រាជធានីភ្នំពេញ ៖ អ្នករាយការណ៍ពិសេសទទួលបន្ទុកស្តីពីសិទ្ធិមនុស្សប្រចាំកម្ពុជាមិនបានលើកពីបញ្ហានយោបាយ និងករណីលោក កឹម សុខា ដែលកំពុងជាប់ពន្ធនាគារនោះទេ ។ នេះបើតាមអ្នកនាំពាក្យក្រសួងយុត្តិធម៌ ។
លោកជិន ម៉ាលីន អ្នកនាំពាក្យក្រសួងយុត្តិធម៌បានអះអាងថា ក្នុងជំនួបពិភាក្សារវាងលោ ក ស្រី រ៉ូណាស្មីត អ្នករាយការណ៍ពិសេសរបស់អ្នកអង្កការសហប្រជាជាតិជាមួយលោក ជីវ សុង ហាក់រដ្ឋលេខាធិការក្រសួងយុត្តិធម៌តំណាងលោករដ្ឋមន្ត្រីក្រសួងយុត្តិធម៌នាព្រឹកថ្ងៃទី០៦ វិច្ឆិ កាថា លោកស្រី រ៉ូណាស្មីត មិនបានលើកឡើងពីបញ្ហានយោបាយ និងការជាប់ឃុំរបស់ក្រុម ប្រឆាំងពិសេសនោះ ករណីលោក កឹម សុខា នោះទេ គឺលើកពីករណីដែលអ្នកជាប់ពន្ធនាគារ មានចំនួនច្រើន ហើយឲ្យក្រសួងយកវិធានការដោះស្រាយប៉ុណ្ណោះ ។
អ្នកនាំពាក្យក្រសួងយុត្តិធម៌បានលើកឡើងថា ក្នុងជំនួបបានលើកឡើងពីច្ចេកទេសផ្លូវច្បាប់ តែប៉ុណ្ណោះក្នុការដោះស្រាយបញ្ហាអ្នកជាប់ពន្ធនាគារដែលមានចំនួនច្រើនធ្វើឲ្យកកស្ទះនៅក្នុងពន្ធនាគារនាពេលបច្ចុប្បន្ន ។ លោកបញ្ជាក់ថា «គាត់រីករាយនឹងជួយលើបញ្ហាបច្ចេកទេស ហើយគាត់ក៏បានលើកឡើងពីក្តីកង្វល់ពាក់ព័ន្ធនឹងការកកស្ទះចំនួនអ្នកទោសនៅពន្ធនាគារ ការទទួលបានសេវាយុត្តិធម៌ពីជនគ្រប់រូបនៅកម្ពុជាវិធានភស្តុតាងរបស់ចៅក្រមក្នុងការកាត់សេចក្តីជាដើម» ។
លោកជិន ម៉ាលីន ក៏បានលើកឡើងក្នុងជំនួបភាគីក្រសួងក៏បានលើកឡើងពីការវិវត្តន៍នៃ ទម្រង់នីមួយៗ ហើយត្រូវបានលោក ស្រី រ៉ូណាស្មីត រីករាយ និងស្វាគមន៍ និងបានស្នើឲ្យក្រ សួងដោះស្រាយកង្វល់មួយចំនួននោះផងដែរ ។ លោកថា ក្រសួងបានស្វាគមន៍ក្នុងការដោះស្រាយបញ្ហាដែលក្តីកង្វល់ទាំងនោះ ។ លោកក៏គូសបញ្ជាក់ថា «បញ្ហាដែលគាត់លើកឡើងនោះក៏ជាបញ្ហាដែលយើងកំពុងតែដោះស្រាយ ។ យើងពិភាក្សាគ្នានេះ គឺធ្វើយ៉ាងណាឲ្យអនុម័តនូវបញ្ញត្តិច្បាប់ដែលមានចែងដូចជា ការអនុវត្តទោសសហគមន៍ ប៉ុន្តែយើងមិនទាន់អនុវត្តបានព្រោះថា ប្រជាពលរដ្ឋមិនទាន់បានយល់នោះទេ ។
ប្រសិនបើយើងអនុវត្តទៅនឹងទទួលបានភាពបរាជ័យ ហើយបង្កើតជាបញ្ហានៅក្នុងសង្គមទៅវិញទេ ។ អីញ្ចឹងក្នុងជំនួបបានពិភាក្សាវិធានការនៃយន្តការដែលកម្ពុជាមានស្រាប់ ហើយមិនទាន់អនុវត្ត» ។
បើតាមការអះអាងរបស់អ្នកនាំពាក្យដដែលបានឲ្យដឹងថា ក្នុងជំនួបនោះលោកស្រីរ៉ូណា ស្មីត មិនបានលើកពីក្តីកង្វល់របស់អតីតគណបក្សសង្គ្រោះជាតិ និងការជាប់ពន្ធនាគាររបស់អតីតប្រធានគណបក្សសង្គ្រោះជាតិ លោក កឹម សុខា នោះទេ ។ លោកបញ្ជាក់ថា៖ «គាត់លើកឡើងករណីនឹងទេ ដូច្នេះយើងមានការចាំបាច់អ្វីទៅពន្យល់រឿងនឹងទៅប្រាប់គាត់ ។ គាត់មិនបានលើកពីបញ្ហាសិទ្ធិមនុស្សជាទូទៅទេ គាត់ផ្តោតទៅលើកឡើងតែពាក់ព័ន្ធនឹងការកែលម្អប្រព័ន្ធយុត្តិធម៌នៅកម្ពុជា ដើម្បីលើកតម្កើន និងការធានាឲ្យទទួលបានការការពារដោយយុត្តិធម៌» ។
បើតាមអ្នកនាំពាក្យក្រសួងយុត្តិធម៌នបានឲ្យដឹងថា លោកស្រីរ៉ូ ណាស្មីត បានចូលពិភាក្សា ជាមួយលោករដ្ឋមន្ត្រីក្រសួងយុត្តិធម៌សម្រាប់អាណត្តិជាអ្នករាយការណ៍ ពិសេសទទួលបន្ទុកសិទ្ធិមនុស្សនៅកម្ពុជា គឺចំនួន៦លើក ហើយគិតជាទាំងលើកនេះ ៕
ចែករំលែកព័តមាននេះ