ខេត្តបាត់ដំបង ៖ សមត្ថកិច្ចបានឲ្យដឹងថា បុរសម្នាក់ដែលស្រវឹងស្រាជោកជាំ បានជិះម៉ូតូដួលបាក់.កស្លាប់ កាលពីវេលាម៉ោង៨ និង៤០នាទីយប់ថ្ងៃទី៦ វិច្ឆិកា ស្ថិតត្រង់ចំណុចច្រាបក្រហម ក្នុងភូមិស្រែជីពៅ…
ខេត្តបាត់ដំបង ៖ សមត្ថកិច្ចបានឲ្យដឹងថា បុរសម្នាក់ដែលស្រវឹងស្រាជោកជាំ បានជិះម៉ូតូដួលបាក់.កស្លាប់ កាលពីវេលាម៉ោង៨ និង៤០នាទីយប់ថ្ងៃទី៦ វិច្ឆិកា ស្ថិតត្រង់ចំណុចច្រាបក្រហម ក្នុងភូមិស្រែជីពៅ ឃុំមានជ័យ ស្រុកសំឡូត ។
ជនរងគ្រោះឈ្មោះ ពេជ្រ គឹមចេង អាយុ៣៣ឆ្នាំ មានមុខរបជាងកាត់កញ្ចក់ រស់នៅភូមិអូររំចេកលេី ឃុំអូរសំរិល ស្រុកសំឡូត ជិះម៉ូតូម៉ាកហុងដាឌ្រីមសេ១២៥ ពណ៌ខ្មៅ ស៊េរីឆ្នាំ២០១៨ ពាក់ស្លាកលេខបាត់ដំបង 1AD-7637 ។ ប្រភពបានឱ្យដឹងថា ជនរងគ្រោះស្រវឹងស្រាហើយជិះម៉ូតូម្នាក់ឯង តែគេមិនបានដឹងថា ជិះមកពីណាទេ លុះមកដល់ចំណុចកើតហេតុក៏ដួលបោកក្បាលរបួសធ្ងន់ តែក្រោយមកបានស្លាប់ ពេលព្យាយាមបញ្ជូនទៅមន្ទីរពេទ្យបានពាក់កណ្ដាលផ្លូវ ព្រោះឮថា ជនរងគ្រោះបាក់កផង។
សមត្ថកិច្ចបានប្រាប់ថា ជនរងគ្រោះបានជិះម៉ូតូដួលខ្លួនឯង បណ្ដាលឲ្យបោកក្បាលនិងបាក់កស្លាប់។ បើតាមសាក្សីថា ជនរងគ្រោះជិះម៉ូតូស្ថិតក្នុងស្ថានភាពស្រវឹងជោកជាំផង ។
យ៉ាងណាក៏ដោយ សាកសពជនរងគ្រោះត្រូវបានក្រុមគ្រួសារយកទៅធ្វើបុណ្យ រីឯម៉ូតូត្រូវបានរក្សាទុកបណ្ដោះអាសន្ននៅប៉ុស្ដិ៍នគរបាលមូលដ្ឋាន ។
ចែករំលែកព័តមាននេះ