រាជធានីភ្នំពេញ ៖ នៅក្នុងសង្គមកម្ពុជាសព្វថ្ងៃនេះ គេសង្កេតឃើញថា បញ្ហាស្នេហាភេទដូចគ្នាកំពុងតែពុះកញ្ជ្រោល រហូតខ្លះចេញមុខប្រកាសជាសាធារណៈតែម្តង។ ដោយឡែកចៅខ្មែរដែលគេស្គាល់ថា ធ្លាប់សម្តែងកុនម្តងម្កាលដែរនោះ បានប្រកាសរៀបការពេញមុខដោយអ្នកសំពះផ្ទឹមជិតគ្នា គឺភេទប្រុសដូចគ្នានេះ ពិតជាភាពប្តូរផ្តាច់ស្មោះមែន បន្ទាប់ពីហ្វេសប៊ុកឈ្មោះ ចៅខ្មែរ បង្ហាញមុខគូស្នេហ៍ជាសាធារណៈរួចមក។
កាលពីថ្ងៃទី០៥ ខែវិច្ឆិកា ឆ្នាំ២០១៨កន្លងទៅ មានការភ្ញាក់ផ្អើរមួយដោយគណនីខាងលើបានបង្ហោះរូបធៀបការ និងរៀបរាប់ពីប្រវត្តិស្នេហ៍ដោយថា «យើងតស៊ូជាមួយគ្នាយូរឆ្នាំហើយ ក្រលំបាក គ្មានលុយស៊ីបាយ គេមើលងាយ គេគិតអាក្រក់លើ គេមើលពីចុងសក់ដល់ចុងក្រចកជើង តែទីបំផុតយើងអាចកាន់ដៃគ្នាចូលរោងថ្ងៃទី12 នេះហើយ។ ចាំបានថ្ងៃមួយ ថ្ងៃខ្ញុំដេកឈឺនឹងកន្ទេល គ្មានលុយសូម្បីតែ100រៀល មានតែគាត់ និងប្អូនប្រុសម្នាក់ឈ្មោះល័ក្ខទេ ដែលនៅក្បែរខ្ញុំ»។ ហើយគាត់ក៏បានសុំពាក្យជូនពរពីបងប្អូនទាំងអស់នៅក្នុងបណ្តាញសង្គម ដោយសរសេរថា «បងៗអាចទេ សុំកម្លាំងចិត្ត និងពាក្យជូនពរម្នាក់មួយម៉ាត់»។
គួរបញ្ជាក់ថា ចៅផ្សារខ្មែរក៏ជាបុគ្គលដែលធ្វើសកម្មភាពមនុស្សធម៌ក្នុងសង្គមដែល និងបានឧបត្ថម្ភដល់បេក្ខភាពប្រឡងកម្មវិធី The Voice Kids Cambodia រដូវកាលទី១ គឺកុមារី ឃុយ មួយហៀង។ នេះជាអាពាហ៍ពិពាហ៍ដែលអាចនិយាយបានថា ជាមង្គលការរបស់អ្នកសិល្ប:ទី១ ដែលហ៊ានរៀបការជាមួយបុរសដូចគ្នាដោយមិនខ្វល់ពីការរិះគន់ ខណ:ដែលគ្រាន់តែលោកប្រកាសឲ្យដឹងពីថ្ងៃចូលរោង ក៏មានការចាប់អារម្មណ៍ពីស្រទាប់មហាជនបាត់ទៅហើយ។
ចៅខ្មែរលើកឡើងថា « លោករៀបការភេទដូចគ្នា គឺជាការសម្រេចចិត្តដើម្បីបំពេញផ្លូវអារម្មណ៍របស់ខ្លួន និងមិនបានទៅប៉ះពាល់ចំពោះអ្នកណា ដែលត្រូវអ្នករិះគន់ទាំងនោះ មាក់ងាយចំពោះលោកនោះឡើយ។ លោកប្រកាសថា មង្គលនោះធ្វើឡើងច្រើនជាង២០តុ ដោយក្នុងចំណោមបណ្ដាភ្ញៀវកិត្តិយសដែលបានអញ្ជើញ គឺមួយចំនួនធំជាតារាសិល្ប: និងផលិតករ។
ម្នាក់ៗនិយាយថា កន្លងមកដ្បិតថា មានមង្គលការភេទដូចគ្នា ប៉ុន្តែមិនមែនមង្គលការរបស់តារាសិល្ប: ឬអ្នកលេងហ្វេសប៊ុកល្បីឈ្មោះនោះទេ អ៊ីចឹងហើយទើបមង្គលការមួយនេះ ពិតជាកក្រើកស្រទាប់មហាជន។ មង្គលការរបស់លោកធ្វើឡើងផ្គួបនឹងពិធីឡើងផ្ទះថ្មីនៅបុរីលឹមឈាងហាក់ វាលស្បូវ ដោយផ្ទះតម្លៃជាច្រើនម៉ឺននោះ គឺជាញើសឈាមដែលលោក និងស្វាមី ប្រឹងរកស៊ីលក់ផលិតផលអនឡានជាមួយតាំងពីពេលស្រឡាញ់គ្នា។
មានការសន្និដ្ឋានថា តារាសិល្ប:ជាច្រើននាក់ដែលលោកបានអញ្ជើញនឹងមិនអវត្តមានោះទេដោយសារតែនោះ គឺជាមង្គលការភេទដូចគ្នារបស់អ្នកសិល្ប:មិនធ្លាប់មាន។
ចែករំលែកព័តមាននេះ