ត្រសក់ គឺជាបន្លែដែលមានផ្ទុកសម្បូរទៅដោយសារធាតុចិញ្ចឹម និងវីតាមីន ផ្សេងៗដែលចាំបាច់សម្រាប់សុខភាពរាងកាយ ។ អត្ថប្រយោជន៍ សំខាន់ៗបំផុតដែលត្រសក់ផ្ដល់ឲ្យចំពោះសុខភាពរាងកាយ និងសម្រស់ រួមមានកម្ចាត់បន្សាបជាតិពុលចេញពីរាងកាយ,រក្សាជាតិទឹក ក៏ដូចជាសំណើមក្នុងរាងកាយ…
ត្រសក់ គឺជាបន្លែដែលមានផ្ទុកសម្បូរទៅដោយសារធាតុចិញ្ចឹម និងវីតាមីន ផ្សេងៗដែលចាំបាច់សម្រាប់សុខភាពរាងកាយ ។ អត្ថប្រយោជន៍ សំខាន់ៗបំផុតដែលត្រសក់ផ្ដល់ឲ្យចំពោះសុខភាពរាងកាយ និងសម្រស់ រួមមានកម្ចាត់បន្សាបជាតិពុលចេញពីរាងកាយ,រក្សាជាតិទឹក ក៏ដូចជាសំណើមក្នុងរាងកាយ ព្រមថែមទាំងធ្វើឲ្យស្បែក និងសក់ស្រស់ស្អាតរឹងមាំផងដែរ ។
អត្ថប្រយោជន៍នៃត្រសក់ និងរបៀបត្រឹមត្រូវក្នុងការទទួលទាន ដើម្បីទទួលបានលទ្ធផលប្រសើរគួរឲ្យភ្ញាក់ផ្អើល ៖
១. កម្ចាត់ជាតិពុល និងផ្ដល់ជាតិទឹក, រក្សាសំណើមនៃស្បែក ៖ អ្នកប្រហែលជាធ្លាប់បានដឹងរួចមកហើយថា ត្រសក់ គឺមានផ្ទុកជាតិទឹកច្រើនដល់ទៅ៩៥ ភាគរយឯណោះ ។ នេះមានន័យថា ត្រសក់ គឺល្អបំផុតសម្រាប់ដោះស្រាយបញ្ហាខ្សោះជាតិទឹកក្នុងរាងកាយ ។ លើសពីនេះទៅទៀត បន្លែនេះនឹងជួយស្ដាររាងកាយរបស់អ្នកជាមួយវីតាមីនសំខាន់ៗយ៉ាងច្រើន ។
២. បង្កើនការរំលាយអាហារ និងដុតបំផ្លាញជាតិខ្លាញ់ ៖ តាមរយៈការទទួលត្រសក់ជាប្រចាំ អ្នកនឹងអាចបង្កើននូវសុខភាពរាងកាយទាំងមូលឲ្យមានលក្ខណៈកាន់តែល្អប្រសើរ ។ ត្រសក់អាចជម្រុញប្រព័ន្ធរំលាយអាហារ ហើយកម្ចាត់ជាតិខ្លាញ់ដែលលើសចេញ ។ លើសពីនេះទៅទៀត ត្រសក់ ក៏ជាប្រភពដ៏ល្អប្រសើរនៃជាតិសរសៃ និងទឹក ដែលធ្វើឲ្យវាមានប្រសិទ្ធភាពខ្លាំងក្លាក្នុងការកម្ចាត់ចោលនូវជាតិពុល ផ្សេងៗ ។
៣. កម្ចាត់ក្លិនមាត់មិនល្អ ៖ ត្រសក់ជួយក្នុងការកម្ចាត់នូវបញ្ហាក្លិនខ្យល់ដង្ហើមមិនល្អ តាមរយៈលក្ខណសម្បត្តិប្រឆាំងនឹងបាក់តេរីដ៏មានឥទ្ធិពលរបស់វា ។ អ្វីដែលអ្នកត្រូវធ្វើ គឺគ្រាន់តែយកត្រសក់មួយចំណិតដាក់ចូលបៀមក្នុងមាត់សម្រាប់រយៈពេលប្រហែលជា៣០វិនាទី ។ សារធាតុប្រឆាំងបាក់តេរីនឹងសម្លាប់នូវរាល់បាកតេរីដែលបង្កឲ្យមានក្លិនមាត់មិនល្អ ។
របៀបទទួលទានផ្លែត្រសក់ ៖
អ្នកអាចបន្ថែមត្រសក់ប៉ុន្មានចំណិតចូលក្នុងអាហារប្រចាំថ្ងៃ ដើម្បីទទួលទាន ប៉ុន្តែវិធីដ៏មានប្រសិទ្ធភាពបំផុតនៃការទទួលទានត្រសក់ដើម្បីអត្ថប្រយោជន៍សុខភាពកាន់តែល្អប្រសើរ គឺត្រាំត្រសក់២ ឬ៣ចំណិត ក្នុងទឹកធម្មតាមួយកែវ ហើយបរិភោគភេសជ្ជៈនេះឲ្យបានទៀងទាត់ ។
អត្ថប្រយោជន៍ផ្សេងមួយចំនួនទៀតនៃការទទួលទានត្រសក់ប្រចាំថ្ងៃចំពោះសុខភាព ៖
១-ប្រឆាំងនឹងជំងឺមហារីក ២-កាត់បន្ថយកូឡេស្តេរ៉ូល ៣-បង្ការជំងឺឈឺក្បាល ៤-រក្សាសំណើម និងផ្ដល់ជាតិទឹកដល់រាងកាយឡើងវិញ ៥-ព្យាបាលជំងឺទឹកនោមផ្អែម ៦-ធ្វើឲ្យសក់ភ្លឺរលាស់ ៧-គ្រប់គ្រងសម្ពាធឈាម ៨-សម្រួលដល់ការរំលាយអាហារ និង៩-សម្រាលអាការឈឺសន្លាក់ (ប្រភពពី៖ Health.com.kh) ៕
ចែករំលែកព័តមាននេះ