ចោរពីរពួកជាកំពូលចោរក្នុងលោកគឺ ចោរខាងក្នុង និងចោរខាងក្រៅ។ ចោរខាងក្រៅជាចោរមានរូបបានដល់ចោរលួច ចោរប្លន់ហ្នឹងឯង ចោរនេះមិនសូវពិបាកការពារទេ។ ចំណែកចោរខាងក្នុងវិញពិបាកការពារ ពិបាកកែបំផុតបានដល់លោភៈ ការជាប់ជំពាក់ដោយមច្ឆរិយៈសេចក្តីកំណាញ់ស្វិត ។…
ចោរពីរពួកជាកំពូលចោរក្នុងលោកគឺ ចោរខាងក្នុង និងចោរខាងក្រៅ។ ចោរខាងក្រៅជាចោរមានរូបបានដល់ចោរលួច ចោរប្លន់ហ្នឹងឯង ចោរនេះមិនសូវពិបាកការពារទេ។ ចំណែកចោរខាងក្នុងវិញពិបាកការពារ ពិបាកកែបំផុតបានដល់លោភៈ ការជាប់ជំពាក់ដោយមច្ឆរិយៈសេចក្តីកំណាញ់ស្វិត ។
ចោរខាងក្នុងនេះបើមិនបានអប់រំចិត្តឱ្យក្នុងគន្លងទេ ការលះបង់ទ្រព្យជាទាននឹងមិនមានឡើយ ដូច្នេះ
ការចាយវាយទ្រព្យឲ្យបានត្រឹមត្រូវ បុគ្គលគួរលះសេចក្តីកំណាញ់លៃលកបែងចែកទ្រព្យមួយចំណែកជាបុញ្ញនិធិគឺកំណប់បុណ្យសម្រាប់ជីវិតយើងទៅក្នុងអនាគតកាលដែលសត្វលោកទាំងអស់ ស្លាប់បាត់បង់ជីវិតទៅមិនអាចនាំយកនូវអ្វីៗទៅបានទាល់តែសោះមានតែកម្ម និងវិបាករបស់កម្មតែប៉ុណ្ណោះដែលនាំផ្លូវយើងទៅកាន់លោកខាងមុខ ។
សត្វណាធ្វើល្អឈ្មោះថា បានកម្មល្អទៅកាន់សុគតិភព សត្វណាធ្វើអាក្រក់ឈ្មោះថា បានកម្មអាក្រក់ទៅកាន់អបាយភូមិ។ កម្មនេះឯងជាមរតករបស់សត្វទាំងឡាយ ជាបច្ច័យតាក់តែងវាសនារបស់សត្វឱ្យយកកំណើតទៅតាមយថាកម្ម ។
ដូច្នេះក្នុងសេចក្ដីនេះ ក៏សូមបញ្ជាក់ថា ការដែលយើងរកបាននូវទ្រព្យសម្បត្តិមកហើយ គប្បីចេះចាយវាយទ្រព្យសម្បត្តិនោះឲ្យបានត្រឹមត្រូវផង គួរកម្ចាត់ចោរខាងក្នុងគឺការលះសេចក្តីកំណាញ់លៃទ្រព្យមួយចំណែកធ្វើទានជាបុញ្ញនិធិកប់ទុកក្នុងព្រះពុទ្ធសាសនា ។
ចែករំលែកព័តមាននេះ