុកម្តាយ ដើម្បីឱ្យពួកគាត់ឈប់រៀននោះទេ។ ដូច្នេះខ្ញុំមិនឱ្យពួកគាត់ឈប់រៀនជាដាច់ខាត។ ហើយការលក់ដូររបស់ពួកគាត់នៅតាមប្រាសាទនោះ វាមិនសូវជាដាច់ប៉ុន្មានទេ។
ចំណែកវត្ថុអនុស្សាវរីយ៍ដែលគាត់ទិញពីគេយកទៅលក់នោះមានដូចជា៖ខ្លុយ ,ផ្លិត,ម៉ាកាណែត(ដែកឆក់),កន្ទ្រៃកាត់ក្រចក។ល។ រីឯរូបគំនូរ ដែលពួកខ្ញុំគូរក្នុង១ផ្ទាំង ត្រូវគូររយៈពេល២ថ្ងៃ ទើបបានយកទៅលក់ ក្នុង១ផ្ទាំងលក់បានតម្លៃ ចាប់ពី៥ ដុល្លារ ទៅដល់១៥ដុល្លារ ក្នុង១អាទិត្យ ទើបដាច់បាន១។ កុមារា ធុច សាឡិក អាយុ១៤ឆ្នាំ ដែលខ្ញុំ ចេះនិយាយភាសាបរទេស ចំនួន១៥ភាសា ដែលជាកូនជាងគំនូរ បានរៀបរាប់ភាសា ទាំង១៥ភាសា ប្រាប់ភ្នាក់ងារ កោះសន្តិភាពយើងថា ភាសាទាំង១៥ ភាសានោះមាន៖១/ភាសារខ្មែរ ,២/ភាសា អង់គ្លេស ,៣/ ភាសាចិនកាតាំង,៤/ភាសាចិន កុកងឺ, ៥/ភាសាចិន ហាណាន ,៦/ភាសា រុស្ស៊ី , ៧/ភាសា បារាំង, ៨/ភាសា ថៃ, ៩/ភាសា វៀតណាម,១០/អេស្ប៉ាញ, ១១/សាំងហ្គាពួរ, ១២/កូរ៉េ ,១៣/ម៉ាឡេស៊ី ,១៤/ហ្វី លីពីន ,១៥/ជប៉ុន ហើយភាសាទាំងអស់នេះ គឺចេះមកពីការលក់ដូរ និងរៀនបន្ថែម។
ចំណែកលោក ភៀង ពៅ មេភូមិរហាលបានមានប្រសាសន៍ថា តាំងពីគាត់ធ្វើជាមេភូមិមក មិនដែលមានបងប្អូន ប្រជាពលរដ្ឋកូនណា ដូចកូនលោក សុន វុទ្ធី នេះទេ ដែលធ្វើឱ្យភូមិរហាលទាំងមូល មានកិត្តិយស ល្បីល្បាញ ខ្ទរខ្ទារ ពេញសង្គមហ្វេសបុក ដោយសារកុមារា ធុច សាឡិក អាយុ១៤ឆ្នាំ ដែលចេះនិយាយភាសាបរទេសចំនួន១៥ភាសា គួរឱ្យរំភើបរកអ្វីប្រៀបប្រដូចគ្មាន មានតែជូនពរឱ្យក្មួយ ខិតខំបន្ថែមទៀត។ រីឯ អ្នកស្រី ធារ៉ា មគ្គុទេសទេសចរណ៍ចិន បានប្រាប់កោះសន្តិភាពនៅមុខប្រាសាទ តាព្រហ្មថា តាំងពីគាត់ចូល បកប្រែភាសាចិនទៅតាមប្រាសាទ មកមិនដែលឃើញក្មេងណា ចេះនិយាយភាសាបរទេស ច្រើនដូចកុមារា ធុច សាឡិក នេះទេ យ៉ាងច្រើនម្នាក់ៗចេះតែ២ទៅ៣ ភាសាប៉ុណ្ណោះ។
ចំណែកកុមារា សាឡិក នេះ ចេះទៅដល់១៥ភាសា គ្រាន់តែគាត់លក់វត្ថុអនុស្សាវរីយ៍ ប៉ុណ្ណឹងសោះ បើបរទេសចិនដូចពួកខ្ញុំ គាត់រត់មកនិយាយភាសាចិន បើបរទេស ជនជាតិជប៉ុនគាត់និយាយភាសាជប៉ុន បរទេសថៃ មក រត់ទៅនិយាយភាសាថៃ ហើយការលក់ដូររបស់ពួកគាត់នោះ គឺលក់បានត្រឹមតែមុខរបងខ្លោងទ្វារប៉ុណ្ណោះ មិនអាចចូលលក់ដល់ក្នុងប្រាសាទបានទេ ដោយសារខាងសមត្ថកិច្ច ហាមឃាត់ អ្នកលក់ដូរទាំងអស់៕
https://youtu.be/i0s7l3eiEMs
ចែករំលែកព័តមាននេះ