ខេត្តសៀមរាប ៖ កម្លាំងការិយាល័យនគរបាលប្រឆាំងគ្រឿងញៀនខេត្តបានចូលរួមសហការជាមួយកម្លាំងផ្នែកប្រឆាំងគ្រឿងញៀននៃអធិការដ្ឋាននគរបាលក្រុងសៀមរាប និងកម្លាំងប៉ុស្តិ៍នគរបាលរដ្ឋបាល សង្កាត់ស្លក្រាម ចុះបង្ក្រាបករណីរក្សា ទុកជួញដូរ និង ប្រើប្រាស់ដោយខុសច្បាប់នូវសារធាតុញៀនឈានដល់ធ្វើការឃាត់ខ្លួនបានជនសង្ស័យម្នាក់ និងវត្ថុតាងមួយចំនួន…
ខេត្តសៀមរាប ៖ កម្លាំងការិយាល័យនគរបាលប្រឆាំងគ្រឿងញៀនខេត្តបានចូលរួមសហការជាមួយកម្លាំងផ្នែកប្រឆាំងគ្រឿងញៀននៃអធិការដ្ឋាននគរបាលក្រុងសៀមរាប និងកម្លាំងប៉ុស្តិ៍នគរបាលរដ្ឋបាល សង្កាត់ស្លក្រាម ចុះបង្ក្រាបករណីរក្សា ទុកជួញដូរ និង ប្រើប្រាស់ដោយខុសច្បាប់នូវសារធាតុញៀនឈានដល់ធ្វើការឃាត់ខ្លួនបានជនសង្ស័យម្នាក់ និងវត្ថុតាងមួយចំនួន បញ្ជូនទៅកាន់ការិយាល័យជំនាញដើម្បីរៀបចំកសាងសំណុំរឿងបញ្ជូនបន្តទៅតុលាការចាត់ការតាមផ្លូវច្បាប់ ។
ហេតុការឃាត់ខ្លួនជនជួញដូរគ្រឿងញៀននេះធ្វើឡើងនៅវេលាម៉ោង០៩និង៥០នាទី ថ្ងៃទី០៨ ខែវិច្ឆិកា ឆ្នាំ២០១៨ ស្ថិតនៅចំណុចលំនៅដ្ឋាន ក្នុងភូមិចុងកៅស៊ូ សង្កាត់ស្លក្រាម ក្រុង-ខេត្តសៀមរាប ។
តាមប្រភពពីកម្លាំងនគរបាលគ្រឿងញៀនបានប្រាប់ជនសង្ស័យដែលឃាត់ខ្លួនបានម្នាក់នោះមាន ឈ្មោះ លី គឹម ឡែន ភេទប្រុស អាយុ២៨ឆ្នាំ មុខរបរគ្មាន ទីលំនៅភូមិចុងកៅស៊ូ សង្កាត់ស្លក្រាម ក្រុង-ខេត្តសៀមរាប (រក្សាទុកជួញដូរ និងប្រើប្រាស់) (មានសារធាតុញៀនក្នុងខ្លួន) ។
ក្រោយឃាត់ខ្លួនកម្លាំងនគរបាលជំនាញបានដកហូតវត្ថុតាងរួមមាន ម្សៅមេតំហ្វេតាមីនប្រភេទម៉ាទឹកកកចំនួន១៤កញ្ចប់តូច និង១កញ្ចប់ធំ ស្មើនឹងទម្ងន់ ៩,៨ ក្រាម, ទូរស័ព្ទដៃចំនួន២ គ្រឿង និងឧបករណ៏ប្រើប្រាស់ រួមទាំងសម្ភារវេចខ្ចប់គ្រឿងញៀនមួយចំនួនទៀត ៕
ចែករំលែកព័តមាននេះ