ខេត្តបត់ដំបង ៖ ប្រភពពីសមត្ថកិច្ចបានឲ្យដឹងថា ជនជាតិអាមេរិកកាំង ដែលមានភរិយាជាជនជាតិខ្មែរម្នាក់បានស្លាប់ដោយសារជំងឺ កាលពីវេលាម៉ោង៨យប់ថ្ងៃទី០៧ វិច្ឆិកា នៅផ្ទះខាងប្រពន្ធ ក្នុងភូមិពាក់ស្បែក ឃុំស្នឹង…
ខេត្តបត់ដំបង ៖ ប្រភពពីសមត្ថកិច្ចបានឲ្យដឹងថា ជនជាតិអាមេរិកកាំង ដែលមានភរិយាជាជនជាតិខ្មែរម្នាក់បានស្លាប់ដោយសារជំងឺ កាលពីវេលាម៉ោង៨យប់ថ្ងៃទី០៧ វិច្ឆិកា នៅផ្ទះខាងប្រពន្ធ ក្នុងភូមិពាក់ស្បែក ឃុំស្នឹង ស្រុកបាណន់ ។
សមត្ថកិច្ចបានឲ្យដឹងទៀតថា ជនបរទេសរូបនេះ ឈ្មោះភីតទ្រី វ៉ូតឌីផល (PETREA WOODYPAUL) ភេទប្រុស អាយុ៥២ឆ្នាំ ជាជនជាតិអាមេរិកកាំង មានប្រពន្ធឈ្មោះកែម ចាន់ធឿន អាយុ៣៨ឆ្នាំ រស់នៅភូមិ-ឃុំកើតហេតុខាងលើ។
បើតាមព័ត៌មានបឋមពីក្រុមគ្រួសារបាននិយាយថា ជនបរទេសរូបនេះមានជំងឺមហារីកធ្ងន់ធ្ងរ ហើយធ្វើទុក្ខខ្លាំង នៅរសៀលថ្ងៃទី០៦ វិច្ឆិកា ថែមទាំងបានបញ្ជូនទៅកាន់មន្ទីរពេទ្យទៀតផង តែដោយសារស្ថានភាពជំងឺធ្ងន់ពេក រហូតគ្រូពេទ្យមិនទទួលព្យាបាលឡើយ។
ទោះយ៉ាងណា នៅព្រឹកថ្ងៃទី០៨ វិច្ឆិកា នេះកម្លាំងការិយាល័យបច្ចេកទេសវិទ្យាសាស្ត្រ នៃស្នងការខេត្តបានចុះទៅកាន់កន្លែងកើតហេតុ ដើម្បីពិនិត្យនិងធ្វើកោសលវិច្ច័យលើសពជនរងគ្រោះហើយ ៕
ចែករំលែកព័តមាននេះ