ទីក្រុងហូជីមិញ ៖ យោងតាមនាយកដ្ឋានទីផ្សារអាស៊ី-អាហ្វ្រិក ក្រោមក្រសួងឧស្សាហកម្មនិងពាណិជ្ជកម្មវៀតណាម បានឲ្យដឹងថា តៃវ៉ាន់បានប្រកាសពីការដកការហាមឃាត់បណ្តោះអាសន្នលើការនាំចូលប្រេងនិងខ្លាញ់ចម្រាញ់ពីសត្វដែលនាំចេញពីប្រទេសវៀតណាម ចាប់ពីថ្ងៃទី១ ខែមករាឆ្នាំ ២០១៩ខាងមុខនេះទៅ ។…
ទីក្រុងហូជីមិញ ៖ យោងតាមនាយកដ្ឋានទីផ្សារអាស៊ី-អាហ្វ្រិក ក្រោមក្រសួងឧស្សាហកម្មនិងពាណិជ្ជកម្មវៀតណាម បានឲ្យដឹងថា តៃវ៉ាន់បានប្រកាសពីការដកការហាមឃាត់បណ្តោះអាសន្នលើការនាំចូលប្រេងនិងខ្លាញ់ចម្រាញ់ពីសត្វដែលនាំចេញពីប្រទេសវៀតណាម ចាប់ពីថ្ងៃទី១ ខែមករាឆ្នាំ ២០១៩ខាងមុខនេះទៅ ។
គួរបញ្ជាក់ដែរថា កាលពីចុងឆ្នាំ២០១៤ និងបន្ទាប់ពីប្រេងនាំចេញពីវៀតណាមមិនជួបនឹងស្តង់ដានាំចូល តៃវ៉ាន់បានប្រកាសពីវិធានការគ្រប់គ្រងបណ្តោះអាសន្ន ។ តៃវ៉ាន់បានហាមឃាត់រាល់ការនាំចូលប្រេងនិងខ្លាញ់ដែលចម្រាញ់ចេញពីសាច់ជ្រូក សាច់គោ សាច់ជៀម និងពពែជាដើមពីវៀតណាម ។
ក្រសួងឧស្សាហកម្មនិងពាណិជ្ជកម្មវៀតណាមបានជួយសម្របសម្រួលយ៉ាងសកម្មជាមួយនឹងភ្នាក់ងារដែលទាក់ទិនក្នុងប្រទេសវៀតណាមឲ្យសហការជាមួយនឹងតៃវ៉ាន់ ដើម្បីដកការហាមឃាត់នេះ ។
ក្រសួងខាងលើបានឲ្យដឹងថា តៃវ៉ាន់បានកែទម្រង់បទបញ្ជាសម្រាប់ការត្រួតពិនិត្យលក្ខណៈជាប្រព័ន្ធនៃអាហារនាំចូល និងបន្ថែមចំនួនផលិតផលនាំចូលដែលត្រូវឆ្លងកាត់ការត្រួតពិនិត្យឲ្យរួមមានស៊ុត និងផលិតផលប្រេងចម្រាញ់ពីសត្វជាដើម ។ វិធានការថ្មីៗនេះ នឹងចាប់មានប្រសិទ្ធភាពនៅថ្ងៃទី១ ខែមករាឆ្នាំ ២០១៩ ។
យោងតាមសេចក្តីប្រកាសរបស់ក្រសួងសុខាភិបាល និងសុខុមាលភាពរបស់តៃវ៉ាន់កាលពីថ្ងៃទី១៧ខែកញ្ញា បានឲ្យដឹងថា រដ្ឋបាលអាហារនិងឱសថរបស់តៃវ៉ាន់ (TFDA) បាននិយាយដែរថា ប្រព័ន្ធគ្រប់គ្រងសុវត្ថិភាពអាហាររបស់ប្រទេសដែលចង់នាំចេញស៊ុត និងប្រេងចម្រាញ់ពីសត្វមកកាន់តៃវ៉ាន់ ត្រូវជួបរាល់លក្ខខណ្ឌតម្រូវក្រោមការត្រួតពិនិត្យជាប្រព័ន្ធរបស់ TFDA ។
មានតែផលិតផលមកពីប្រទេសនិងក្រុមហ៊ុនដែលជួបនឹងលក្ខខណ្ឌសម្រាប់ការនាំចេញប៉ុណ្ណោះដែលអាចត្រូវបានទទួលស្គាល់ដោយTFDAសម្រាប់ការត្រួតពិនិត្យ ។ រាល់ផលិតផលដែលត្រូវបានបញ្ជាក់ថាជួបនឹងស្តង់ដាដូចដែលបានចែងក្នុងច្បាប់គ្រប់គ្រងសុវត្ថិភាព និងអនាម័យអាហារ និងច្បាប់ដែលពាន់ព័ន្ធផ្សេងៗ នឹងត្រូវបានអនុញ្ញាតឲ្យចូលក្នុងទីផ្សារតៃវ៉ាន់ ៕
ចែករំលែកព័តមាននេះ