ខេត្តឧត្តរមានជ័យ ៖ ក្រុមអាជ្ញាធរថៃបានធ្វើការដោះលែងអ្នកទោសខ្មែរម្នាក់ឱ្យមានសេរីភាពវិញ និងនាំខ្លួនមកប្រគល់ឱ្យក្រុមអាជ្ញាធរកម្ពុជាតាមមាត់ច្រកទ្វារអន្តរជាតិជាំ កាលពីវេលាម៉ោង៣និង១៥នាទីរសៀលថ្ងៃទី៥វិច្ឆិកា២០១៨។ ហេតុការណ៍នេះកើតឡើងនៅមាត់ច្រកទ្វារអន្តរជាតិជាំ ក្នុងភូមិជាំស្រុកអន្លង់វែង ខេត្តឧត្តរមានជ័យ។ អ្នកទោសខ្មែរដែលក្រុមអាជ្ញាធរថៃធ្វើការដោះលែងឈ្មោះយ៉ាន ក្រឹម…
ខេត្តឧត្តរមានជ័យ ៖ ក្រុមអាជ្ញាធរថៃបានធ្វើការដោះលែងអ្នកទោសខ្មែរម្នាក់ឱ្យមានសេរីភាពវិញ និងនាំខ្លួនមកប្រគល់ឱ្យក្រុមអាជ្ញាធរកម្ពុជាតាមមាត់ច្រកទ្វារអន្តរជាតិជាំ កាលពីវេលាម៉ោង៣និង១៥នាទីរសៀលថ្ងៃទី៥វិច្ឆិកា២០១៨។ ហេតុការណ៍នេះកើតឡើងនៅមាត់ច្រកទ្វារអន្តរជាតិជាំ ក្នុងភូមិជាំស្រុកអន្លង់វែង ខេត្តឧត្តរមានជ័យ។
អ្នកទោសខ្មែរដែលក្រុមអាជ្ញាធរថៃធ្វើការដោះលែងឈ្មោះយ៉ាន ក្រឹម ភេទប្រុស អាយុ២១ឆ្នាំ មានស្រុកកំណើតនៅភូមិបន្ទាយចាស់ឃុំព្រះប្រឡាយ ស្រុកត្រពាំងប្រាសាទ ខេត្តឧត្តរមានជ័យ បានជាប់ពន្ធនាគារនៅស្រុកខាន់តាឡាក់ ខេត្តសុសាកេត ប្រទេសថៃ ពីបទឆ្លងដែនខុសច្បាប់កាប់ឈើគ្រញូងក្នុងទឹកដីថៃ ហើយអាជ្ញាធរថៃបានចាប់ខ្លួនកាលពីថ្ងៃទី៦ កុម្ភៈ ឆ្នាំ២០១៦ ចូលតាមច្រភូមិសាស្ត្រចាក់ច្រែង ដោយយោងទៅលើឯកសារបស់ថៃ។
មន្ត្រីដែលបម្រើការងារនៅមាត់ច្រកទ្វារអន្តរជាតិជាំបានឱ្យដឹងថា ក្រោយពីបានទទួលពលរដ្ឋខ្មែរម្នាក់ពីក្រុមអាជ្ញាធរថៃ សមត្ថកិច្ចបានធ្វើការអប់រំ និងធ្វើកិច្ចសន្យា រួចឱ្យត្រឡប់ទៅលំនៅឋានវិញក្នុងថ្ងៃដដែលផងដែរ៕
ចែករំលែកព័តមាននេះ