មនុស្សស្រីដែលងាយចាញ់បោកបុរស ៖
1.នារីដែលចង់បានអ្វីល្អទាំងអស់ មានន័យថា គេជ្រើសរើសសង្សារគឺត្រូវតែមានអ្វីដែលគេគ្មាន ដោយមានសមត្ថភាពខ្ពស់ជាងគេ ឬមានលុយច្រើនជាងគេជាដើម ។ បើមិនមានទេ គេសុខចិត្តមិនយក ។ មនុស្សស្រីបែបនេះងាយត្រូវគេបោក ព្រោះគេឃើញលុយសំខាន់ជាងអ្វីៗទាំងអស់។
2.មនុស្សស្រីដែលត្រចៀកស ជានារីដែលបុរសអាចបោកបានគ្រប់ពេល ព្រោះគេងាយជឿសម្តីមនុស្សប្រុសអាក្រក់ទាំងនោះ ។ ដូចនេះ អ្នកមិនគួរងាយជឿនរណាទេ ប្រសិនជាអ្នកមិនបានឃើញផ្ទាល់ភ្នែក ។
3. នារីដែលទើបតែចែកផ្លូវគ្នាជាមួយសង្សារមុន ងាយនឹងត្រូវបានគេបោកណាស់ ព្រោះនៅដំណាក់កាលនោះ មនុស្សស្រីអាចទន់ខ្សោយខ្លាំង។ ដូចនេះពាក្យសម្តីផ្អែមល្ហែមអាចធ្វើឲ្យគេធ្លាក់ក្នុងកណ្តាប់ដៃបុរសយ៉ាងងាយ ។
4.មនុស្សស្រីដែលងាយត្រូវបានកម្មវិធីប្រូម៉ូសិនពង្វក់បាន ។ នារីបែបនេះធ្វើឲ្យបុរសងាយបោកគេបាន ព្រោះគេងាយជឿទៅលើអ្វីមួយ ដោយមិនបានធ្វើការវិភាគ ឬគិតឲ្យបានច្បាស់។ ដូចនេះមិនថាបុរសនិយាយអ្វីទេ គេអាចជឿភ្លាម។
5.នារីដែលមានចិត្តដូចជាម្តាយ មានន័យថា មិនថាមនុស្សប្រុសធ្វើអ្វីដាក់គេទេ គេតែងបបតែអធ្យាស្រ័យដល់បុរសទាំងនោះជានិច ្ច។ ដូចនេះយូរទៅ អ្នកនឹងមានគ្រោះថ្នាក់ខ្លាំង ដោយធ្វើឲ្យអ្នកអាចចាញ់បោកបុរសទាំងនោះយ៉ាងងាយ(ប្រភពពី៖ Health.com.kh) ៕
ចែករំលែកព័តមាននេះ