ខេត្តស្ទឹងត្រែង ៖ មន្ត្រីជំនាញសាខាកាំកុងត្រូលខេត្តស្ទឹងត្រែងបានរកឃើញ និងដកហូតទំនិញខូចគុណភាពប្រមាណ៥០គីឡូក្រាមពីអាជីវករលក់ដូរនៅក្នុងផ្សារតាំងពិពណ៌ផលិតផលថៃ ដើម្បីបញ្ចៀសផលប៉ះពាល់សុខភាពអ្នកបរិភោគ និងអ្នកប្រើប្រាស់ ។
ការចុះដកហូតចំណីអាហារ និងទំនិញខូចគុណភាពក្នុងផ្សារតាំងពិព័រណ៍ផលិតផលថៃនោះគឺបានធ្វើឡើងកាលថ្ងៃទី៦ ខែវិច្ឆិកា ឆ្នាំ២០១៨ ក្រោមកិច្ចសហការរវាងមន្ត្រីកាំកុងត្រូល និងអាជ្ញាធរក្រុងស្ទឹងត្រែង ។
ការដកហូតទំនិញចំណីអាហាខូចគុណភាពនោះបន្ទាប់អាជីវករថៃ និងខ្មែរអ៊ិស្លាមដាក់តាំងពិព័រណ៍ផលិតផល និងចំណីអាហាសម្ភារនានាប៉ុន្មានថៃ្ងកន្លងមកនេះ ស្របពិធីបុណ្យអុំទូកជាលើកទី២ ក្នុងខេត្តស្ទឹងត្រែង ដើម្បីស្រាវជ្រាវថា តើចំណីអាហាណាហួសសុពលភាព និងគ្មានគុណភាពប្រើប្រាស់ត្រូវដកហូតយកទៅកម្ទេចចោលទប់ស្កាត់ផលប៉ះពាល់ផ្នែកសុខភាពទៅដល់អ្នក បរិភោគ ។
លោក សាយ កុសល អភិបាលក្រុងបញ្ជាក់ដែរថា កន្លងមន្ត្រីជំនាញបានយកចំណីអាហារមូយចំនួនមកធ្វើពិសោធន៍ហើយរកសារធាតុគីមីនៅក្នុងចំណីអាហាមានដូចជាប្រហិតសាច់ត្រី ប្រហិតសាច់គោ បង្គា ប្រហិតសាច់ក្តាម ម៉ឹក និងងៀតត្រីបបែលប្រៃផ្អែមជាដើម ។
លោកបន្ថែមថា តាមការពិនិត្យជាក់ស្តែងបងប្អូនអាជីវករមួយចំនួន លក់ចំណីអាហារខ្លះ មានគុណភាពល្អហើយខ្លះទៀតមានសារជាតិ(ហ្វកម៉ាលីន)ច្រើនអាចបង្កផលប៉ះពាល់ដល់អ្នបរិភោគ ហើយករណីទំនិញមានភាពមិនប្រក្រតីដូចជាគ្មានអនាម័យ ហួសកាលបរិច្ឆេទប្រើប្រាស់មន្ត្រីជំនាញដកហូតយកមកកម្ទេចចោល និងហាមឃាត់មិនឲ្យលក់បន្តឡើយ ។
ទំនិញខូចគុណភាពដែលមន្ត្រីកាំកុងត្រូលខេត្តដកហូតបាននាពេលនោះមានងៀតត្រីបបែលប្រៃផ្អែមចំនួន៤០គីឡូក្រាម នំធុងចំនួន៥ធុង និងប្រហិតចម្រុះចំនួន១០គីឡូក្រាម នាំយកទៅដុតកំទេចចោលភ្លាមៗនេះបើតាមការបញ្ជាក់ពីប្រធានសាខាកាំកុងត្រូលខេត្តស្ទឹងត្រែងលោក គឹម ប្រុស ៕
ចែករំលែកព័តមាននេះ