ខេត្តបន្ទាយមានជ័យ ៖ មន្ត្រីកាំកុងត្រូលដុតបំផ្លាញទំនិញខូចគុណជិត៥តោនដែលបានបង្ក្រាបដកហូត និងរឹបអូសនៅអំឡុងឆ្នាំ២០១៨ នាពេលកន្លងមកនៅខេត្តបន្ទាយមានជ័យ ក្នុងឱកាសចុះត្រួតពិនិត្យនៅថ្ងៃទី០៦ ខែវិច្ឆិកា ឆ្នាំ២០១៨ នៅផ្សារហ៊ុយឡេងសឿ ស្ថិតភូមិ-សង្កាត់សឿ…
ខេត្តបន្ទាយមានជ័យ ៖ មន្ត្រីកាំកុងត្រូលដុតបំផ្លាញទំនិញខូចគុណជិត៥តោនដែលបានបង្ក្រាបដកហូត និងរឹបអូសនៅអំឡុងឆ្នាំ២០១៨ នាពេលកន្លងមកនៅខេត្តបន្ទាយមានជ័យ ក្នុងឱកាសចុះត្រួតពិនិត្យនៅថ្ងៃទី០៦ ខែវិច្ឆិកា ឆ្នាំ២០១៨ នៅផ្សារហ៊ុយឡេងសឿ ស្ថិតភូមិ-សង្កាត់សឿ ស្រុកមង្គលបូរី ។
លោក សាន វិជ្ជាសារ៉ាវុធ ប្រធានសាខាកាំកុងត្រូលខេត្តបន្ទាយមានជ័យបានប្រាប់ថា ជាការយកចិត្តទុកដាក់ពីសុខភាពបងប្អូនប្រជាពលរដ្ឋមន្ត្រីសាខាកាំកុងត្រូលខេត្តសហការជាមួយមន្ត្រីពាណិជ្ជកម្មខេត្តបានចុះផ្សព្វផ្សាយ និងពិនិត្យរកទំនិញខូចគុណភាព និងហួសកាលបរិច្ឆេទនៅផ្សារហ៊ុយឡេងសឿរ ។
លោកបានបញ្ជាក់ថា ក្រោយពេលដែលចុះពិនិត្យទំនិញដូចជា មីសួរ គុយទាវ សណ្តែកបណ្តុះ និងសាច់ក្រក ខ្វារគោ ប្រហិតសាច់គោ ចាហួយខ្មៅ លូតស្វិត បាញ់ឌុក និងទំនិញ មូយចំនួនទៀតក្រោយពេលពិនិត្យរកឃើញមានសារធាតុគីមីតិចតួច ហើយដកហូតទំនិញហួសការបរិច្ឆេទ និងខូចគុណភាពមានទឹកក្រូចចំណុះ៣លីត្រ៤ដប ទឹកក្រូច១លីត្រកន្លះ១០ដប ។
លោក សាន វិជ្ជាសារ៉ាវុធ បានណែនាំដល់អាជីវករលក់គ្រឿងសំអាងមានម្ស៉ៅលាយ ឡេលាយត្របញ្ចប់សកម្មលាយលក់ធ្វើអោយប៉ះពាល់សុខភាពត្រូវបញ្ឈប់រាល់សកម្មភាពដំបូងណែនាំ និងអប់រំ បើមានលើកក្រោយ និងចាត់ការតាមវិធានការច្បាប់ ។
លោកបាបញ្ជាក់ថា ជាការណែនាំពីរដ្ឋមន្ត្រីក្រសួងពាណិជ្ជកម្ម និងអគ្គនាយកដ្ឋានកាំកុងត្រូលហើយមន្ត្រីជំនាញបានធ្វើការទប់ស្កាត់នៅច្រកទ្វារអន្តរជាតិប៉ោយប៉ែត និងច្រកតំបន់ព្រំដែននិងច្រករបៀងខុសច្បាប់ ។
ហើយការចុះពិនិត្យជាប្រចាំនៅតាមទីផ្សារទូរទាំងខេត្តក្នុង ១ខែ៤លើក ដកហូត និងរឹបអូសមានទំនិញហួសកាលបរិច្ឆេទ និងខូចគុណភាពអំឡុងឆ្នាំ២០១៨ដុតបំផ្លាញចោលជិត៥តោនឯណោះ ៕
ចែករំលែកព័តមាននេះ