ខឹង​នាង​ខ្លាំង​ពេក​ក៏​លេង​ធ្វើ​រឿង​បែប​នេះ​ដាក់​ទៅ​លើ​នាង​ទៅ​វិញ

Sponsored

ខេត្តកំពង់ធំ ៖ តាម​សេចក្តីរាយការណ៍​បឋម​បាន​ឲ្យ​ដឹង​ថា បុរស​ម្នាក់​ខឹង​គូ​ដណ្តឹង​ផ្តាច់​ពាក្យ​មាន​អ្នក​ថ្មី​យក​ទឹក​អាស៊ី​តទៅ​ជះ​លើ​នាង​បង្ក​ឲ្យ​មាន​ឲ្យ​មានការ​ភ្ញាក់ផ្អើល កាលពី​វេលា​ម៉ោង​១០​និង​៣០​នាទី​ព្រឹក​ថ្ងៃ​ទី​០៨ ខែវិច្ឆិកា ឆ្នាំ​២០១៨ ស្ថិត​នៅ​ចំណុច​ក្នុងភូមិ​ត្រពាំង​ត្រុំ ឃុំ​ទីពោ ស្រុក​ស​ន្ទុ​ក ខេត្តកំពង់ធំ ។

នគរបាល​បាន​ឲ្យ​ដឹង​ថា ករណី​ជះ​ទឹក​អាស៊ីត​ខាងលើ​នេះ​ប្រព្រឹត្ត​ឡើង​ដោយ​ជនសង្ស័យ​ឈ្មោះ សឿង វាសនា ភេទ​ប្រុស អាយុ​៣០​ឆ្នាំ រស់នៅ​ភូមិ​ព្រៃ​ជ្រំ ឃុំ​ព្រៃ​ទទឹង ស្រុក​មេ​សាង ខេត្តព្រៃវែង បាន​ធ្វើ​សកម្មភាព​ជះ​ទឹក​អាស៊ី​តទៅ​លើ​ជន​រង​គ្រោះ​ឈ្មោះ យ .ស . ផ ភេទ​ស្រី អាយុ​២១​ឆ្នាំ រស់នៅខេត្តកំពង់ធំ បណ្តាល​ឲ្យ​រង​របួសធ្ងន់​ត្រូវ​បាន​បញ្ជូន​ទៅ​សង្គ្រោះ​នៅ​មណ្ឌល​សុខភាព​តាំងក្រសាំង ។

បន្ទាប់​ពី​បាន​បង្ក​អំពើ​ហិង្សា​ទៅ​លើ​ជន​រង​គ្រោះ​រួច​មក​ជនសង្ស័យ​បាន​យក​ទឹក​អាស៊ីត​មក​ចាក់​ស្រោច​លើ​ខ្លួនឯង រួច​ផឹក​បណ្តាល​ឲ្យ​សន្លប់ ត្រូវ​បាន​បញ្ជូន​ទៅ​កាន់​មន្ទីរពេទ្យ​បង្អែក បារាយណ៍​ស​ន្ទុ​ក​ផង​ដែរ ។

សមត្ថកិច្ច​បញ្ជាក់​ថា មូលហេតុ​ដែល​ធ្វើ​ឲ្យ​ជនសង្ស័យ​យក​ទឹក​អាស៊ី​តទៅ​ជះ​លើ​នារី​រង​គ្រោះ​ខាងលើ​នេះ​ដោយសារ​តែ​រូបគេ​ខឹង​នឹង​នាង ដែល​បាន​ផ្តាច់​ពាក្យ​ជាមួយនឹង​ខ្លួន រួច​ទៅ​មាន​គូ​ដណ្តឹង​ថ្មី ករណី​នេះ​សមត្ថកិច្ច​កំពុង​ចាត់ការ​តាម​ផ្លូវច្បាប់​ដែរ ៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ