ខេត្តស្វាយរៀង ៖ សមត្ថកិច្ចនគបាលស្រុកចន្ទ្រាចុះបង្ក្រាបជនសង្ស័យចែកចាយ និងប្រើប្រាស់គ្រឿង ញៀនបានចំនួន៣នាក់ ក្នុងនោះមាននារីម្នាក់ផងដែរ ក៏ប៉ុន្តែរកមិនឃើញគ្រឿងញៀនទេ តែពេលពិនិត្យទឹកនោមរកឃើញមានសារធាតុញៀន ទើបធ្វើការឃាត់ខ្លួនដើម្បីសាកសួររកមេខ្លោងនៅព្រឹកថ្ងៃទី៦ ខែវិច្ឆិកា…
ខេត្តស្វាយរៀង ៖ សមត្ថកិច្ចនគបាលស្រុកចន្ទ្រាចុះបង្ក្រាបជនសង្ស័យចែកចាយ និងប្រើប្រាស់គ្រឿង
ញៀនបានចំនួន៣នាក់ ក្នុងនោះមាននារីម្នាក់ផងដែរ ក៏ប៉ុន្តែរកមិនឃើញគ្រឿងញៀនទេ តែពេលពិនិត្យទឹកនោមរកឃើញមានសារធាតុញៀន ទើបធ្វើការឃាត់ខ្លួនដើម្បីសាកសួររកមេខ្លោងនៅព្រឹកថ្ងៃទី៦ ខែវិច្ឆិកា ឆ្នាំ២០១៨ នៅអធិការដ្ឋានស្រុកចន្ទ្រា។
បើតាមមន្ត្រីនគបាលស្រុកចន្ទ្រាបានបង្ហើបឲ្យដឹងថា កាលពីវេលាម៉ោង១១និង៤០នាទីយប់ថ្ងៃទី៥ ខែវិច្ឆកា ឆ្នាំ២០១៨ កម្លាំងជំនាញស្រុកសហការជាមួយកម្លាំងប៉ុស្តិ៍ច្រកទ្វេភាគីសំរោងនិងប៉ុស្តិ៍រដ្ឋបាលឃុំសំរោងបានចេញល្បាតចល័តដល់ត្រង់ចំណុចខាងមុខកាស៊ីណូសៀងហៃ ក៏បានឃើញមុខសញ្ញាសង្ស័យចំនួន១នាក់ឈ្មោះ ផាន់ បុរស ភេទប្រុស អាយុ១៩ឆ្នាំ មុខរបរបុគ្គលិកកាស៊ីណូសៀងហៃ រួចឃាត់ខ្លួននាំមកប៉ុស្តិ៍រដ្ឋបាលសំរោងដើម្បីធ្វើតេស្តទឹកនោម លទ្ធផលគឺវិជ្ជមាន។
ភ្លាមនោះ សមត្ថកិច្ចបានចុះស្រាវជ្រាវជាបន្ត ហើយបានឃាត់ខ្លួនជនសង្ស័យបាន២នាក់នៅត្រង់ចំណុចខាងមុខកាស៊ីណូ W ស្ថិតនៅភូមិចេក ឃុំសំរោង ស្រុកចន្ទ្រា មានឈ្មោះសឹម សុខេង ភេទប្រុស អាយុ២០ឆ្នាំ មុខរបរបុគ្គលិកកាស៊ីណូ៩៩៩ មានទីលំនៅភូមិដូនទយ ឃុំទួលស្តី ស្រុកចន្ទ្រា ក្រោយពីពិនិត្យទឹកនោមលទ្ធផលគឺវិជ្ជមាន។
និងឈ្មោះ គង់ដា ភេទស្រី អាយុ១៧ឆ្នាំ មុខរបរបុគ្គលិកកាស៊ីណូឡាវីហ្គាសសាន់ (ក្រុងបាវិត)មានទីលំនៅភូមិបាវិតកណ្តាល សង្កាត់បាវិត ក្រុងបាវិតក្រោយពីពិនិត្យទឹកនោមលទ្ធផលគឺវិជ្ជមាន។
វត្ថុតាងដែលសមត្ថកិច្ចចាប់បានរួមមាន ម៉ូតូម៉ាកហុងដា ធុនC125 ស៊េរីឆ្នាំ២០១៦ ពណ៌ខ្មៅពាក់ស្លាកលេខ ស្វាយរៀង ១H-៧៤៩៦ ចំនួន១គ្រឿង ទូរស័ព្ទម៉ាកNOKIA ចំនួន១គ្រឿង និងទូរស័ព្ទម៉ាក SAMSUNG ចំនួន១គ្រឿង និងប្រាក់ដុងចំនួន ៩៣,០០០ ដុង។
បច្ចុប្បន្នជនសង្ស័យទាំង៣នាក់ត្រូវបានសមត្ថកិច្ចកំពុងសាកសួរ ដើម្បីវែកមុខរកមុខសញ្ញាចែកចាយដើម្បីបំពេញសំណុំរឿងចាត់ការតាមនីតិវិធីច្បាប់៕
ចែករំលែកព័តមាននេះ