រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា បុរសម្នាក់បានចងកសម្លាប់ខ្លួននៅបង្កាត់ដៃលូ នៅតាមផ្លូវបុរីអង្គរ សង្កាត់ទួលសង្កែរ២ ខណ្ឌឬស្សីកែវ បង្កឲ្យមានការភ្ញាក់ផ្អើលនៅវេលាម៉ោង៤ទាបភ្លឺថ្ងៃទី០៨ ខែវិច្ឆិកានេះ ។…
រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា បុរសម្នាក់បានចងកសម្លាប់ខ្លួននៅបង្កាត់ដៃលូ នៅតាមផ្លូវបុរីអង្គរ សង្កាត់ទួលសង្កែរ២ ខណ្ឌឬស្សីកែវ បង្កឲ្យមានការភ្ញាក់ផ្អើលនៅវេលាម៉ោង៤ទាបភ្លឺថ្ងៃទី០៨ ខែវិច្ឆិកានេះ ។
សេចក្តីរាយការណ៍បានបន្តថា ខណៈអ្នកហាត់ប្រាណនៅតាមដងផ្លូវបានជួបប្រទះឃើញ ហើយបុរសដែលធ្វើអត្តឃាតខាងលើនេះមានឈ្មោះ លឹម ងន អាយុ៣៧ឆ្នាំ រស់នៅសង្កាត់ទួលសង្កែរ១ ខណ្ឌឬស្សីកែវ ។ បុរសខាងលើបានចងកនឹងខ្សែក្រវាត់ជាមួយបង្កាន់ដៃលូបណ្តាលឲ្យស្លាប់បាត់បង់ជីវិត ។
ទាក់ទិននឹងករណីនេះគ្រួសារបានឲ្យដឹងថា មូលហេតុមកពីមានជំងឺអេដស៍តាំងពីឆ្នាំ២០០៤ ដោយមួយរយៈចុងក្រោយនេះបុរសនេះគាត់រៀងរវើរវាយ ដូចជាសរសៃប្រសាទចឹង ។ នៅវេលាម៉ោង៨យប់មិញនេះបានលេបថ្នាំសម្លាប់ខ្លួនម្តងហើយ រួចក្រុមគ្រួសារបានបញ្ជូនទៅកាន់មន្ទីរពេទ្យកាល់ម៉ែត្របន្សាបថ្នាំ ហើយនៅពេលត្រឡប់មកផ្ទះវិញក៏នាំគ្នាសម្រាក ស្រាប់តែព្រឹកឡើងភ្ញាក់ផ្អើលតែម្តង មិនដឹងថា ក្រោកចង់កតាំងពីស្មើណាមកទេ ៕
ចែករំលែកព័តមាននេះ