រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា មាននារីវ័យក្មេងម្នាក់បានធ្វើដំណើរទៅលោតទឹកសម្លាប់ខ្លួន នៅស្ពានម៉ាឡេ ហើយត្រូវបានសន្តិសុខយាមស្ពានឃាត់ទាន់ដែលហេតុការណ៍ខាងលើនេះបានកើតឡើងនៅវេលាម៉ោង១២និង៤០នាទីថ្ងៃទី០៧ ខែវិច្ឆិកា ឆ្នាំ២០១៨ នៅចំណុចស្ពានម៉ាឡេ ភូមិមិត្តភាព សង្កាត់ឬស្សីកែវ ។
តាមសេចក្តីរាយការណ៍ពីសាក្សីបានឲ្យដឹងថា នៅពេលកើតហេតុនារីខាងលើបានធ្វើដំណើរ ឡើងស្ពានពីលិចទៅកើត ហើយនៅពេលធ្វើដំណើរដល់លើស្ពានក៏បានតោងបង្កាន់ដៃស្ពានប្រុងលោតទឹកសម្លាប់ខ្លួន ហើយក៏ត្រូវបានសន្តិសុខឃាត់ទាន់ ។
ដែលនារីខាងមានឈ្មោះ ស្រីណុច អាយុ១៨ឆ្នាំ មានលំនៅសង្កាត់ច្បារអំពៅ ខណ្ឌច្បារអំពៅ ។ ដែលគេសង្ស័យថា នាងបានញៀនថ្នាំ ដែលដៃនាងមានស្នាមអារ ។ បន្ទាប់ពីឃាត់ខ្លួននាងហើយក៏បាននាំមកប៉ុស្តិ៍ តែនាងនៅតែននៀលប្រកាច់រើបម្រាស់ប៉ុនប៉ង់ទៅលោតទឹកសម្លាប់ខ្លួនទៀត ដោយបាននាំនាងមកដល់ប៉ុស្តិ៍ឬស្សីកែវដែរនាងក៏បានដួលសន្លប់មួយសន្ទុះ ហើយក៏ដឹងខ្លួនវិញដែរតែនាងនៅយំស្រែកដដែល ។
បញ្ជាក់ ៖ មូលហេតុដែលនាគិតខ្លីបែបនេះគឺដោយសារឪពុកម្តាយបានដាក់គម្នាបមិនឲ្យដើរលេង និងខឹងសង្សារយកចិត្តមិត្តភក្តិច្រើនជាងខ្លួន ។ នៅមុនពេលកើតហេតុនាងបានជិះម៉ូតូជាមួយសង្សារមកចាក់ថ្នាំបន្សាប ព្រោះនាងបានលេបថ្នាំសម្លាប់ខ្លួនម្សិលមិញម្តងមកហើយ ដែលចាក់ថ្នាំនៅជ្រោយចង្វារ ស្រាប់តែដល់រង្វង់មូលគួចសានុង នាងក៏បានលោតចុះពីម៉ូតូដើរគេចខ្លួនមកលោតទឹកសម្លាប់ខ្លួននៅស្ពានម៉ាឡេ តែត្រូវបានសន្តិសុខឃាត់ទាន់ ៕
https://www.youtube.com/watch?v=tEEzzsMytwY
ចែករំលែកព័តមាននេះ