នៅក្នុងលោកនេះគ្មានអ្វីដែលឋិតថេរចេរកាលជាដរាបនោះទេ គង់នឹងផ្លាស់ប្តូរ ប្រែប្រួលទៅតាមកាលវេលាយ៉ាងណា មនុស្សសត្វទាំងអស់ដែលកើតមកហើយ ក៏រមែងចម្រើនវ័យវឌ្ឍនាការជាកំលោះ ក្រមុំ មានរូបសម្រស់ស្រស់ស្អាត តែមិនយូរប៉ុន្មានរូបសម្រស់ដ៏ស្រស់ឆើតឆាយនោះក៏ចាប់ផ្តើមរោយស្រពោន ស្រកស្រុតជាធម្មតាមិនអាចជម្នះនឹងច្បាប់ធម្មជាតិបានក៏យ៉ាងនោះដែរ បើទុកជាចង់ឬមិនចង់ក៏មិនអាចប្រកែកបានឡើយ…
នៅក្នុងលោកនេះគ្មានអ្វីដែលឋិតថេរចេរកាលជាដរាបនោះទេ គង់នឹងផ្លាស់ប្តូរ ប្រែប្រួលទៅតាមកាលវេលាយ៉ាងណា មនុស្សសត្វទាំងអស់ដែលកើតមកហើយ ក៏រមែងចម្រើនវ័យវឌ្ឍនាការជាកំលោះ ក្រមុំ មានរូបសម្រស់ស្រស់ស្អាត តែមិនយូរប៉ុន្មានរូបសម្រស់ដ៏ស្រស់ឆើតឆាយនោះក៏ចាប់ផ្តើមរោយស្រពោន ស្រកស្រុតជាធម្មតាមិនអាចជម្នះនឹងច្បាប់ធម្មជាតិបានក៏យ៉ាងនោះដែរ បើទុកជាចង់ឬមិនចង់ក៏មិនអាចប្រកែកបានឡើយ ។
ចំណែកគុណធម៌វិញ ពោលគឺសេចក្តីល្អដែលមនុស្សបានធ្វើហើយរមែងចម្រើនកើនឡើងជារឿយៗទៅតាមកាលវេលា ដោយមិនចេះស្រកស្រុតអាប់អន់សោះឡើយ។ វេលាកាន់តែយូរឆ្ងាយ ការកសាងគុណធម៌កាន់តែបានច្រើន សេចក្តីចម្រើនក្នុងផ្លូវសុខក៏កើនឡើងជាភិយ្យោភាព គឺចម្រើនតាំងពីលោកនេះរហូតដល់លោកខាងមុខ ។
ព្រោះហេតុនោះបានជាទ្រឹស្តីព្រះពុទ្ធសាសនាបានចារទុកជាគតិឲ្យយើងបានពិចារណាប្រព្រឹត្តតែអំពើជាកុសល ប្រារព្ធសេចក្តីមិនប្រមាទ និងព្យាយាមធ្វើតែអំពើល្អ កសាងគុណធម៌ដើម្បីសេចក្តីចម្រើនតរៀងទៅ ។
ចែករំលែកព័តមាននេះ