អតីតមេគណបក្សផ្ញើសារអបអរសាទរខួបទី៦៥ នៃទិវាបុណ្យឯករាជ្យជាតិ៩ វិច្ឆិកា
- ភ្នំពេញ
រាជធានីភ្នំពេញ ៖ លោក កឹម សុខា អតីតប្រធានគណបក្សសង្គ្រោះជាតិបានផ្ញើសារអបអរសាទខួបលើកទី៦៥ នៃទិវាបុណ្យឯករាជ្យជាតិ ៩ វិច្ឆិកា ១៩៥៣…
រាជធានីភ្នំពេញ ៖ លោក កឹម សុខា អតីតប្រធានគណបក្សសង្គ្រោះជាតិបានផ្ញើសារអបអរសាទខួបលើកទី៦៥ នៃទិវាបុណ្យឯករាជ្យជាតិ ៩ វិច្ឆិកា ១៩៥៣…
រាជធានីភ្នំពេញ ៖ លោក កឹម សុខា អតីតប្រធានគណបក្សសង្គ្រោះជាតិបានផ្ញើសារអបអរសាទខួបលើកទី៦៥ នៃទិវាបុណ្យឯករាជ្យជាតិ ៩ វិច្ឆិកា ១៩៥៣ និង៩ វិច្ឆិកា ២០១៨ ទាំងខ្លួនកំពុងជាប់ក្នុងផ្ទះ ។
លោក កឹម សុខា បានសរសេរសារនៅថ្ងៃទី៨ វិច្ឆិកានេះដែលមានខ្លឹមសារយ៉ាងដូច្នេះថា ស្ថិត ក្នុងឱកាសដ៏មហាឡារិកនៃទិវាបុណ្យឯករាជ្យខួបលើកទី៦៥ ថ្ងៃទី៩ ខែវិច្ឆិកា ឆ្នាំ២០១៨នេះខ្ញុំសូមចូលរួមអបអរសាទរយ៉ាងកក់កៅ្តបំផុត ជាមួយបងប្អូនជនរួមជាតិខ្មែរទាំងអស់ ។ លោក កឹម សុខា បានបញ្ជាក់ថា «ខ្ញុំសូមសម្តែងនូវអំណរគុណប្រកបដោយកតញ្ញូតាធម៌យ៉ាងជ្រាលជ្រៅបំផុត ជូនចំពោះបុព្វបុរសខ្មែរដែលបានធ្វើពលិកម្ម ការលះបង់ និងការតស៊ូ ដើម្បីទាមទានូវឯករាជ្យជាតិជូនជាតិមាតុភូមិ ។ ខ្ញុំយល់ថា ការទាមទារ និងកែរក្សាការងារឯករាជ្យជាតិពិតប្រាកដបានទេ បើយើងបែកបាក់គ្នា» ។
នៅថ្ងៃនេះដែរលោក សម រង្ស៊ី ដែលកំពុងនិរទេសខ្លួននៅក្រៅប្រទេសក៏បានលើកឡើងថា ថ្ងៃ ០៩ វិច្ឆិកា ស្អែកនេះជាខួប៦៥ឆ្នាំនៃឯករាជ្យប្រទេសកម្ពុជាពីអាណានិគមនិយមបារាំង ។ លោកបន្តថា សូមរំលឹកថា ឯករាជ្យជាតិដែលប្រទេសយើងដណ្តើមបាននៅថ្ងៃ០៩ វិច្ឆិកា ឆ្នាំ ១៩៥៣ គឺជាស្នាព្រះហស្ថរបស់សម្តេចព្រះនរោត្តមសីហនុ និងខ្មែរអ្នកស្នេហាជាតិមួយចំនួនទៀតដែលបានតស៊ូជាមួយព្រះអង្គ ។ លោកក៏បានគួររំលឹកផងដែរថា នៅពេលដែលខ្មែរអ្នកស្នេហាជាតិកំពុងតែតស៊ូ ដើម្បីដណ្តើមឯករាជ្យពីប្រទេសបារាំងមានក្រុមខ្មែរក្បត់ជាតិមួយក្តាប់តូចចង់ប្រគល់ប្រទេសកម្ពុជាឲ្យទៅវៀតណាមកុម្មុយនីស្តត្រួតត្រាជំនួសបារាំង តាំងពីដើមទសវត្សរ៍ឆ្នាំ១៩៥០ ។
សម្តេចព្រះនរោត្តម សីហនុ បានហៅជនក្បត់ជាតិទាំងនោះថាជា «ខ្មែរយៀកមិញ» គឺអាយ៉ងយួន ដែលបានបង្កើតគណបក្សប្រជាជនកម្ពុជាក្នុងឆ្នាំ១៩៥១ ។ ពេលនោះគណបក្សប្រជាជនកម្ពុជាមានមេដឹកនាំឈ្មោះ សឺង ង៉ុកមិញ ដែលត្រូវបានបន្តវេនដោយហេង សំរិន និងហ៊ុន សែន រហូតមកដល់បច្ចុប្បន្ននេះ ៕
ចែករំលែកព័តមាននេះ