ខេត្តព្រៃវែង ៖ រយៈពេលប៉ុន្មានថ្ងៃមកនេះកម្លាំងសមត្ថកិច្ចក៏ដូចជាមន្ត្រីរាជការគ្រប់ស្ថាប័ន នៅក្នុងស្រុកពាមរក៌ កំពុងតែមមារញឹកក្នុងការធ្វើអនាម័យ និងរៀបចំសណ្តាប់ធ្នាប់ក្នុងទីប្រជុំជនអ្នកលឿង ដើម្បីត្រៀមរៀបចំកម្មវិធីដ៏ធំជាប្រវត្តិសាស្ត្រ ដែលនឹងប្រព្រឹត្តទៅនាថ្ងៃទី១២ ខែវិច្ឆិកា ឆ្នាំ២០១៨ ខាងមុខនេះ ។
លោកស្រី ស្រេង ទៀង អភិបាលស្រុកពាមរក៌បានមានប្រសាសន៌ថា នៅថ្ងៃទី១២ ខែវិច្ឆិកា ឆ្នាំ២០១៨ ខាងមុខនេះអាជ្ញាធរខេត្តព្រៃវែង និងរៀបចំកម្មវិធីធំៗចំនួន២នៅចំណុចអតីតកំពង់ចម្លងអ្នកលឿងត្រើយខាងកើត ដែលស្ថិតក្នុងភូមិ៤ ឃុំព្រែកខ្សាយ(ខ) ស្រុកពមរក៌ ដែលកម្មវិធីទី១គឺការបំបែកឯកគ្គទ្ទកម្ម ទូក.ងវែងជាងគេបំផុតក្នុងពិភពលោក ដោយមានមន្ត្រីជំនាញនៃស្ថាប័នកំណត់ត្រាពិភពលោក ដែលហៅកាត់ថា « Guinness » ចុះមកវាយតម្លៃទៀតផង និងកម្មទី២គឺវិធីប្រណាំងទូកថ្នាក់ខេត្ត ដែលមានទូក និងកីឡាករជាច្រើននឹងមកចូលរួមប្រកួតប្រណាំងផងដែរ ។
លោកស្រីអភិបាលស្រុកបានបញ្ជាក់ថា ដើម្បីអោយកម្មវិធីជាប្រវត្តិសាស្ត្រនេះ កាន់តែមានភាពអធឹកអធម និងគួរជាទីទាក់ទាញបំផុតនោះ អាជ្ញាធរខេត្តព្រៃវែងក៏ដូចជាមន្ត្រីរាជការគ្រប់ស្ថាប័នទាំងអស់ បានរួមគ្នាធ្វើកិច្ចការជាច្រើន ដូចជាការរៀបចំទីតាំងធ្វើកម្មវិធី ការត្រៀមកម្លាំងសន្តិសុខនៅគ្រប់គោលដៅសំរាប់ការពារក្នុងពេលប្រារព្ធពិធី និងការបង្កើតអោយមាននូវកម្មវិធីកំសាន្តជាច្រើនទៀត សំរាប់អោយបងប្អូនប្រជាពលរដ្ឋ បានទស្សនាកំសាន្តផងដែរ ជាពិសេសបញ្ហាសណ្តាប់ធ្នាប់ អនាម័យ ដែលយើងកំពុងតែរៀបចំធ្វើនៅពេលនេះ ៕
ចែករំលែកព័តមាននេះ