ព្រឹកនេះសម្តេចតេជោជួបសំណេះសំណាងជាមួយកម្មករប្រមាណជាង២ម៉ឺននាក់
- តាកែវ
ខេត្តតាកែវ ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជានៅព្រឹកថ្ងៃទី០៧ ខែវិច្ឆិកានេះ បានអញ្ជើញចុះជួបសំណេះសំណាលជាមួយកម្មករ និយោជិតប្រមាណ២៣,៤៦៦ នាក់…
ខេត្តតាកែវ ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជានៅព្រឹកថ្ងៃទី០៧ ខែវិច្ឆិកានេះ បានអញ្ជើញចុះជួបសំណេះសំណាលជាមួយកម្មករ និយោជិតប្រមាណ២៣,៤៦៦ នាក់…
ខេត្តតាកែវ ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជានៅព្រឹកថ្ងៃទី០៧ ខែវិច្ឆិកានេះ បានអញ្ជើញចុះជួបសំណេះសំណាលជាមួយកម្មករ និយោជិតប្រមាណ២៣,៤៦៦ នាក់ មកពីរោងចក្រសហគ្រាសចំនួន២០មកតាមស្រុកនានានៅក្នុងខេត្តតាកែវ ។
ពិធីសំណេះសំណាលនេះធ្វើឡើងនៅភូមិថ្នល់ទក្សិណឃុំក្រាំងធ្នង់ ស្រុកបាទី ខេត្តតាកែវ ។ កម្មករកម្មារិនីមកពីរោងចក្រសហគ្រាសទាំង២០ដែលបានអនុញ្ញាតឲ្យកម្មករកម្មការិនីជួបសំណេះសំណាលដោយផ្ទាល់ជាមួយសម្តេចតេជោ ហ៊ុន សែន នេះមានរោងចក្រកាត់ដេរសម្លៀកបំពាក់ចំនួន១៣ ផលិតស្បែកជើងចំនួន៦ និងបោះពុម្ពលើសម្លៀកបំពាក់ចំនួន១ ។ ផលិតទាំងអស់ត្រូវបាននាំចេញទៅកាន់ទីផ្សារអន្តរជាតិ និងផ្គត់ផ្គង់ទីផ្សារក្នុងប្រទេស ។ សូមបញ្ជាក់ថា បច្ចុប្បន្នខេត្តតាកែវមានសហគ្រាសគ្រឹះស្ថានចំនួន១១៤ មានកម្មករនិយោជិត ៤៦,៩៩០នាក់ ។
ក្នុងនោះរោងចក្រកាត់ដេរសម្លៀកបំពាក់ និងផលិតស្បែកជើងមានចំនួន៣៧ មានកម្មករ និយោជិតចំនួន ៣៨,១៥៨នាក់ ដែលមានប្រាក់ឈ្នួលសរុបប្រមាណជិត៩២លានដុល្លារក្នុងមួយឆ្នាំ ។ ដើម្បីជំរុញវិស័យឧស្សាហកម្មឲ្យមានសន្ទុះទៅមុខកាន់តែខ្លាំងក្លាសម្តេចតេជោ ហ៊ុន សែន បានចាប់ផ្តើមចុះជួបសំណេះសំណាលដោយផ្ទាល់ជាមួយកម្មករកម្មការិនីតាំងពីថ្ងៃទី២០ ខែសីហា ឆ្នាំ២០១៧ ។ មកដល់បច្ចុប្បន្នសម្តេចតេជោ ហ៊ុន សែន បានអញ្ជើញជួបជាមួយកម្មករកម្មការិនីប្រធានរដ្ឋបាលប្រធានផ្នែក ប្រធានក្រុមសរុបចំនួន៥៨លើក ដែលមានអ្នកចូលរួមសរុប ៨២៤,០៣៤នាក់ ។
នៅក្នុងពិធីជំនួបជាបន្តបន្ទាប់នេះសម្តេចតេជោ ហ៊ុន សែន បានដាក់ចេញគោលនយោបាយជាផលប្រយោជន៍ជាច្រើនសម្រាប់កម្មករកម្មការិនី ហើយបញ្ហាមួយចំនួនដែលប្រឈមសម្រាប់ការរស់នៅរបស់កម្មករកម្មការិនីក៏ត្រូវបានដោះស្រាយជាបន្តបន្ទាប់ផងដែរ ៕
ចែករំលែកព័តមាននេះ