រាជធានីភ្នំពេញ ៖ មន្ត្រីជាន់ខ្ពស់ក្រសួងវប្បធម៌ និងវិចិត្រសិល្បៈបានជំរុញឲ្យមន្ត្រីតាមគ្រប់មន្ទីជំនាញ ស្ថិតនៅក្រោមឱវាទផ្នែករដ្ឋបាលអនុវត្តការងារឲ្យបានល្អប្រសើរ និងស្របតាមស្ថានការណ៍បច្ចុប្បន្ន ។ លោក ធៀង វណ្ណដារ៉ុង…
រាជធានីភ្នំពេញ ៖ មន្ត្រីជាន់ខ្ពស់ក្រសួងវប្បធម៌ និងវិចិត្រសិល្បៈបានជំរុញឲ្យមន្ត្រីតាមគ្រប់មន្ទីជំនាញ ស្ថិតនៅក្រោមឱវាទផ្នែករដ្ឋបាលអនុវត្តការងារឲ្យបានល្អប្រសើរ និងស្របតាមស្ថានការណ៍បច្ចុប្បន្ន ។
លោក ធៀង វណ្ណដារ៉ុង អនុរដ្ឋលេខាធិការ និងតំណាងលោកស្រី រដ្ឋមន្ត្រីក្រសួងវប្បធម៌វិចិត្រសិល្បៈបានលើកឡើងក្នុងពិធីបិទវគ្គបណ្តុះបណ្តាលការងាររដ្ឋបាល និងការងារគ្រប់គ្រងជាង១០០នាក់ នាព្រឹកថ្ងៃទី៨ វិច្ឆិកា នៅទីស្តីក្រសួងថា មុខវិជ្ជាមួយចំនួនដែលទាក់ទងនឹងការងាររដ្ឋបាលពិតជា មានសារៈសំខាន់ក្នុងកិច្ចការងារប្រចាំថ្ងៃរបស់យើងសំដៅពង្រឹងគុណភាព ប្រសិទ្ធិភាពនៃកិច្ចការរដ្ឋបាល ក្នុងវិស័យវប្បធម៌ឲ្យកាន់តែមានភាពល្អប្រសើរ ស្របតាមរបត់ និងស្ថានភាពសង្គមកម្ពុជានាពេលបច្ចុប្បន្ន ។
ជាមួយគ្នានោះលោកក៏បានលើកឡើងថា លទ្ធផលនៃវគ្គបណ្តុះបណ្តាលនេះ គឺបានកើតចេញមកពីការខិតខំប្រឹងប្រែងរបស់សាស្ត្រាចារ្យទាំងអស់ ដែលបានផ្តល់នូវបទពិសោធន៍ និងចំណេះដឹងទាំងឡាយរបស់ខ្លួនតាមរយៈការបកស្រាយពន្យល់ដល់សិក្ខាកាម ដោយចេះផ្តល់នូវទ្រឹស្តីមេរៀននីមូយៗផ្សារភ្ជាប់ជាមួយបទពិសោធន៍ជាក់ស្តែងល្អៗដែលជួយឲ្យសិក្ខាកាម ងាយយល់ ឆាប់ចាំ និងអាចយកទៅច្នែប្រឌិត ហើយអនុវត្តបានល្អ ។
លោកបញ្ជាក់ថា «ក្នុងនាមខ្ញុំជាថ្នាក់ដឹកនាំក្រសួង សូមជម្រុញ និងសង្ឃឹមថា សិក្ខាកាមទាំងអស់នឹងយកនូវចំណេះដឹង និងបទពិសោធន៍ដែលបានសិក្សានៅទៅនេះយកទៅអនុវត្ត ការងាររបស់ខ្លួនឲ្យកាន់តែមានប្រសិទ្ធភាពសម្រាប់តម្រូវ នៅកន្លែងការងារ ស្របតាមស្ថានកា រណ៍សង្គមនាពេលបច្ចុប្បន្ន» ។ លោកចាន់ វិត្ថារ៉ូ តំណាងឲ្យសិក្ខាកាម ដែលបានចូលរៀនបានថ្លែងបញ្ជាក់ថា «សិក្ខាកាមទាំងអស់មានសេចក្តីរីករាយក្នុងការទទួលចំណេះដឹង និងចំណេះធ្វើជាក់ស្តែង ទទួលបានបទពិសោធន៍ល្អៗទាក់ទង និងការងាររដ្ឋបាលក្នុងឱកាសនេះ ។ ត្បិតតែវគ្គសិក្សានេះបានប្រព្រឹត្តិទៅក្នុងរយៈពេលខ្លីក៏ពិតមែន ប៉ុន្តែវគ្គបណ្តុះបណ្តាលនេះពិតជាមានប្រយោជន៍ណាសម្រាប់យើងខ្ញុំជាមន្ត្រីរាជការក្នុងការបំពេញការងជូនអង្គភាពរៀងៗខ្លួន ។ លោកក៏បានបេជ្ញាថា នឹងនាំយកនូវចំណេះដឹងទាំងនេះទៅអនុវត្តន៍ប្រកបដោយផ្លែផ្កា និងមានប្រសិទ្ធិភាពខ្ពស់ស្របតាមទិសដៅរបស់ក្រសួងក៏ដូចជា គោលនយោបាយរបស់រាជរដ្ឋាភិបាលដែលបានដាក់ចុះ ។ ជាមួយគ្នានោះដែលោក ចាន់ វិត្ថារ៉ូ ក៏បានស្នើដល់ក្រសួងធ្វើការបើកការបណ្តុះបណ្តាលវគ្គផ្សេងៗទៀត ដល់មន្ត្រីក្របខណ្ឌក្រសួង ដើម្បីពង្រឹង និងពង្រីកចំណេះដឹងបន្ថែមដល់មន្ត្រីរាជការនាឱកាសក្រោយៗទៀត ។
សូមជម្រាបថា វគ្គបណ្តុះបណ្តាលការងាររដ្ឋបាល និងការងារគ្រប់គ្រងឆ្នាំ២០១៨ មានការចូលរួមពីគ្រប់នាយកដ្ឋាន និងមន្ទីរវប្បធម៌រាជធានីខេត្តចំនួន១២២នាក់ ក្នុងនោះស្ត្រី៣៤នាក់ ។ តាមការវាយតម្លៃពីសមត្ថភាពសិក្ខាកាម ដែលបានចូលរួមរបស់ក្រុមវាយតម្លៃរបស់ក្រសួង វប្បធម៌បានឲ្យដឹងថា សិក្ខាកាមទាំងអស់មានការយល់កើនឡើង ដោយបានបញ្ចេញភាពក្លាហានឈ្លាសវៃទន់ភ្លន់ប្រកបដោយភាពម៉ឺងម៉ាត់ក្នុងការចោទសួរដេញដោលគ្រួឧទ្ទេសលើមុខវិជ្ជាដែបានបង្ហាត់យ៉ាងផុសផុល ៕
ចែករំលែកព័តមាននេះ