ខេត្តឧត្តរមានជ័យ ៖ បុរសជាប្តីដែលមានគម្រោងសម្លាប់ប្រពន្ធខ្លួនឯង ដោយយកពូចៅកាប់ចំកណ្តាលក្បាល និងយកខ្សែភ្លើងឆក់ថែមទៀត តែមិនបានសម្រេច សំណាងល្អប្រពន្ធនៅមានជីវិតបានរត់គេចខ្លួនទៅផ្ទះបងប្អូនឱ្យជួយ ចំណែកប្តីបានយកខ្សែអង្រឹងចង.កជាប់នឹងថ្នឹមផ្ទះធ្វើអត្តឃាតខ្លួនស្លាប់បាត់បង់ជីវិត កាលពីម៉ោង៤និង៤៥នាទីទៀបភ្លឺឈានចូលថ្ងៃទី១១ ខែវិច្ឆិកា…
ខេត្តឧត្តរមានជ័យ ៖ បុរសជាប្តីដែលមានគម្រោងសម្លាប់ប្រពន្ធខ្លួនឯង ដោយយកពូចៅកាប់ចំកណ្តាលក្បាល និងយកខ្សែភ្លើងឆក់ថែមទៀត តែមិនបានសម្រេច សំណាងល្អប្រពន្ធនៅមានជីវិតបានរត់គេចខ្លួនទៅផ្ទះបងប្អូនឱ្យជួយ ចំណែកប្តីបានយកខ្សែអង្រឹងចង.កជាប់នឹងថ្នឹមផ្ទះធ្វើអត្តឃាតខ្លួនស្លាប់បាត់បង់ជីវិត កាលពីម៉ោង៤និង៤៥នាទីទៀបភ្លឺឈានចូលថ្ងៃទី១១ ខែវិច្ឆិកា ឆ្នាំ២០១៨ ស្ថិតនៅភូមិកញ្ជ្រៀប ឃុំគោកមន ស្រុកបន្ទាយអម្ពឹល។
ស្ត្រីដែលរងគ្រោះឈ្មោះឡិញ សារឿន អាយុ៤៨ឆ្នាំ មានកូន៤នាក់ ក្នុងនោះស្រី២នាក់ បានរងរបួស១ពូចៅចំកណ្តាលក្បាលដេរចំនួន៨ថ្នេរ និងរងរបួសដោយខ្សែភ្លើងឆក់ផងដែរ ចំណែកបុរសជាប្តីដែលបានចង.កសម្លាប់ខ្លួនឈ្មោះ ជូ សំណាង អាយុ៥៦ឆ្នាំ មុខរបរជាកសិករ មានទីលំនៅក្នុងភូមិ-ឃុំកើតហេតុខាងលើ។
បើតាមលោក ហាំង មេង អភិបាលស្រុកបន្ទាយអម្ពឹល បានឱ្យដឹងថា ក្រុមគ្រួសារនេះកន្លងមក គេបានសង្កេតឃើញតែងតែកើតមានជម្លោះគ្នាជាញឹកញាប់ផងដែរ ហើយសមត្ថកិច្ចអធិការស្រុកបាននាំយកមកអប់រំ ធ្វើកិច្ចសន្យាឱ្យឈប់ឈ្លោះប្រកែកគ្នា និងឈប់ប្រើនូវអំពើហិង្សាទៅលើក្រុមគ្រួសារផងដែរ។
លោកអភិបាលស្រុកបន្តថា មុនកើតហេតុនៅរសៀលថ្ងៃទី១០ វិច្ឆិកានោះ តាមរបាយការណ៍ពីប៉ូលិសឱ្យដឹងថា ប្តីរូបនេះនិយាយជាមួយប្រពន្ធថា យើងជិតបែកគ្នាហើយ ហើយប្រពន្ធឆ្លើយតបទៅវិញថា មូលហេតុអីដែលត្រូវយើងបែកគ្នា ដោយខ្លួនមិនបានដឹងថា ប្តីមានគម្រោងបែបនេះសោះ។
ប៉ូលិសអធិការស្រុកបន្ទាយអម្ពឹល ឱ្យដឹងទៀតថា ក្រោយពីទទួលនូវព័ត៌មានរាយការណ៍រួចមក នៅវម៉ោង៧ព្រឹកថ្ងៃទី១១ វិច្ឆិកា សមត្ថកិច្ចប៉ូលិសជំនាញបានចុះទៅដល់កន្លែងកើតហេតុ បានធ្វើការត្រួតពិនិត្យនៅជុំវិញសាកសពឃើញថា បុរសជាប្តីពិតជាបានយកខ្សែអង្រឹងទៅចង.កសម្លាប់ខ្លួនឯងដោយពិតប្រាកដមែន ក្រោយប៉ូលិសបានប្រគល់សពបុរសជាប្តីទៅឱ្យក្រុមគ្រួសារធ្វើបុណ្យទៅតាមប្រពៃណី៕
ចែករំលែកព័តមាននេះ