តាមប្រភពពី Metroបានឱ្យដឹងថា ក្មេងស្រីអាយុ១០ឆ្នាំបានផ្តល់កំណើតឱ្យកូនប្រុសម្នាក់ ក្រោយពីត្រូវរំលោភ ដោយបងប្រុសបង្កើត ។ ទារកនោះ ត្រូវបានបង្កើតចេញមកតាមការវះកាត់ នៅមន្ទីរពេទ្យក្នុងក្រុង Puerto Leguizamo នៃប្រទេសកូឡុំប៊ី ដែលទាំងម្តាយនិងកូនមានសុវត្ថិភាពល្អធម្មតា ។
លោកវេជ្ជបណ្ឌិត Camilo Diaz ដែលជាប្រធានមន្ទីរពេទ្យ បានមានប្រសាសន៍ថា៖ «យោងតាមព័ត៌មានដែលយើងទទួលបានពីប៉ូលិស ក្មេងស្រីម្នាក់នោះមានទម្ងន់ ដោយសារតែបងប្រុសរបស់នាងចាប់រំលោភ» ។
តាមព័ត៌មានក្នុងស្រុកបានឱ្យដឹងថា ម្តាយឪពុករបស់ក្មេងស្រីមិនហ៊ានប្តឹងប៉ូលិស ព្រោះតែខ្លាចគេចាប់កូនប្រុសយកទៅបាត់។ តែខាងប៉ូលិសពេលនេះ កំពុងតែធ្វើបែបបទចាប់ខ្លួន និង ចោទប្រកាន់ពីបទចាប់រំលោភនិងបំពានហិង្សាលើកុមារ ។ គួរបញ្ជាក់ថា ទាំងនាងជាប្អូនស្រី និងបុរសជាបងប្រុស មិនត្រូវបានបញ្ចេញឈ្មោះនោះទេ ៕
ចែករំលែកព័តមាននេះ