តាកែវ ៖ ជនសង្ស័យក្នុងករណីឆក់ទ្រព្យសម្បត្តិប្រជាពលរដ្ឋតាមដងផ្លូវយ៉ាងសកម្មម្នាក់ត្រូវបានប៉ូលិសស្រុកគីរីវង់ កំណត់មុខសញ្ញា និងតាមប្រម៉ាញ់រហូតឃាត់ខ្លួនបានយកមកសួរនាំ ។ ហេតុការណ៍ចាប់ខ្លួនជនសង្ស័យក្នុងករណីនេះគឺធ្វើឡើងនៅរសៀលថ្ងៃទី០៥ ខែវិច្ឆិកា ឆ្នាំ២០១៨ វេលាម៉ោង១៣និង២០នាទី…
តាកែវ ៖ ជនសង្ស័យក្នុងករណីឆក់ទ្រព្យសម្បត្តិប្រជាពលរដ្ឋតាមដងផ្លូវយ៉ាងសកម្មម្នាក់ត្រូវបានប៉ូលិសស្រុកគីរីវង់ កំណត់មុខសញ្ញា និងតាមប្រម៉ាញ់រហូតឃាត់ខ្លួនបានយកមកសួរនាំ ។ ហេតុការណ៍ចាប់ខ្លួនជនសង្ស័យក្នុងករណីនេះគឺធ្វើឡើងនៅរសៀលថ្ងៃទី០៥ ខែវិច្ឆិកា ឆ្នាំ២០១៨ វេលាម៉ោង១៣និង២០នាទី នៅចំណុចមាត់បឹងភូមិកំពង់ ឃុំព្រះបាទជាន់ជុំ ស្រុកគីរីវង់ ខេត្តតាកែវ ។
លោកវរសេនីឯក យុគ សារ៉ាត់ អធិការនគរបាលស្រុកគីរីវង់បានឲ្យដឹងថា ក្រោយពីកើតមានករណីនេះភ្លាម លោកបានដឹកនាំជំនាញដោយសហការជាមួយកម្លាំងប៉ុស្តិ៍នគរបាលរដ្ឋបាលព្រះបាទជាន់ជុំ និងប៉ុស្តិ៍គីរីចុងកោះផងដែរ យើងបានឃាត់ខ្លួនជនសង្ស័យបានម្នាក់មានឈ្មោះ នួន ធា ភេទប្រុស អាយុ៣២ឆ្នាំ ស្រុកកំណើតនៅភូមិចុងអង្ករ ឃុំពេជសារ ស្រុកកោះអណ្តែត ខេត្តតាកែវ បច្ចុប្បន្នមកស្នាក់នៅភូមិក្របាក់ ឃុំអង្គប្រាសាទ ស្រុកគីរីវង់ ។
ក្រោយចាប់ខ្លួនជនសង្ស័យបានឆ្លើយសារភាពប្រាប់ប៉ូលិសថា រូបគេបានធ្វើសកម្មភាពឆក់ទ្រព្យប្រជាពលរដ្ឋបានសម្រេចចំនួន០៧ដងមកហើយ ក្នុងភូមិសាស្ត្រស្រុកគីរីវង់នេះ ។ ដោយបានដកហូតវត្ថុតាងរួមមានម៉ូតូ១គ្រឿង និងសម្ភារជាច្រើនទៀត ។
លោកវរសេនីឯក យ៉ុង់ ញីវ នាយការិយាល័យព្រហ្មទណ្ឌកម្រិតស្រាលខេត្តបានឲ្យដឹងថា នៅពេលនេះយើងកំពុងតែកសាងសំណុំរឿង ដើម្បីបញ្ជូនជនសង្ស័យរួមជាមួយវត្ថុតាងទៅកាន់សាលាដំបូងខេត្តចាត់ការទៅតាមផ្លូវច្បាប់ នៅរសៀលថ្ងៃទី៦ ខែវិច្ឆិកា ២០១៨នេះ ៕
ចែករំលែកព័តមាននេះ