ខេត្តកំពត ៖ តាមការផ្តល់ព័ត៌មានជាក់លាក់ពីនគរបាលចរាចរក្រុងកំពតបានឲ្យដឹងថា នៅថ្ងៃទី0៩ ខែវិច្ឆិកា ឆ្នាំ២០១៨ វេលាម៉ោង៦និង៤០នាទីព្រឹក មានករណីគ្រោះថ្នាក់ចរាចរណ៍រវាងរថយន្ត និងរថយន្តលើផ្លូវជាតិលេខ៣ ស្ថិតក្នុងភូមិតាដឹប…
ខេត្តកំពត ៖ តាមការផ្តល់ព័ត៌មានជាក់លាក់ពីនគរបាលចរាចរក្រុងកំពតបានឲ្យដឹងថា នៅថ្ងៃទី0៩ ខែវិច្ឆិកា ឆ្នាំ២០១៨ វេលាម៉ោង៦និង៤០នាទីព្រឹក មានករណីគ្រោះថ្នាក់ចរាចរណ៍រវាងរថយន្ត និងរថយន្តលើផ្លូវជាតិលេខ៣ ស្ថិតក្នុងភូមិតាដឹប សង្កាត់អណ្តូងខ្មែរ ក្រុងកំពតខេត្តកំពត ។
មានរថយន្តមួយគ្រឿងមិនស្គាល់ម៉ាក និងអត្តសញ្ញាណអ្នកបើកបរដោយបុករួចបានបេើករថយន្តរត់គេចបាត់ពីកន្លែងកេើតហេតុមុនពេលសមត្ថកិច្ចទៅដល់ ដោយរថយន្តបើកក្នុងទិសដៅពីត្បូងទៅជើងលុះដល់ត្រង់ចំណុចខាងលើបានបុកនឹងរថយន្តមួយគ្រឿងម៉ាកសាំយ៉ុង ពណ៌ខៀវ ពាក់ផ្លាកលេខ ភ្នំពេញ 2Q-4091 បើកដោយឈ្មោះ គង់ សន ភេទប្រុស អាយុ២៨ឆ្នាំ រងរបួសស្រាល នៅភូមិអណ្តូងខ្មែរ សង្កាត់អណ្តូងខ្មែរ ក្រុងកំពត និងមានដឹកកម្មកររោងចក្រចំនួន២៥នាក់ក្នុងរថយន្ត ។
ក្នុងករណីគ្រោះថ្នាក់ខាងលើកម្លាំងនគរបាលចរាចរក្រុងបានចុះពិនិត្យជនរងគ្រោះដល់មន្ទីរពេទ្យផ្ទាល់បានដកស្រង់ចំនួនជនរងគ្រោះក្នុងហេតុការខាងលើ មានជនរងគ្រោះជាកម្មករ-កម្មការិនីរងរបួសធ្ងន់ និងស្រាលក្នុងហេតុការគ្រោះថ្នាក់នេះសរុប១១នាក់ ធ្ងន់៤នាក់ជាស្ត្រី និងស្រាល៧នាក់ ស្រី៦នាក់ ។
ប្រភពចុងក្រោយពីសមត្ថកិច្ចបានឲ្យដឹងថា ជនរងគ្រោះជាស្ត្រីម្នាក់ឈ្មោះ ទ្រេន ក្តី អាយុ២៩ឆ្នាំ មានទីលំនៅភូមិព្រៃតុម្ព ឃុំព្រៃឃ្មុំ ស្រុកទឹកឈូ ដែលរងរបួសធ្ងន់ក្នុងចំណោមជនរងគ្រោះធ្ងន់ទាំង៤ នាក់នោះបានស្លាប់នៅពេលបញ្ជូនទៅសង្គ្រោះនៅមន្ទីរប្រទេសវៀតណាម ហើយក្រុមគ្រួសារបានដឹកត្រឡប់មកកាន់គេហដ្ឋានវិញដើម្បីរៀបធ្វើបុណ្យតាមប្រពៃណី ។
សមត្ថកិច្ចបានឲ្យដឹងទៀតថា រថយន្តបែនដឹកគ្រឿងសំណង់ក្រោយពេលបុករួចសមត្ថកិច្ចបានតាមស្រាវជ្រាវរកឃើញនៅក្នុងការដ្ឋាននៅខាងត្បូងភ្នំកកេះ ស្ថិតក្នុងភូមិអូតូច សង្កាត់អណ្តូងខ្មែរ ក្រុងកំពត រថយន្តត្រូវបានយកទៅរក្សាទុកនៅអធិការដ្ឋាននគរបាលក្រុងកំពតដើម្បីដោះស្រាយតាមផ្លូវច្បាប់នៅពេលក្រោយ ៕
ចែករំលែកព័តមាននេះ