ចិន ៖ តាមប្រភពព័ត៌មាន Shanghaiist បានឲ្យដឹងថា ម្ចាស់ឆ្កែម្នាក់ត្រូវបានចាប់ខ្លួននៅក្នុងទីក្រុង Hangzhou បន្ទាប់ពីបានវាយស្ត្រីម្នាក់ដែលជាអ្នកទាត់ឆ្កែរបស់ខ្លួន។ មូលហេតុនៃការទាត់ឆ្កែ គឺមកពីឆ្កែនោះបានទៅដេញខាំកូនប្រុសរបស់ស្ត្រីនោះ។
ស្ត្រីម្នាក់ត្រកូល Xu បានដើរជាមួយនឹងកូនប្រុសអាយុ៦ឆ្នាំ និងកូនស្រីអាយុ៣ឆ្នាំ នៅតាមដងផ្លូវនាយប់ថ្ងៃសៅរ៍ ស្រាប់តែពេលនោះ ក៏មានឆ្កែមួយក្បាលមកហក់ប្រុងនឹងខាំក្មេងប្រុសដែលជាកូន។ ដោយឃើញដូចនេះ ស្ត្រីជាម្តាយក៏ទាត់ឆ្កែមួយជើង។ សកម្មភាពទាំងអស់ត្រូវបានថតជាប់នឹងកាមេរ៉ាសុវត្ថិភាព។
ភ្លាមនោះ ក៏ឃើញមានបុរសម្នាក់ត្រកូល Jin បានចេញមកមកស្តីឲ្យស្ត្រីត្រកូល Xu។ ពេលនោះ ឆ្កែក៏ប្រុងនឹងខាំកូនរបស់គាត់ម្តងទៀត គាត់ក៏ទាត់មួយជើងទៀត។ ឃើញភ្លាម ក៏ហក់ទៅវាយស្ត្រីជាអ្នកទាត់រុញផ្ទប់នឹងរថយន្ត។
អ្នកទាំងពីរត្រូវបានឃាត់ដោយអ្នកដំណើរតាមផ្លូវ។ ពេលដែលស្ត្រីត្រកូល Xu កំពុងដើរចេញ ស្រាប់តែបុរសត្រកូល Jin ហក់វាយម្តងទៀត។ Xu បានរងរបួសបាក់ម្រាមដៃ និងជាំជាច្រើនកន្លែង។ ក្រោយពីវីដេអូនេះ ត្រូវបានបង្ហោះល្បីពេញបណ្តាញសង្គម ប៉ូលិសក៏បានប្រកាសថា បានចាប់ខ្លួនបុរសជនល្មើសនៅយប់ថ្ងៃកើតហេតុតែម្តង៕ វីដេអូដកស្រង់ចេញពី ៖ Video Camps
ចែករំលែកព័តមាននេះ