រាជធានីភ្នំពេញ ៖ សេចក្តីរាយការណ៍ឱ្យដឹងថា កាលពីវេលាម៉ោង៥ និង២០នាទីទៀបភ្លឺឈានចូលថ្ងៃទី៦ វិច្ឆិកា លោកឧត្តមសេនីយ៍ឯកចាន់ វ៉ាន់ធឿន ប្រធាននាយកដ្ឋាននគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃ បានដឹកនាំកម្លាំងក្រោមឱវាទសហការជាមួយអគ្គនាយកដ្ឋានកាំកុងត្រូល…
រាជធានីភ្នំពេញ ៖ សេចក្តីរាយការណ៍ឱ្យដឹងថា កាលពីវេលាម៉ោង៥ និង២០នាទីទៀបភ្លឺឈានចូលថ្ងៃទី៦ វិច្ឆិកា លោកឧត្តមសេនីយ៍ឯកចាន់ វ៉ាន់ធឿន ប្រធាននាយកដ្ឋាននគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃ បានដឹកនាំកម្លាំងក្រោមឱវាទសហការជាមួយអគ្គនាយកដ្ឋានកាំកុងត្រូល ក្រោមការសម្របសម្រួលពីសំណាក់លោក ខាំ សុផារី ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានចុះបង្រា្កបករណីសាច់សត្វក្រួចគ្មានច្បាប់អនុញ្ញាតនាំចូលពីប្រទេសវៀតណាម ។
ជាលទ្ធផលបានធ្វើការចាប់ឃាត់រថយន្ត១គ្រឿងម៉ាក HYUNDIA ពាក់ស្លាកលេខ ភ្នំពេញ ៣E៥៨៦៨ នៅចំណុចផ្លូវ ជា សុផារ៉ា សង្កាត់ទួលសង្កែ ខណ្ឌឫស្សីកែវ រាជធានីភ្នំពេញ ដោយធ្វើការត្រួតពិនិត្យឆែកឆេរជាក់ស្តែងរកឃេីញថា ឈ្មួញបានដឹកសាច់សត្វក្រួចក្លាស្សេប្រមាណជាង២តោនកន្លះ ចូលមកបម្រុងធ្វើការចែកចាយលើទីផ្សារក្នុងព្រះរាជាណាចក្រកម្ពុជា ។
ក្រោយពេលពិនិត្យហើយដឹងថា ទំនិញនាំចូលក្នុងប្រទេសដោយគ្មានច្បាប់អនុញ្ញាត និងជាប្រភេទសាច់សត្វដែលខូចគុណភាពទៅហើយ ទើបលោកព្រះរាជអាជ្ញារង សម្រេចធ្វើការដកហូតដើម្បីរក្សាទុក ។ លុះដល់រសៀលថ្ងៃដដែលត្រូវបានអនុញ្ញាតឱ្យបង្កើតគណៈកម្មការរៀបចំដុតកម្ទេចចោល នៅទីលានចាក់សំរាមបឹងជេីងឯក ក្នុងខណ្ឌដង្កោ រាជធានីភ្នំពេញតែម្តង ។
ចំណែករថយន្ត១គ្រឿង និងអ្នកបើកបរម្នាក់ ពាក់ព័ន្ធដឹកសាច់សត្វក្រួចគ្មានច្បាប់អនុញ្ញាតនោះ ត្រូវបាន
នាំខ្លួនទៅនាយកដ្ឋាន ដេីម្បីធ្វើការសាកសួរតាមនីតិវិធី ។នេះជាការបង្ហាញនូវបទល្មើសជាក់ស្តែង គឺការនាំចូលនេះប្រហែលមិនមែនតែលើកនេះទេ ទំនងសង្ស័យបាននាំចូលច្រើនលើកមកហើយ ចេះតែរបូតរលូតទៅ គឺមិនមែនទើបតែនាំចូលមួយលើកដែលចាប់បាននេះទេ ។
អ្វីដែលទប់ស្កាត់ពិតប្រាកដ ត្រូវរកជន ល្មើសដែលលួចនាំចូលទាំងបំពានច្បាប់នេះឱ្យចូលដើម្បីចាប់ខ្លួនបញ្ជូនទៅតុលាការវិនិច្ឆ័យទោស ទើបមានការរាងចាល ។ បើពុំដូច្នោះទេ ថ្ងៃណាមួយនាំចូលស្រង់ដើមវិញមិនខានឡើយ ៕
ចែករំលែកព័តមាននេះ