ខេត្តតាកែវ ៖ ស្ថានភាពជំងឺលោកតាប្រាជ្ញ ឈួន នៅពេលនេះគឺមានសភាពធ្ងន់ធ្ងរ ខណៈខាងមន្ទីពេទ្យខ្វះ
ឧបករណ៍គ្រប់គ្រាន់ព្យាបាល ក៏បានធ្វើសំណុំបែបបទដើម្បីបញ្ជូនលោកតាមកសង្គ្រោះនៅមន្ទីពេទ្យកាល់ម៉ែតវិញ នៅថ្ងៃត្រង់ទី៨ វិច្ឆិកា នេះ ។ លោកតាភិរម្យ ប្រាជ្ញ ឈួន មកដល់ពេលនេះ គាត់មានអាយុ៨២ឆ្នាំ គាត់ជាអ្នកចម្រៀងចាបុីដងវែងដ៏ល្បីល្បាញ ហើយគាត់រស់ភូមិសម៉ក្រោម ឃុំខ្វាវ ស្រុកទ្រាំង ខេត្តតាកែវ។
បើតាមសំដីលោកយាយ អ៊ុក ព្រីង អាយុ៧០ឆ្នាំ ដែលត្រូវជាប្រពន្ធលោកតាភិរម្យ ប្រាជ្ញ ឈួន បានប្រាប់កោះសន្តិភាពថា គាត់ព្រមជាមួយកូនចៅទាំងអស់ បាននាំដឹកបញ្ជូនលោកតាមកសង្គ្រោះបន្ទាន់នៅមន្ទីរពេទ្យបង្អែកខេត្ត កាលពីរសៀលថ្ងៃទី៧ វិច្ឆិកា ដោយនៅព្រឹកថ្ងៃដដែលនោះ លោកតាបាននិយាយប្រាប់គាត់ថា គាត់ចុកដើមទ្រូងខ្លាំង ណាដោយគិតថាមិនអីនោះ គាត់ទុករហូតដល់ថ្ងៃរសៀលទើបនាំគ្នាដឹកគាត់យកមកមន្ទីពេទ្យ ។
លោកយាយ អ៊ុក ព្រីង បានបន្តទៀតថា បញ្ជូនមកដល់មន្ទីពេទ្យភ្លាម គ្រូពេទ្យបានបញ្ជូនសម្រាកព្យាបាលនៅបន្ទប់សង្គ្រោះបន្ទាន់ ហើយពេទ្យបានព្យូសេរ៉ូមឱ្យតែនៅពេលយប់មឹញនេះ លោកតាមានស្ថានភាពក្តៅខ្លាំងស្ទើរតែដាច់ខ្យល់ ហើយគ្រូពេទ្យក៏មិនទាន់បញ្ជូលអុកសុីហ្សែនអោយដែរ ទើបតែព្រឹកឡើងគ្រូពេទ្យ
បានបញ្ចូលអុកសុីហ្សែនឱ្យ តែសភាពមិនដឹងខ្លួនរវើរវាយ ។
ចែករំលែកព័តមាននេះ