រាជធានីភ្នំពេញ ៖ យុវជន២នាក់ជិះម៉ូតូមួយគ្រឿងឆ្លងផ្លូវ ត្រូវរថយន្តកូរ៉េធុនតូចមួយគ្រឿងដឹកហ្គាស បុកពេញទំហឹងកៀបម៉ូតូជាប់ក្រោមរថយន្ត អូសជាង៥០០ម៉ែត្រ បណ្តាលអោយបុរសម្នាក់ជាអ្នកបើកម៉ូតូរងរបួសធ្ងន់ នឹងម្នាក់ទៀតជាអ្នករួមដំណើររងរបួសស្រាល ។ ហេតុការណ៍នេះដែរបានកើតឡើងកាលពីវេលាម៉ោង១០នឹង១៥នាទីយប់ថ្ងៃទី៦…
រាជធានីភ្នំពេញ ៖ យុវជន២នាក់ជិះម៉ូតូមួយគ្រឿងឆ្លងផ្លូវ ត្រូវរថយន្តកូរ៉េធុនតូចមួយគ្រឿងដឹកហ្គាស បុកពេញទំហឹងកៀបម៉ូតូជាប់ក្រោមរថយន្ត អូសជាង៥០០ម៉ែត្រ បណ្តាលអោយបុរសម្នាក់ជាអ្នកបើកម៉ូតូរងរបួសធ្ងន់ នឹងម្នាក់ទៀតជាអ្នករួមដំណើររងរបួសស្រាល ។
ហេតុការណ៍នេះដែរបានកើតឡើងកាលពីវេលាម៉ោង១០នឹង១៥នាទីយប់ថ្ងៃទី៦ ខែវិច្ឆិកា នៅតាមបណ្តោយផ្លូវ៣៧៤កែងនឹងផ្លូវ១៧៣ សង្កាត់ទួលស្វាយព្រៃ២ ខណ្ឌចំការមន។
រថយន្តបង្កជាប្រភេទរថយន្តកូរ៉េដឹកអីវ៉ាន់ធន់តូច ពណ៌ស បើកបរដោយបុរសម្នាក់ និងបុរសម្នាក់ទៀតជាអ្នករួមដំណើរ ។ ចំណែកម៉ូតូរងគ្រោះម៉ាក អឹមអេសអិច ពណ៌សលាយខ្មៅ ពាក់ស្លាកលេខ ភ្នំពេញ ១FA-៤០៩៦បើកបរដោយបុរសម្នាក់ បានរងរបួសធ្ងន់ម្នាក់ រីឯម្នាក់ទៀតជាអ្នករួមដំណើរបានរងរបួសស្រាលម្នាក់។
ប្រភពព័ត៌មានពីរជនរងគ្រោះបានប្រាប់អោយដឹងថា មុនកើតហេតុ គឺពួកគាត់បានជិះម៉ូតូមួយគ្រឿងជាមួយមិត្តភក្ដិ ធ្វើដំណើរតាមបណ្ដោយផ្លូវ១៧៣ ទិសដៅពីកើតទៅលិច លុះមកដល់ចំណុចផ្លូវបំបែកជាបួន ស្រាប់តែមានរថយន្តមួយគ្រឿងខាងលើ បើកបរតាមផ្លូវ៣៧៤ ឆ្លងកាត់ផ្លូវ១៧៣ ក្នុងទិសដៅពីត្បូងទៅជើងបានបុកចំពាក់កណ្តាលម៉ូតូពួកគាត់ពេញទំហឹងបណ្តាលអោយប៉ើងទាំងអ្នកបើកបរម៉ូតូ និងអ្នករួមដំណើរបោកផ្ទប់នឹងកញ្ចក់រថយន្តរងបួសអ្នកបើកបរម៉ូតូសន្លប់ស្តូកស្តឹង នឹងម្នាក់ទៀតជាអ្នករួមដំណើរបានរលាត់ដៃជើងចេញឈាមរងរបួសស្រាល ។
ចំណែកម៉ូតូបានកៀបជាប់ក្រោមរថយន្តរងការខូចខាតស្ទើរតែទាំងស្រុង ភ្លាមៗរថយន្តបង្កមិនបានឈប់ដោះស្រាយទេ បានព្យាយាមបើករត់គេចខ្លួន ទាំងម៉ូតូនៅក្រោមរថយន្ត បង្កជាភ្ញាក់ផ្អើលពេញដងផ្លូវ លុះបើកបានជាង៥០០ម៉ែត្រ មកដល់ប៉ុស្តិ៍២៤ម៉ោង ក្នុងសង្កាត់ទួលស្វាយព្រៃ២ ក៏ត្រូវបានកម្លាំងសមត្ថកិច្ចប៉ុស្តិ៍ឃាត់ជាប់ទាំងរថយន្ត និងអ្នកបើកបរ ប្រគល់ទៅអោយខាងជំនាញចរាចរណ៍ ដោះស្រាយបន្ត។
ភ្លាមៗបន្ទាប់ពីកើតហេតុ ជនរងគ្រោះត្រូវបានរថយន្តសង្គ្រោះរបស់គ្លីនិកឯកជន ដឹកយកទៅសង្គ្រោះភ្លាមៗ ចំណែកឯម៉ូតូរងគ្រោះនិងរថយន្តត្រូវកម្លាំងសមត្ថកិច្ចមូលដ្ធានប្រគល់ទៅអោយសមត្ថកិច្ចជំនាញចរាចរផ្លូវគោកនៃស្នងការដ្ឋាន នគរបាលរាជធានីភ្នំពេញ ធ្វើការវាស់វែង នឹងយកទៅរក្សាទុកបណ្តោះអាសន្ន រង់ចាំដោះស្រាយគ្នានៅពេលក្រោយ ៕
ចែករំលែកព័តមាននេះ