ខេត្តកោះកុង ៖ ពលរដ្ឋផ្ទុះការតវ៉ា ក្រោយពីអង្គការវ៉ាយអេត កាប់បំផ្លាញដំណាំពួកគាត់អស់ជាច្រើន នៅវេលាម៉ោង០៨និង១៥នាទីព្រឹកថ្ងៃទី០៧ ខែវិច្ឆិកា ឆ្នាំ២០១៨ មានប្រជាពលរដ្ឋជាច្រើននាក់ រស់នៅភូមិត្រពាំងរូង…
ខេត្តកោះកុង ៖ ពលរដ្ឋផ្ទុះការតវ៉ា ក្រោយពីអង្គការវ៉ាយអេត កាប់បំផ្លាញដំណាំពួកគាត់អស់ជាច្រើន នៅវេលាម៉ោង០៨និង១៥នាទីព្រឹកថ្ងៃទី០៧ ខែវិច្ឆិកា ឆ្នាំ២០១៨ មានប្រជាពលរដ្ឋជាច្រើននាក់ រស់នៅភូមិត្រពាំងរូង និងភូមិដីទំនាប ឃុំត្រពាំងរូង ស្រុកកោះកុង ។
ដែលពួកគាត់បានកើតទុក្ខមិនសុខចិត្តជាមួយអង្គការសម្ព័ន្ធមិត្តសត្វព្រៃ (វ៉ាយអេត) ដែលបានកាប់បំផ្លាញដំណាំក្នុងចំការរបស់លោកស្រី យោង តាយ កាលពីវេលាម៉ោង១៤និង៣០នាទីរសៀលថ្ងៃទី០៦ ខែវិច្ឆិកា ឆ្នាំ២០១៨ ក្នុងនោះរួមមានទុរេន២៥ដើម ដូង២០ដើម ផ្ញៀង៦ដើម ចេក៥គុម្ព មង្ឃុត៥ដើម និងស្វាយ១៥០ដើម ត្រូវបានកាប់រំលំខូចខាតផលដំណាំទាំងស្រុង ដូច្នេះពេលនេះពួកគាត់កំពុងប្រមូលផ្តុំគ្នាតវ៉ា និងដុតសំបកកង់ឡាន នៅមុខទីស្នាក់ការរបស់អង្គការសម្ព័ន្ធមិត្តសត្វព្រៃត្រពាំងរូង ដើម្បីឲ្យតំណាងអង្គការចេញមកបកស្រាយ និងរកមូលហេតុដែលកាប់បំផ្លាញផលដំណាំរបស់ពួកគាត់ចោល តែរហូតមកទល់ពេលនេះមិនទាន់ឃើញមានតំណាងអង្គការខាងលើចេញធ្វើការបកស្រាយនៅឡើយទេ គេសង្កេតឃើញវត្តមានលោក សុខ សុទ្ធី អភិបាលរងខេត្តចុះដល់កន្លែងកើតហេតុ និងកំពុងសម្របសម្រួលជាមួយប្រជាពលរដ្ឋនៅនឹងកន្លែងកើតហេតុ ។
ករណីនេះអធិការដ្ឋាននគរបាលស្រុកកោះកុងបានបញ្ចុះកម្លាំងត្រៀមអន្តរាគមន៍បង្ការមិនឱ្យប្រជាពលប្រព្រឹត្តអំពើហិង្សាណាមួយដែលនាំឱ្យប៉ះពាល់ដល់សណ្តាប់ធ្នាប់សង្គមធ្ងន់ធ្ងរ និងបានពន្យល់ឱ្យគាត់ធ្វើការតវ៉ាដោយសន្តិវិធីបន្ត ៕
ចែករំលែកព័តមាននេះ