សង្វែគណាស់! មួយគ្រឿបុកខ្ទាត មួយគ្រឿងទៀតបុកបន្ថែមស្លា.ប់
- ភ្នំពេញ
រាជធានីភ្នំពេញ ៖ យុវជន២នាក់បានជិះម៉ូតូមួយគ្រឿងបើកឆ្លងផ្លូវបំបែកជាបួនមិនបានប្រយ័ត្នក៏ត្រូវរថយន្តម៉ាកព្រូសបើកបុក បណ្តាលឲ្យខ្ទាតទៅកណ្តាលផ្លូវត្រូវរថយន្តមួយគ្រឿងទៀតបុកអ្នកបើកម៉ូតូម្នាក់បណ្តាលឱ្យស្លាប់ ហើយរថយន្តបង្កបើកគេចបាត់ស្រមោល ។ ហេតុការណ៍នេះបានកើតឡើងកាលពីវេលាម៉ោង១និង៤០នាទីរំលងអាធ្រាត្រឈានចូលថ្ងៃទី៧ ខែវិច្ឆិកា ឆ្នាំ២០១៨ តាមបណ្តោយផ្លូវកម្ពុជាក្រោមកែងផ្លូវ២១៥…
ហេតុការណ៍នេះបានកើតឡើងកាលពីវេលាម៉ោង១និង៤០នាទីរំលងអាធ្រាត្រឈានចូលថ្ងៃទី៧ ខែវិច្ឆិកា ឆ្នាំ២០១៨ តាមបណ្តោយផ្លូវកម្ពុជាក្រោមកែងផ្លូវ២១៥ នៅចំណុចស្តុបដេអ៊ិន ស្ថិតនៅក្នុងសង្កាត់មនោរម្យ ខណ្ឌ៧មករា ។
ជនរងគ្រោះដែលស្លាប់ឈ្មោះ ជីម សុខេង ភេទប្រុស អាយុ២៦ឆ្នាំ មុខរបរធ្វើការនៅភោជនីយដ្ឋាន ជាអ្នកបើកបរម៉ូតូ ស្នាក់នៅបច្ចុប្បន្នមិនពិតប្រាកដ មានស្រុកកំណើតនៅភូមិព្រៃក្តួច ឃុំល្វា ស្រុកព្រះស្តេច ខេត្តព្រៃវែង ។
តាមប្រភពព័ត៌មានពីអ្នកឃើញហេតុការណ៍បានអោយដឹងថា មុនពេលកើតហេតុគេបានឃើញយុវជន២នាក់ជិះម៉ូតូមួយគ្រឿងម៉ាកស៊ុយហ្ស៊ុយគីឡែត ពណ៌ស ពាក់ស្លាកលេខ ព្រៃវែង ១L-៤១៣៩ ធ្វើដំណើរតាមបណ្តោយផ្លូវកម្ពុជាក្រោមក្នុងទិសដៅពីលិចទៅកើត លុះពេលមកដល់ចំណុចកើតហេតុខាងលើនេះ ជនរងគ្រោះបានបើកបរម៉ូតូឆ្លងស្តុបបំបែកជា៤ទៅត្រង់ ប៉ុន្តែមិនបានប្រយ័ត្នក៏មានរថយន្តបង្កមួយគ្រឿងទៀតម៉ាកព្រូស ពណ៌ស ពាក់ស្លាកលេខ ភ្នំពេញ ២Y-៩៤៤៧ បើកបរតាមបណ្តោយផ្លូវ២១៥ ក្នុងទិសដៅពីត្បូងទៅជើងក្នុងល្បឿនយ៉ាងលឿនដូចហោះអត់បានបន្ថយល្បឿននោះទេ ក៏ជិះទៅបុកម៉ូតូរបស់ជនរងគ្រោះចំពាក់កណ្តាលពេញទំហឹង បណ្តាលឱ្យខ្ទាតទៅចិញ្ចើមផ្លូវកន្លែងលក់មីឆារងការខូចខាតខ្ទេចអស់ស្ទើរទាំងស្រុង ចំណែកឯអ្នកបើកបរម៉ូតូបានខ្ទាតទៅ
កណ្តាលផ្លូវរងរបួសយ៉ាងដំណំ រីឯអ្នករួមដំណើរខ្ទាតទៅចិញ្ចើមផ្លូវរងរបួសធ្ងន់ ចំណែករថយន្តបង្កបើកគេចបាត់ស្រមោល តែបានជ្រុះស្លាកលេខនៅកន្លែងកើតហេតុ ។
បន្ទាប់ពីកើតហេតុភ្លាមៗជនរងគ្រោះមិនទាន់លើកចេញពីកន្លែងកើតហេតុផង ស្រាប់តែមានរថយន្តមួយគ្រឿងទៀតម៉ាករ៉េងរ៉ូវើរ ពណ៌ខ្មៅ ពាក់ស្លាកលេខ ភ្នំពេញ ២K-៩៩៩៩ ដែលបើកបរដោយជនជាតិចិនតាមបណ្តោយផ្លូវកម្ពុជាក្រោមក្នុងទិសដៅពីកើតទៅលិចក្នុងល្បឿនយ៉ាងលឿនបានបើកបុកចំជនរងគ្រោះខ្ទាតនៅកណ្តាលផ្លូវរងរបួសធ្ងន់ធ្ងរហើយរថយន្តរ៉េងរ៉ូវើបើកគេចបាត់ស្រមោល (តែមានអ្នកចាំស្លាក
ជនរងគ្រោះដែលរងរបួសធ្ងន់ទាំង២នាក់ត្រូវបានរថយន្តសង្គ្រោះគ្លីនិកហុងហាក់បានមកដឹកយកទៅសង្គ្រោះដែរ ប៉ុន្តែជាអកុសលពេលដល់ពាក់កណ្តាលផ្លូវ ជនរងគ្រោះជាអ្នកបើកម៉ូតូបានស្លាប់ ចំណែកជនរងគ្រោះដែលជាអ្នករួមដំណើរបានរងរបួសធ្ងន់ត្រូវបានគេដឹកយកទៅសង្គ្រោះ ។
ចែករំលែកព័តមាននេះ