រាជធានីភ្នំពេញ ៖ លោករដ្ឋមន្ត្រីក្រសួងការបរទេសសហរដ្ឋអាមេរិក Pompeo ថ្លែងអំណរសរសើរដល់ប្រជាជនកម្ពុជានៅថ្ងៃនេះ តាងនាមឲ្យរដ្ឋាភិបាលសហរដ្ឋអាមេរិក ខ្ញុំសូមសំដែងអំណរសរសើរដល់ប្រជាជនកម្ពុជានៅក្នុងឱកាសខួបលើកទី៦៥ នៃឯករាជ្យរបស់ពួកគេដែលត្រូវនឹងថ្ងៃទី០៩ ខែវិច្ឆិកានេះ ។
ចំណងទាក់ទងដ៏រឹងមាំរវាងប្រជាជនកម្ពុជា និងប្រជាជនអាមេរិកបានជាប្រយោជន៍ដល់ប្រទេសយើងទាំងពីរ ។ ជារៀងរាល់ឆ្នាំមានអ្នកទេសចរអាមេរិកចំនួនជាង១៧០ ០០០នាក់បានមកឃើញសម្រស់ និងប្រវត្តិសាស្ត្ររបស់ប្រទេសកម្ពុជា ។
ចំណែកក្នុងសហរដ្ឋអាមេរិកវិញ យើងទទួលបានការរួមចំណែកយ៉ាងច្រើនពីសហគមន៍ជនជាតិអាមេរិកមានដើមកំណើតខ្មែរ ចំពោះរចនាសម្ព័ន្ធដែលមានលក្ខណៈសំបូរបែប និងចម្រុះនៃសង្គមរបស់យើង ។ យើងសង្ឃឹមដូចលោកអ្នកដែរ លើការអភិវឌ្ឍនៃសង្គមមួយដែលត្រឹមត្រូវមានលទ្ធិប្រជាធិបតេយ្យវិបុលភាពដែលក្នុងនោះប្រជាជនមានសេរីភាព ៕
ចែករំលែកព័តមាននេះ