ខេត្តព្រះសីហនុ-ស្រុកព្រៃនប់ ៖ រដូវកាលគ្រែងឈាម បាននិងកំពុងចាប់ផ្តើមកំរើកឡើងហើយ នៅសមុទ្រទឹករាក់កោះខ្យង ហើយជាមួយនិងការដល់រដូវកាលនេះ កូនគ្រែងឈាមជាច្រើនតោនក្នុង១យប់ៗ ត្រូវបានឈ្មួញដឹកនាំចេញទៅលក់នៅប្រទេសវៀតណាម ។ នេះបើយោងតាមប្រភពពីពលរដ្ឋដែលរស់នៅតំបន់កោះខ្យង…
ខេត្តព្រះសីហនុ-ស្រុកព្រៃនប់ ៖ រដូវកាលគ្រែងឈាម បាននិងកំពុងចាប់ផ្តើមកំរើកឡើងហើយ នៅសមុទ្រទឹករាក់កោះខ្យង ហើយជាមួយនិងការដល់រដូវកាលនេះ កូនគ្រែងឈាមជាច្រើនតោនក្នុង១យប់ៗ ត្រូវបានឈ្មួញដឹកនាំចេញទៅលក់នៅប្រទេសវៀតណាម ។ នេះបើយោងតាមប្រភពពីពលរដ្ឋដែលរស់នៅតំបន់កោះខ្យង ។
ប្រភពខាងលើបានបន្តថា សមុទ្រកោះខ្យង ស្ថិតក្នុងឃុំអូជ្រៅ ស្រុកព្រៃនប់ ខេត្តព្រះសីហនុ ជាទីតាំងសប្បូរដោយកូនគ្រែងឈាម ដល់រដូវក្នុងដើមខែវិច្ឆិកា នេះ សកម្មភាពអាជីវកម្មកូនគ្រែង មានសភាពផុសផុលរហូតមានការដឹកនាំចេញទៅលក់នៅប្រទេសវៀតណាមយ៉ាងគគ្រឹកគគ្រេង នាពេលយប់ចន្លោះពី២តោនទៅ៥តោនក្នុងមួយយប់ ។
ទាកទិននឹងបញ្ហានេះ លោក ឯម ភា នាយរងខណ្ឌរដ្ឋបាលជលផលកំពង់សោមទទួលបន្ទុករួមបានបញ្ជាក់ថា ជុំវិញការនេសាទកូនគ្រែងឈាមនេះ លោកពុំបានដឹងទេ ទើបតែទទួលព័ត៌មាន នៅពេលអ្នកព័ត៌មានសាកសួរតែប៉ុណ្ណោះ តែបើមានរឿងបែបនេះមែន លោកនឹងបញ្ជាឱ្យមន្ត្រីថ្នាក់ក្រោមចុះធ្វើការស្រាវជ្រាវ និងបង្ក្រាបអោយខាងតែបាន។
បើទោះបីជាមានការឆ្លើយបំភ្លឺបែបណាក្តី ក្រុមប្រជាពលរដ្ឋក៏ដូចជាប្រជានេសាទជាច្រើន បានបង្ហាញទស្សនៈថា ខណៈពេលរដូវកូនគ្រែងឈាមមកដល់នាកំឡុងចុងខែតុលាដើមខែវិច្ឆិកានេះ គេសង្កេតឃើញប្រជានេសាទមួយចំនួន បានងាកមកនេសាទអូសកូនក្រែងឈាមយ៉ាងអនាធិបតេយ្យមកលក់ឱ្យថៅកែៗចាស់វស្សាធំៗ២នាក់ ឈ្មោះ ចែ នី និងចែសាង ដែលជាអ្នករស់នៅនៅតំបន់នោះ ក្នុងតម្លៃខ្ពស់ចន្លោះពី២ម៉ឺនរៀល ទៅ៥ម៉ឺនរៀល ក្នុងមួយគីឡូក្រាមដើម្បីនាំចេញទៅលក់បន្តនៅប្រទេសវៀតណាម ដោយពុំបានខ្វាយខ្វល់អំពីផលប៉ះពាល់ដល់ជីវភាពប្រជាពលរដ្ឋនៅក្នុងតំបន់ដែលពួកគាត់ប្រកបរបរបែបលក្ខណះគ្រួសារ(រាវក្រែងឈាមដោយដៃ)។
ប្រភពដដែលបន្តថា ទាក់ទិនទៅនឹងសកម្មភាពល្មើសច្បាប់នេះ ប្រសិនបើមន្ត្រីជលផល កំពង់សោមនៅតែធ្វើមិនឃើញ មិនដឹង មិនឮទៀតនោះទេ ពិតណាស់ធនធានធម្មជាតិ នៅតំបន់ពយទឹករ៉ាក់កោះខ្យងនេះនឹងវិនាសហិនហោចជាក់ជាពុំខានឡើយ ព្រោះកូនគ្រែង ដែលថៅកែធំៗមានឥទ្ធិពលទាំងពីរ ប្រចាំតំបន់កោះខ្យងប្រមូលទិញ គឺជាប្រភេទកូនក្រែងឈាមដែលច្បាប់ជលផលហាមឃាត់នេសាទជាដាច់ខាត ព្រោះវាមានលក្ខណៈតូចពេក គឺចាប់ពីប៉ុនជើង ធូបរហូតដល់ប៉ុនចុងចង្កឹះ (មួយគីឡូចន្លោះពី៥០០០ កូនទៅ១០០០០កូន) ឯកូនក្រែងឈាមធំជាងនេះ គឺមានតម្លៃថោក ឬ អាចមិនត្រូវបានទទួលទិញឡើយ ហេតុនេះតើមានសល់អ្វីទៀតបើអូសតាំងពីកូន ទើបតែកើតបែបនេះ។
ចែករំលែកព័តមាននេះ