រឿងចំណង់ក្នុងកាមនេះធ្វើឱ្យមនុស្សដែលមានបញ្ញាតិចគិតមិនដល់ខ្វល់ខ្វាយជ្រុលជ្រប់ជាប់ចិត្តមិនចេះជិនណាយមានតម្រូវការមិនចេះគ្រប់ ងើបមុខមិនរួច ។
អ្នកងប់ងល់ក្នុងកាមបែបនេះរមែងដុតរោលចិត្តឱ្យពុះកញ្ជ្រោលជានិច្ច មានសេចក្តីសុខតិច តែមានទុក្ខច្រើន មានសេចក្ដីចង្អៀតចង្អល់ចិត្តច្រើន ព្រោះតែជាអ្នករវល់ក្នុងរឿងឥតប្រយោជន៍ច្រើន ។
ផ្ទុយពីអ្នកមានបញ្ញាច្រើន គិតត្រូវ ធ្វើត្រូវ ស្រឡាញ់ការងារសុចរិតទាំងឡាយមានការបំពេញបុណ្យកុសលជាដើម មានចិត្តជ្រះថ្លា មេត្តា ករុណា ប្រាថ្នាឱ្យអ្នកដទៃដែលយើងស្រឡាញ់នោះ បានល្អ មានសេចក្ដីសុខក្នុងព្រះធម៌ នឹងនាំដំណើបុគ្គលឱ្យរួចផុតចាកទុក្ខអំពីវដ្ដសង្សារនេះ ទៅដាក់ក្នុងទីដ៏ខ្ពង់ខ្ពស់ ។
ព្រោះហេតុនោះបានជាលោកពោលថា បុគ្គលត្រូវប្រយ័ត្នក្នុងសេចក្ដីស្រឡាញ់ពេញចិត្តខុសទំនង ការស្រឡាញ់ជ្រុលជ្រប់ងើបមុខមិនរួចបែបនេះរមែងក្លាយទៅជាការបៀតបៀនទាំងខ្លួនឯងផង និងអ្នកដទៃផង រកសេចក្តីសុខមិនឃើញឡើយ ។
ចែករំលែកព័តមាននេះ