ខេត្តកណ្តាល ៖ ក្រុមជួញដូរគ្រឿងញៀនចំនួន៣នាក់បានត្រូវនគរបាលស្រុកពញាឮបង្ក្រាបបានថ្នាំញៀន១៣កញ្ចប់ ទម្ងន់២,៧៧ក្រាម រួមនឹងវត្ថុតាងមួយចំនួន ។ ហេតុការណ៍នេះបានកើតឡើងនៅថ្ងៃទី០៦ ខែវិច្ឆិកា ឆ្នាំ២០១៨ វេលាម៉ោង០២និង៤៥នាទីរសៀល…
ខេត្តកណ្តាល ៖ ក្រុមជួញដូរគ្រឿងញៀនចំនួន៣នាក់បានត្រូវនគរបាលស្រុកពញាឮបង្ក្រាបបានថ្នាំញៀន១៣កញ្ចប់ ទម្ងន់២,៧៧ក្រាម រួមនឹងវត្ថុតាងមួយចំនួន ។ ហេតុការណ៍នេះបានកើតឡើងនៅថ្ងៃទី០៦ ខែវិច្ឆិកា ឆ្នាំ២០១៨ វេលាម៉ោង០២និង៤៥នាទីរសៀល នៅចំណុចខ្លោងទ្វាវត្តប្រសិទ្ធិក្រោម ភូមិតាពេជ ឃុំឈ្វាំង ស្រុកពញាឮ ខេត្តកណ្តាល ។
ជនសង្ស័យចំនួន៣មានទី១-ឈ្មោះ សៀន សេង ភេទប្រុស អាយុ៣៤ឆ្នាំ ជនជាតិខ្មែរ មុខរបរ លក់ទឹកកត្នោតជូរ មានទីលំនៅភូមិឈូក ឃុំគោកល្វៀង ស្រុកព្រៃឈរ ខេត្តកំពង់ចាម គ្មានសារធាតុញៀនក្នុងទឹកនោមទេ, ទី២-ឈ្មោះ រី ចាន់ផាន់ណា ហៅ រី ឈីត ភេទប្រុស អាយុ១៧ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិជោទ្រៀច ឃុំម្កាក់ ស្រុកអង្គស្នួល ខេត្តកណ្តាល មានសារធាតុញៀនក្នុងទឹកនោម និងទី៣-ឈ្មោះ ភាព វ័យ ហៅ ចត់ ភេទប្រុស អាយុ១៦ឆ្នាំ មុខរបរនៅផ្ទះ មានទីលំនៅភូមិត្រពាំងធ្នង់ ឃុំម្កាក់ ស្រុកអង្គស្នួល ខេត្តកណ្តាល មានសារធាតុញៀនក្នងទឹកនោម ។
នគរបាលបានបញ្ជាក់ថា នៅថ្ងែកើតហេតុកម្លាំងផ្នែកជំនាញបានទទួលព័ត៌មានពីកម្លាំងភ្នាក់ងារថា នៅចំណុចកើតហេតុមានមុខសញ្ញាជួញដូរគ្រឿងញៀននៅម្តុំភ្នំបាសិទ្ធិធ្វើសកម្មភាពនៅក្នុងភូមិកើតហេតុ ។ ក្រោយពីបានទទួលព័ត៌មានរួចមកកម្លាំងផ្នែកជំនាញសហការណ៏ជាមួយកម្លាំងប៉ុស្តិ៍រដ្ឋបាលឈ្វាំង បានចុះទៅដល់កន្លែងកើតហេតុឃ្លាំមើលសកម្មភាពបានឃើញសកម្មភាពជនសង្សយធ្វើសកម្មភាពជួញដូរគ្រឿងហើយក៏បានធ្វើការបង្ក្រាបឃាត់ខ្លួនជនសង្ស័យបានចំនួន២នាក់ និងចាប់យកវត្ថុតាងបានថ្នាំញៀន១កញ្ចប់តូច ។
បន្ទាប់មកជនសង្ស័យទាំង២នាក់បានទៅចង្អុលបង្ហាញជនសង្ស័យដែលជាអ្នកលក់ទឹកត្នោតជូរ ជួញដូរគ្រឿងញៀន នៅរោងលក់ទឹកត្នោតជូរកម្លាំងសមត្ថកិច្ចក៏បានបង្ក្រាបចាប់ឃាត់ខ្លួនម្នាក់ និងចាប់យកវត្ថុតាងបានថ្នាំញៀនចំនួន១៣កញ្ចប់តូច រួមជាមួយវត្ថុតាងផ្សេងទៀត ។
នៅចំពោះមុខសមត្ថកិច្ចជនសង្ស័យឈ្មោះ សៀន សេង បានសារភាពថា ថ្នាំញៀនដែលយកមកលក់ពេលកើតហេតុនេះគឺទិញមកពីជនមិនស្គាល់ឈ្មោះនៅព្រែកព្នៅ ដោយទិញមកម្តងៗចំនួន១០០ដុល្លារ យកមកច្រកជាកញ្ចប់តូចៗលក់វិញ ១កញ្ចប់តូចតម្លៃ១០ដុល្លារ ។ ជនសង្ស័យទាំង៣នាក់បានឃាត់ខ្លួននៅអធិការដ្ឋាននគរបាលស្រុកពញាឮបន្តចាត់ការតាមនីតិវិធី ៕
ចែករំលែកព័តមាននេះ