រាជធានីភ្នំពេញ ៖ បុរសជនជាតិបរទេសម្នាក់បានចូលទៅផឹកស៊ីនៅក្នុងបារបារាំងមួយម្តុំជិតផ្សារកណ្តាល លុះពេលផឹកស្រវឹង មិនចង់គិតលុយ ថែមទាំងអុកឡុកនិងរករឿងស្រីៗក្នុងបានោះថែមទៀត ធ្វើឲ្យសន្តិ
សុខម្នាក់ខឹង ក៏វាយមួយអាយកូម បណ្តាលឲ្យបែកក្បាលយ៉ាងដំណំ កាលពីវេលាម៉ោង១និង១០នាទីរំលងអធ្រាត្រឈានចូលថ្ងៃទី៨ ខែវិច្ឆិកា នៅតាមផ្លូវលេខ១៣០ ក្នុងសង្កាត់ផ្សារកណ្តាលទី១ ខណ្ឌដូនពេញ ។
តាមប្រភពព័ត៌មានបានឲ្យដឹងថា មុនពេលកើតហេតុ ជនបរទេសម្នាក់នេះ មានអាយុប្រមាណ៣១ទៅ៣២ឆ្នាំ បានចូលទៅក្នុងបារបារាំងមួយកន្លែងនោះ និងផឹកស្រាអស់ជាច្រើនកែវរហូតស្រវឹង ហើយបែរជាមិនចង់គិតលុយ។
មិនតែប៉ុណ្ណោះ បានរករឿងបុគ្គលិកស្រីៗក្នុងបារនិងអុកឡុក ព្រមទាំងវាយស្រីៗទាំងនោះទៀត ។ លុះសន្តិសុខឃើញដូច្នោះក៏ចូលទៅហាមឃាត់ស្រាប់តែត្រូវជនបរទេសនោះវាយ ទើបទ្រាំអត់បានក៏វាយមួយអាយកូមបណ្តាលឲ្យបែកក្បាលហូរឈាមស្រោចពេញខ្លួន ផ្អើលទៅដល់ស្រីៗក្នុងបារនាំគ្នាចោមរោម
មើល ។
ភ្លាមៗនោះដែរ រថយន្តសង្គ្រោះក៏បានមកដល់ ប៉ុន្តែជនបរទេសនោះមិនព្រមឡើងរថយន្តទៅព្យាបាលរបួសនោះទេ តែដោយសមត្ថកិច្ចជួយនិយាយលួងលោម ទើបព្រមឡើងរថយន្តសង្គ្រោះទៅព្យាបាលរបួសបាត់ទៅ ៕
ចែករំលែកព័តមាននេះ