ខេត្តរតនគិរី ៖ កម្លាំងអធិការដ្ឋាននគរបាលស្រុកបរកែវបានចុះបង្ក្រាបករណីជួញដូរ និងប្រើប្រាស់នូវសារញៀនខុសច្បាប់ និងបានឃាត់ខ្លួនជនសង្ស័យចំនួន២នាក់បញ្ជូនទៅសាលាដំបូងខេត្ត។
ការចុះប្រតិបត្តិការបង្ក្រាបនេះបានធ្វើឡើងកាលពីវេលាម៉ោង៤និង៣៥នាទីព្រឹកថ្ងៃទី៦ ខែវិច្ឆិកា ឆ្នាំ២០១៨ នៅទីរួមស្រុកបរកែវ ខេត្តរតនគិរី។
ប្រភពព័ត៌មានពីសមត្ថកិច្ចស្រុកបរកែវបានឱ្យដឹងថា ជនសង្ស័យទាំង២នាក់ដែលត្រូវឃាត់ខ្លួន ម្នាក់ឈ្មោះ សេង ប៊ុនា ភេទប្រុស អាយុ៣២ឆ្នាំ ជនជាតិឡាវ សញ្ជាតិខ្មែរ មុខរបរមិនពិតប្រាកដ ទីលំនៅសព្វថ្ងៃភូមិស៊ើង ឃុំស៊ើង ស្រុកបរកែវ ខេត្តរតនគីរី មានស្រុកកំណើត ភូមិលំផាត់ ឃុំជ័យឧត្ដម ស្រុកលំផាត់ខេត្តរតនគីរី និងម្នាក់ទៀតឈ្មោះ ប៉ុច ផល្លា ភេទប្រុស អាយុ៣៦ឆ្នាំ ជាជនជាតិខ្មែរសញ្ជាតិខ្មែរ មុខរបរមិនពិតប្រាកដ ទីលំនៅសព្វថ្ងៃ ភូមិជ្រុង ឃុំ កក់ ស្រុកបរកែវ ខេត្តរតនគិរី មានស្រុកកំណើតភូមិបុសខ្នោរ ឃុំបុ
ខ្នោរ ស្រុក ចំការលើខេត្តកំពង់ចាម។
ប្រភពព័ត៌មានបានបន្តថា សមត្ថកិច្ចបានដកហូតសម្ភារមួយចំនួនរួមមានដូចខាងក្រោម ម្សៅថ្លាសដែលសង្ស័យថាជាសារធាតុញៀនចំនួន២៤កញ្ចប់តូច និង១កញ្ចប់ធំ ល្មម និងសម្ភារសំរាប់សេព និងវិចខ្ចប់គ្រឿងញៀនមួយចំនួនធំទៀត។
បច្ចុប្បន្ន ជនសង្ស័យរួមទាំងវត្ថុតាងបានឃាត់ខ្លួនបណ្ដោះអាសន្ននៅអធិការរដ្ធាននគរបាលស្រុកបរកែវដើម្បីកសាងសំណុំរឿងបញ្ជូនទៅសាលាដំបូងខេត្តចាត់ការតាមនីតិវិធីច្បាប់ ៕
ចែករំលែកព័តមាននេះ