ខេត្តកំពង់ស្ពឺ ៖ រថយន្តធុនធំចំនួន៣គ្រឿងបានបុកបន្តកន្ទុយគ្នាបណ្តាលឲ្យរថយន្តនៅខាងមុខគេក្រឡាប់សង្កត់ម៉ូតូ១គ្រឿងដែលបើកបញ្ច្រាសទិសរងរបួសអ្នកបើកម៉ូតូ ។ គ្រោះថ្នាក់ចរាចរណ៍នេះបានកើតឡើងនៅម៉ោង១និង១០នាទីរសៀល ថ្ងៃទី៩ ខែវិច្ឆិកា ឆ្នាំ២០១៨ តាមបណ្តោយផ្លូវជាតិលេខ៤ ស្ថិតក្នុងភូមិទី៦…
ខេត្តកំពង់ស្ពឺ ៖ រថយន្តធុនធំចំនួន៣គ្រឿងបានបុកបន្តកន្ទុយគ្នាបណ្តាលឲ្យរថយន្តនៅខាងមុខគេក្រឡាប់សង្កត់ម៉ូតូ១គ្រឿងដែលបើកបញ្ច្រាសទិសរងរបួសអ្នកបើកម៉ូតូ ។ គ្រោះថ្នាក់ចរាចរណ៍នេះបានកើតឡើងនៅម៉ោង១និង១០នាទីរសៀល ថ្ងៃទី៩ ខែវិច្ឆិកា ឆ្នាំ២០១៨ តាមបណ្តោយផ្លូវជាតិលេខ៤ ស្ថិតក្នុងភូមិទី៦ ឃុំត្រែងត្រយឹងស្រុកភ្នំស្រួច ខេត្តកំពង់ស្ពឺ ។
ប្រភពព័ត៌មានពីសមត្ថកិច្ចបានឲ្យដឹងថា គ្រោះថ្នាក់ចរាចរណ៍នេះបានកើតឡើងរវាងរថយន្តមួយគ្រឿងម៉ាកហ៊ីយាន់ដាយ ពណ៌ត្រួយចេក ពាក់ស្លាកលេខ ភ្នំពេញ 3E- 4675 ដឹកដែកសសៃកន្ទុយរ៉ឺម៉ក ស្លាកលេខភ្នំពេញ 4A- 5295 អ្នកបើកបរមិនស្គាល់ឈ្មោះ (ចុះរត់គេច) មកពីទិសខាងកើតទៅទិសខាងលិចមកដល់ចំណុចខាងលើបានបុកគូថរថយន្តមួយគ្រឿងម៉ាកមីតស៊ុយមីត ពណ៌ទឹកប៊ិច ពាក់ស្លាកលេខរដ្ឋ 25.2.0512 បើកបរដោយឈ្មោះ ឡាច អាត ភេទប្រុស អាយុ៥១ឆ្នាំ មានទីលំនៅភូមិជ្រោយអំពឹល ឃុំក្បាលកោះ ស្រុកកៀនស្វាយ ខេត្តកណ្តាល ។
ដែលបើកបរទិសស្របគ្នាបន្ទាប់មករថយន្តម៉ាកមីតស៊ុយមីតស៊ី និងរថយន្តម៉ាកហ៊ីយាន់ដាយទាំងពីរគ្រឿងនេះក៏រុលទៅបុករថយន្តមួយគ្រឿងទៀត ម៉ាកនីសាន់ ពណ៌ត្រេអ៊ី គ្មានស្លាកលេខ ដឹកថ្មបើបរដោយឈ្មោះ ហុង សុខឡេង ភេទប្រុស អាយុ៣៧ឆ្នាំ មានទីលំនៅភូមិត្រពាំងអត់ទឹក ឃុំគីរីវន្ត ស្រុកភ្នំស្រួច ខេត្តកំពង់ស្ពឺ ដែលបើកបរទិសស្របគ្នា ហើយរថយន្តម៉ាកនីសាន់ក៏បានក្រឡាប់ទៅលើថ្នល់កៅស៊ូទៅប៉ះជាមួយម៉ូតូមួយគ្រឿងម៉ាកស៊ុម័រ ពណ៌ក្រហមលាយស ពាក់ស្លាកលេខភ្នំពេញ 1HB – 4476 បើកបរដោយឈ្មោះ អ៊ុយ ច័ន្ទវាសនា ភេទប្រុស អាយុ៤០ឆ្នាំ ស្នាក់នៅភ្នំពេញ ដែលបើកបរមកពីទិសខាងលិច បណ្តាលឲ្យអ្នកបើ កបរម៉ូតូរងរបួសស្រាល ម៉ូតូខូចខាតស្រាល រថយន្តមីតស៊ុយមីតស៊ី និងរថយន្តនីសាន់ខូចខាតធ្ងន់ ចំណែករថយន្តហ៊ីយន់ដាយខូចខាតស្រាល ។
ហេតុការណ៍នេះដែរមិនបណ្តាលឲ្យមានអ្នករងគ្រោះដល់អាយុជីវិតឡើយ ។ ក្រោយកើតហេតុសមត្ថកិច្ចបានចុះអន្តរាគមន៍យកវត្ថុតាងយកមករក្សាទុកនៅអធិការដ្ឋានស្រុកភ្នំស្រួច ដើម្បីកសាងសំណុំរឿងតាមនីតិវិធី ៕
ចែករំលែកព័តមាននេះ