ឆ្នាំ១៤៩៤
-លោកគ្រីស្ដូហ្វ័រ កូឡុំបឺស បានរកឃើញ និងចូលចតសំពៅរបស់លោកលើដែនដីមួយ ដែលបច្ចុប្បន្នជាប្រទេសហ្សាម៉ាអ៊ិត ហើយ ពេលនេះមានភូមិប្រមាណ២០០ ទាមទារទឹកដីនេះជារបស់ប្រទេសអេស្ប៉ាញថែមទៀត ។
ឆ្នាំ១៧៩១
-រដ្ឋធម្មនុញថ្ងៃ៣ ឧសភា ត្រូវបានប្រកាសឡើងដោយសភានៃប្រទេសប៉ូឡូញ លីទុយអានី ហើយរដ្ឋធម្មនុញនេះ គឺជារដ្ឋធម្មនុញទំនើបទី១ នៅក្នុងទ្វីបអឺរ៉ុប ។
ឆ្នាំ១៨០២
-វ៉ាស៊ីនតោនត្រូវបានគេបញ្ចូលជាទីក្រុងមួយរបស់សហរដ្ឋអាមេរិក ។
ឆ្នាំ១៨១៥
-មានការប្រយុទ្ធគ្នាមួយនៅទីក្រុង តូឡេនទីណូ ដែលបច្ចុប្បន្នជាទីក្រុងរបស់ប្រទេសអ៊ីតាលី រវាងកងទ័ពប្រទេសអូទ្រីស និងស្ដេចនេផល ព្រះនាមចូអាឈីមមូរ៉ាត ។ ជ័យជំនះបានទៅលើប្រទេសអូទ្រីស ដោយប្រើកំលាំងទ័ពទាំងអស់១១.៩៣៨នាក់ ទ័ពសេះ១.៤៥២នាក់ និងកាំភ្លើង២៨ដើម តែត្រូវស្លាប់ទ័ព៨០០នាក់ របួស១០០នាក់ ។ ចំណែកប្រទេសនេផលដែលចាញ់នោះមានទ័ព២៥.៥៨៨នាក់ ទ័ពសេះ៤.៧៩០នាក់ និងកាំភ្លើង៥៨ដើម ដោយត្រូវស្លាប់ទ័ព១.១២០នាក់ របួស៦០០នាក់ ចាប់ខ្លួន២.៤០០នាក់ ។
ឆ្នាំ១៨៣៧
-សាកលវិទ្យាល័យអាថែន ត្រូវបានបង្កើតឡើងនៅក្នុងប្រទេសក្រិច ។
ឆ្នាំ១៨៤៩
-មានការបះបោរនៅក្នុងទីក្រុងដ្រេសដេន ប្រទេសអាល្លឺម៉ង់ ហើយការបះបោរនេះ ជាចលនាបដិវត្ដន៍ចុងក្រោយរបស់ប្រទេស អាល្លឺម៉ង់ ដើម្បីទាមទារសិទ្ធិនានាឱ្យប្រជាពលរដ្ឋ ។ ការបះបោរនេះ ធ្វើឱ្យក្រុមបាតុករស្លាប់ប្រមាណ២០០នាក់ ចាប់ខ្លួន១.២០០នាក់ ព្រោះត្រូវកងទ័ពព្រះរាជាណាចក្រសាកសូនីបង្ក្រាប ហើយបច្ចុប្បន្នជាប្រទេសអាល្លឺម៉ង់ ។
ឆ្នាំ១៨៧៧
-ឡាបាតផាក ដែលជាពហុកីឡដ្ឋានដ៏ចាស់ជាងគេបំផុតរបស់កីឡាបេសបល ក្នុងសហរដ្ឋអាមេរិក មានកំណត់ត្រាថា មានការ ប្រកួតលើកទី១ របស់ខ្លួន ។
ឆ្នាំ១៩១៦
-មេដឹកនាំការបះបោរនៅទីក្រុងឌូប្លីន ប្រទេសអៀរឡង់ ដើម្បីប្រឆាំងការគ្រប់គ្រងរបស់ប្រទេសអង់គ្លេស ចាប់តាំងពីថ្ងៃទី២៤ មេសា មកនោះ ត្រូវបានគេកាត់ទោសប្រហារជីវិតអស់១៦នាក់ ។ ការប្រឆាំងការបះបោរនេះ ធ្វើិឱ្យប្រជាពលរដ្ឋស៊ីវិល២២០នាក់ស្លាប់ របួស៦០០នាក់ ចំណែកក្រុមបាតុកររបួស១.៦១៧នាក់ ស្លាប់៧២នាក់ ឯទ័ពអង់គ្លេសដែលមកបង្ក្រាបស្លាប់១៥៧នាក់ របួស៣១៨នាក់ ។
ឆ្នាំ១៩២៨
-កងទ័ពប្រទេសជប៉ុន បានធ្វើការបង្ក្រាបយ៉ាងសាហាវលើកងទ័ពបក្សជាតិនិយមចិននៅទីក្រុងជីនណាន ប្រទេសចិន ហើយបក្ស នេះបានបង្កើតឡើងនៅឆ្នាំ១៩១៩ ។
ឆ្នាំ១៩៤២
-ក្នុងសង្គ្រាមលោកលើកទី២ កងនាវាចរណ៍ប្រទេសជប៉ុន បានចូលឈ្លានពានកោះ ទូឡូហ្គី នៃប្រជុំកោះសូឡូម៉ុន របស់ប្រទេស មេឡានេស៊ី បង្កឱ្យមានការប្រយុទ្ធគ្នារវាងប្រទេសជប៉ុន និងប្រទេសអូស្ដ្រាលី និងសហរដ្ឋអាមេរិក ។
ឆ្នាំ១៩៤៥
-នាវាដឹកអ្នកទោសរបស់ប្រទេសអាល្លឺម៉ង់ ចំនួន៣គ្រឿង ត្រូវកងទ័ពអាកាសរបស់ប្រទេសអង់គ្លេស វាយប្រហារបណ្ដាលឱ្យ លិចនៅឈូងសមុទ្រលូបេក ។ នាវាទាំង៣គ្រឿងនោះ មានឈ្មោះកាប អាកូណា, ទីបេក និង Deutschland សរុបអ្នកស្លាប់មាន ប្រហែល៨៤.៧៥០នាក់ ។
ឆ្នាំ១៩៤៦
-តុលាការឧក្រិដ្ឋកម្មសង្គ្រាមទីក្រុងតូក្យូ បានចាប់ផ្ដើមដំណើរការកាត់ក្ដី ដោយមានជនជាប់ចោទ២៨នាក់រងការចោទប្រកាន់ពី បទឧក្រិដ្ឋកម្មសង្គ្រាម និងឧក្រិដ្ឋកម្មប្រឆាំងមនុស្សជាតិ ។ តុលាការនេះដំណើរការក្ដីអស់២ឆ្នាំកន្លះ ដោយមានសាក្សី៤១៩នាក់ និង ភស្ដុតាងជាក់ស្ដែង៤.៣៣៦ ។
ឆ្នាំ១៩៤៧
-រដ្ឋធម្មនុញថ្មីរបស់ប្រទេសជប៉ុនបានចូលជាធរមាន ហៅថារដ្ឋធម្មនុញសន្ដិភាពដោយបានកំណត់ពីតួនាទីភារកិច្ចនៃព្រះចៅ អធិរាជរបស់ប្រទេសជប៉ុនជាថ្មីសភា និងរដ្ឋាភិបាលរបស់ប្រទេសនៅលើអធិបតេយ្យភាពដែនដីរបស់ខ្លួន ។
ឆ្នាំ១៩៧៣
-អគារ Sears នៅទីក្រុងស៊ីកាហ្កោ គឺជាអគារដែលខ្ពស់ជាងគេបំផុតនៅលើពិភព លោកដោយមានកំពស់៤៤២ម៉ែត្រ និង១០៨ជាន់ ហើយឈរជាអគារខ្ពស់បំផុតលើពិភពលោករហូតដល់ឆ្នាំ១៩៩៨ ។
ឆ្នាំ២០០១
-សហរដ្ឋអាមេរិក បានបាត់បង់កៅអីជាលើកទី១ នៅក្នុងគណៈកម្មការសិទ្ធិមនុស្ស នៃអង្គការសហប្រជាជាតិចាប់តាំងពីបាន បង្កើតនៅឆ្នាំ១៩៤៧ មក ។
ឆ្នាំ២០០៥
-នៅក្នុងប្រទេសនេប៉ាល់ មានអ្នកកាសែតជាច្រើនពាន់នាក់ បានប្រមូលផ្ដុំគ្នាធ្វើបាតុកម្ម ដើម្បីទាមទារនូវសេរីភាពសារព័ត៌មានឡើងវិញ នៅក្នុងទិវាសេរីភាពសារព័ត៌មានពិភពលោក ។
ឆ្នាំ២០០៦
-បុរសជាតិបារាំង ហ្សាការីយ៉ាស មូសាអូអ៊ី ត្រូវបានកាត់ទោសឱ្យជាប់ពន្ធនាគារអស់មួយជីវិតនៅក្នុងពន្ធនាគារក្នុងរដ្ឋវៀរហ្ស៊ីនីញ៉ា ពីបទរួមគំនិតក្នុងផែនការថ្ងៃទី១១ កញា ឆ្នាំ២០០១ ដោយវាយប្រហារភេរវកម្មលើអគារភ្លោះនៅទីក្រុងញូវយ៉ក សហរដ្ឋអាមេរិក បណ្ដាលឱ្យស្លាប់មនុស្ស២.៩៧៣នាក់ របួស៦.០០០នាក់ ៕
ចែករំលែកព័តមាននេះ