ពិធីហែអង្គកឋិនទានទៅវត្តអូរដូនពៅ
- បាត់ដំបង
ខេត្តបាត់ដំបង៖ កាលពីថ្ងៃទី១០ ខែវិច្ឆិកា ឆ្នាំ២០១៨ លោកខាន់ ម៉ាណេរ រដ្ឋលេខាធិការក្រសួងសាធា រណៈការ និងដឹកជញ្ជូន និងក្រុមគ្រួសារ…
ខេត្តបាត់ដំបង៖ កាលពីថ្ងៃទី១០ ខែវិច្ឆិកា ឆ្នាំ២០១៨ លោកខាន់ ម៉ាណេរ រដ្ឋលេខាធិការក្រសួងសាធា រណៈការ និងដឹកជញ្ជូន និងក្រុមគ្រួសារ…
ខេត្តបាត់ដំបង៖ កាលពីថ្ងៃទី១០ ខែវិច្ឆិកា ឆ្នាំ២០១៨ លោកខាន់ ម៉ាណេរ រដ្ឋលេខាធិការក្រសួងសាធា
រណៈការ និងដឹកជញ្ជូន និងក្រុមគ្រួសារ ព្រមទាំង អស់លោក លោកស្រី ប្រធានអនុប្រធានមន្ត្រីរាជការ និងញាតិមិត្តទាំងអស់ក្នុងខេត្តបាត់ដំបង បានដង្ហែអង្គកឋិនទាន ទៅប្រគេនព្រះភិក្ខុសង្ឃគង់ចាំព្រះវស្សាអស់ត្រីមាស នៅវត្តអូរដូនពៅ ឃុំឃ្លាំងមាស ស្រុកបវេល ខេត្តបាត់ដំបង ដើម្បីជួយជ្រោមជ្រែងវិស័យព្រះពុទ្ធសាសនា និងជួយបំពេញការខ្វះខាតនៅក្នុងវត្ត ដែលមានពុទ្ធបរិស័ទ ចំណុះជើងវត្តទាំងអស់ កំពុងគោរពតាមវិស័យព្រះពុទ្ធសាសនារបស់យើងទាំងអស់គ្នា ។
បន្ទាប់ពីរៀបក្បួនដង្ហែរួចហើយ លោកខាន់ ម៉ាណេរ បានប្រកាសអំពីចំណូលទាំងអស់ដែលបានមកពីបងប្អូន និងមន្ត្រីរាជការ ទទួលបានថវិកាសំរាប់កសាងវត្តចំនួន៨៧លានរៀល ក្នុងនោះ ប្រគេនវត្តអូរដូនពៅ ចំនួន៦០លានរៀល និង២៧លានរៀលទៀតត្រូវបែងចែកទៅដល់វត្តផ្សេងទៀត នៅក្នុងឃុំនោះដែលមានការខ្វះខាតយកទៅជួយរួមចំណែកបំពេញតាមតម្រូវការជាបណ្តោះអាសន្នសិន ហើយលោកនឹងខិតខំដឹកនាំបងប្អូនមករួមចំណែកជួយជាបន្តនៅពេលក្រោយទៀត ។
ក្រោយពីវេរអង្គកឋិនទានរួចហើយ លោករដ្ឋលេខាធិការ និងលោក ងួន រតនៈ អភិបាលខេត្តបាត់ដំបង និងញាតិមិត្តទាំងអស់ បាននាំយកអង្ករ របបប្រចាំខែរបស់សម្តេចក្រឡាហោម ស ខេង ចំនួន២តោន និងគ្រឿងឧបភោគបរិភោគ ជូនកុមារក្នុងអង្គការគ្រួសារថ្មី នៅសាលាកុមារពិកាភ្នែក គ ថ្លង់ ចំនួន១៣០នាក់ ក្នុងក្រុងបាត់ដំបងព្រមទាំងរៀបចំអាហារថ្ងៃត្រង់ជូនពួកគាត់មួយពេលក្នុងថ្ងៃនេះផងដែរ ៕
ចែករំលែកព័តមាននេះ