សហរដ្ឋអាមេរិក ៖ ប្រធានាធិបតីអាមេរិកលោកដូណាល់ត្រាំ កាលពីថ្ងៃទី៧ វិច្ឆិកា បានដកតំណែងរដ្ឋមន្ត្រីយុត្តិធម៌ លោកJEFF SESSIONS ដែលនោះជាសេចក្ដីសម្រេចដំបូងរបស់លោក ក្រោយការបោះឆ្នោតពាក់កណ្ដាលអាណត្តិ…
សហរដ្ឋអាមេរិក ៖ ប្រធានាធិបតីអាមេរិកលោកដូណាល់ត្រាំ កាលពីថ្ងៃទី៧ វិច្ឆិកា បានដកតំណែងរដ្ឋមន្ត្រីយុត្តិធម៌ លោកJEFF SESSIONS ដែលនោះជាសេចក្ដីសម្រេចដំបូងរបស់លោក ក្រោយការបោះឆ្នោតពាក់កណ្ដាលអាណត្តិ ដែលពង្រឹងសំឡេងភាគច្រើនរបស់ពួកសាធារណរដ្ឋក្នុងព្រឹទ្ធសភា តែសំឡេងភាគច្រើនក្នុងសភាត្រូវរបូតធ្លាក់ក្នុងដៃពួកប្រជាធិបតេយ្យ។
មិនដល់១ម៉ោងផងក្រោយសន្និសីទសារព័ត៌មានមួយដែលលោកឈោងដៃទៅរកពួកប្រឆាំងនៃគណបក្សប្រជាធិបតេយ្យដើម្បីធ្វើការជាមួយគ្នា លោកត្រាំប្រកាសតាមរយៈសារTWITTER២ ពីការចាកចេញរបស់លោកJEFF SESSIONSពីតំណែងរដ្ឋមន្ត្រីយុត្តិធម៌ ហើយជំនួសបណ្ដោះអាសន្នដោយនាយកខុទ្ទកាល័យផ្ទាល់របស់លោក គឺលោកMATTHEW WHITAKER។
ចាប់តាំងពីជាង១ឆ្នាំមកហើយលោកត្រាំរិះគន់លោកJEFF SESSIONSថាជារដ្ឋមន្ត្រីដែលខ្សោយបំផុតមួយរូប ពុំអាចការពារអំពើអយុត្តិធម៌ក្នុងការព្យាយាមតាមកម្ចាត់លោកទាក់់ទិន ការសើុបអង្កេតលើការលូកដៃរបស់រុស្ស៊ីចូលការបោះឆ្នោតប្រធានាធិបតីឆ្នាំ២០១៦ ដែលលោកត្រាំអាចឈ្នះលើលោកស្រីហ៊ីលឡារីគ្លីនតុនគួរឲ្យភ្ញាក់ផ្អើលបំផុត៕
ចែករំលែកព័តមាននេះ