ស្ពានថ្មី២កន្លែងនឹងជំនួសស្ពានចាស់ទ្រុឌទ្រោមជិត២០ឆ្នាំ
- ស្ទឹងត្រែង
ខេត្តស្ទឹងត្រែង ៖ ឆ្លងកាត់ការលំបាកដោយអាស្រ័យលើស្ពានក្រាលបន្ទះក្តាទ្រុឌទ្រោមរយៈជិត២០ឆ្នាំឃុំអូរស្វាយ ស្រុកថាឡាបរិវ៉ាត់ ប្រជាពលរដ្ឋនឹងទទួលបានសមិទ្ធិផលថ្មីពីរកន្លែងនាពេលខាងមុខសម្រាប់សម្រួលការឆ្លងកាត់ដៃអូរទន្លេដែលកន្លងមកស្ពានទ្រុឌទ្រោមនោះបានបង្កជាបញ្ហាគ្រោះថ្នាក់លើប្រជាពលរដ្ឋច្រើនលើកដែរ ។ ប្រជាពលរដ្ឋរស់នៅឃុំអូរស្វាយបានលើកឡើងថា រយៈជិត២០ឆ្នាំមកហើយដែលប្រជាពលរដ្ឋប្រុសស្រី ចាស់ក្មេង ប្រើប្រាស់ស្ពានយោលនោះដើម្បីចរាចរឆ្លងកាត់ពីភូមិមួយទៅភូមិមួយក្នុងការផ្សារភ្ជាប់ទំនាក់ទំនងមិត្តភាព…
ប្រជាពលរដ្ឋរស់នៅឃុំអូរស្វាយបានលើកឡើងថា រយៈជិត២០ឆ្នាំមកហើយដែលប្រជាពលរដ្ឋប្រុសស្រី ចាស់ក្មេង ប្រើប្រាស់ស្ពានយោលនោះដើម្បីចរាចរឆ្លងកាត់ពីភូមិមួយទៅភូមិមួយក្នុងការផ្សារភ្ជាប់ទំនាក់ទំនងមិត្តភាព និងរកប្រភពចំណូលព្រមទាំងសម្រួលដល់ក្មេងៗសិស្សានុសិស្សបានទៅសាលារៀនផងដែរ ។
យោងតាមស្ថិតិពីរដ្ឋបាលឃុំប្រជាពលរដ្ឋសរុបប្រមាណជា៣៤២៦នាក់ ស្មើ៩០៩គ្រួសារ នៅភូមិចំនួន៥ក្នុងឃុំអូរស្វាយ ស្រុកថាឡាបរិវ៉ាត់ ដែលកំពុងប្រើប្រាស់ស្ពានខាងលើជាចាំបាច់ ។
ចែករំលែកព័តមាននេះ