រាជធានីភ្នំពេញ ៖ បុរសម្នាក់បានគាំងបះដូងស្លាប់នៅលើគ្រែ ក្នុងហាងម៉ាស្យា បន្ទាប់ពីមិនស្រួលខ្លួនចូលម៉ាស្សានៅហាងកោសជប់ ម៉ាស្សាយីហោ អរគុណចា។ ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង១០និង៣០នាទីថ្ងៃទី៩ វិច្ឆិកា ឆ្នាំ២០១៨ ស្ថិតនៅចំណុចផ្ទះលេខ១៤៤ ផ្លូវ៥៩៨ ក្រុម៣ ភូមិពោងពាយ សង្កាត់ទួលសង្កែទី២ ខណ្ឌឫស្សីកែវ រាជធានីភ្នំពេញ។
ជនរងគ្រោះដែលស្លាប់ឈ្មោះសាយ ចន្ថា ភេទប្រុស អាយុ៣៤ឆ្នាំ ជាជាងសំណង ស្នាក់នៅផ្ទះជួលលេខ១ ផ្លូវP2 បុរីរិទ្ធ ភូមិទួលសំពៅ សង្កាត់ទួលសង្កែទី១ ខណ្ឌឫស្សីកែវ រាជធានីភ្នំពេញ និងមានស្រុកកំណើតនៅភូមិគគ្រួស ឃុំព្រៃធំ ស្រុកកំពង់រោទ៍ ខេត្តស្វាយរៀង។
តាមស្ត្រីឈ្មោះហៀង ស្រីលក្ខ ជាបុគ្គលិក បានអោយសមត្ថកិច្ចដឹងថា នៅវេលាម៉ោងប្រមាណ១០ព្រឹក បុរសរូបនោះបានមកម៉ាស្សានៅហាងម៉ាស្សាមួយកន្លែងយីហោ អរគុណចា ។
នៅពេលចូលក្នុងបន្ទប់ ជនរងគ្រោះបានដេកផ្កាប់មុខដើម្បីឲ្យបុគ្គលិកម៉ាស្សាអោយ និងអោយជួយច្របាច់អោយខ្លាំៗអស់រយៈពេលប្រហែល១០នាទី ស្រាប់តែមិនស្រួលខ្លួន ហើយនាងក៏បានប្រាប់ម្ចាស់ហាងឈ្មោះនួន ស្រលៀវ ភេទស្រី និងបានទូរស័ព្ទប្រាប់សមត្ថកិច្ចប៉ុស្តិ៍ទួលសង្កែទី២ចុះទៅដល់ស្លាប់បាត់ទៅហើយ ។
ទោះបីជាយ៉ាងណា គេមានការសង្ស័យថា បុរសខាងលើនោះស្លាប់នៅលើបង្គង។
បន្ទាប់ពីមានកាភ្ញាក់ផ្អើល នគរបាលជំនាញក៏បានចុះទៅពិនិត្យ សព ។ តាមការពិនិត្យរបស់លោកឧកញ៉ាវេជ្ជបណ្ឌិតនងសុវណ្ណរ័ត្ន គ្រូពេទ្យកោសល្យវិច្ច័យបានសន្និដ្ឋានថា បុរសជាជនរងគ្រោះស្លាប់ដោយសាតែគាំងបេះដូង ។ សពត្រូវបានក្រុមគ្រួសានាំយកទៅធ្វើបុណ្យតាមប្រពៃណីនៅឯស្រុកកំណើត ៕
ចែករំលែកព័តមាននេះ